Skinfaxi - 01.06.1987, Page 23

t^mamm^m landsmótsspá
Körfuknattleikur
Tvö liö í sérflokki.
Brátt mun hefjast ein mesta
íjiróttahátíð sem haldin hefur verið á
íslandi, er það 19. Landsmót UMFÍ, sem
vcrður að þessu sinni á Húsavík.
Gera má ráð fyrir að Landsmótið í ár
verði hið fjölmennasta hingað til. I
forskráningunni að körfuknattleik hafa
skráð sig fimm lið: Ungmennasamband
Kjalarnesþings (UMSK), Ungmenna-
félag Keflavíkur (UMFK), Ungmenna-
samband Skagafjarðar (UMSS),
Héraðssambandið Skarphéðinn (HSK)
og Ungmennafélagið Geisli, Súðavík.
Einnig má gera fastlega ráð fyrir að
Ungmennafélag Grindavíkur (UMFG),
Ungmenna og íþróttasamband Austur-
lands (UÍA) og Héraðssamband
Snæfellsness og Hnappadalssyslu
(HSH), verði með körfuknattleikslið á
komandi Landsmót, þrátt fyrir að þau
hafi ekki skráð sig enn.
Geta má þess að öll þessi lið, nema
Geisli voru með lið í körfuknattleik á
síðasta Landsmóti í Keflavík, 1984.
Ekki er hægt annað en að gera ráð
fyrir að nýbakaðir íslands- og
Bikarmeistarar, UMFN, verði í
toppbaráttunni, ásamt nágrönnum sínum
UMFK. Verður það líklega úrsli-
taleikurinn á þessu Landsmóti. (Að vísu
er ekki búið að draga í riðla svo spáin
getur riðlast af þeim sökum). En þessi
lcikur ætti að vera kærkominn fyrir
landsmótsgesti, þar sem gcra má ráð fyrir
að þessi tvö lið verði í sérflokki, þar sem
þau leika líklega einna besta
körfuknattleikinn í landinu um þessar
mundir. UMFG geri ég ráð fyrir að komi
fast á eftir, þar sem þeir hafa á að skipa
ungu og efnilegu liði, einnig leikreindum
einstaklingum. Þeir höfnuðu í 6. sæti á
Landsmótinu í Keflavík, en ég geri ráð
fyrir að þeir nái lengra nú.
Við spádóma fyrir næstu sæti má
gera ráð fyrir að happa og glappa
aðferðin verði látin ráða ferðinni, þar
sem mun minna er vitað um þessi lið enda
eru þau ekki eins mikið í brennidepli
íþróttafjölmiðlanna eins og úrvalds-
dcildar- og 1. dcildarliðin. Ég geri ráð
fyrir að HSH haldi sínu 4. sæti að þessu
sinni. Næst á eftir þeim kemur líklega
HSK, en þeir voru í 3. sæti í Keflavík. Þar
á eftir gæti UÍA komið, en lið HSK og
UÍ A ásamt Lélti, kepptu um sæti í fyrstu
deild næsta vetur og mátti vart á milli sjá
hvort liðið hefði betur. En UÍA kom út
sem sigurvegari úr þeirri keppni eins og
kunnugt er. Svo það getur alveg eins
orðið UÍA sem lendir í 5. sæti og HSK í
6. UMSK, UMSS og Geisli, geri ég ráð
fyrir að deili með sér neðstu sætunum.
En Skagfirðingar eru á hraðri uppleið í
körfuknattleik og verður fróðlegt að sjá
hvað kemur út úr þeirra liði að þessu
sinni.
En óhætt er að segja að ekkcrt lið
hefur fyrirfram sigurinn vísann. Enda
hefur sumum liðum orðið þau hrapalegu
mistök á að vanmeta verðuga keppin-
auta.
Ég hvet alla til að fylgjast mcð
keppninni þegar að henni kemur.
Spáin fyrir Landsmótið er því þan-
nig (tölurnar inni í svigunum er
sætisskipan frá síðasta Landsmóti):
1. UMFN d)
2. UMFK (2)
3. UMFG (6)
4. HSH (4)
5. HSK (3)
6. UÍA
Valur Ingimundarson, verður að vanda atkvæðamikill á Landsmóti.
Mynd, Einar Ólason.
SKINFAXI
23