Skinfaxi - 01.10.1997, Síða 16

Þetta verður hörkumót
Það eru þrjú ár síðan Páll
Kolbeinsson lagði hörfuboltaskóna á
hilluna og á sama tíma tók hann
viðkörfuknattleiksliði lindastóls.
Hann hefur þjálfað lindastól í þrjú ár
og hefur jafnframt tekið við stöðu
íþrótta- og æskulýðsfulltrúa
bæjarins. Það má því með sanni
segja að Páll sé með mörg járn í
eldinum þegar kemur að íþróttum.
Guðjón Skúlason og félagar hans hjá Keflavík munu reyna hvað þeir geta til að
halda íslandsmeistaratitlinum. Páll telur hins vegar að deildin verði jafnari en
áður.
- Þú ert íþrótta- og æskulýðsfulltrúi Sauðárkróks. Hvernig er
íþróttalífið í bænum?
„Það blómstrar. Við vorum að taka nýtt glæsilegt íþróttahús í
notkun í réttri stærð. Við erum nýbúnir að byggja upp nýja
knattspyrnu og íþróttavelli fyrir yngri flokka og eldri þannig að
aðstaðan fyrir boltaíþróttir eru orðnar mjög góðar. Síðan erum
við með í áætlun skíðasvæði og frjálsíþróttasvæði svo eitthvað
sé nefnt. Við erum að byggja þetta markvisst upp og ég hef
fengið góðan stuðning frá fólki eftir að ég byrjaði í þessu starfi.”
- Taka bæjarbúar þá virkan þátt í þessari uppbyggingu?
„Já, þeir hafa verið mjög duglegir, bæði börn, unglingar og
keppnisfólkið okkar og síðan hefur almenningur tekið vel við sér
undanfarin ár. Við erum með mjög öflugan og stóran skokkhóp á
íslenskan mælikvarða sem telur 70 til 80 manns. Fólk hérna í
bænum stundar ýmiskonar íþróttastarfsemi til dæmis er
hestamennska mjög vinsæl hérna.”
- Það er greinilegt að íþróttalífið á Sauðárkróki lofar góðu og
körfuboltamen bæjarins hafa farið vel af stað?
„Jú, jú við unnum Opna-Reykjavíkurmótið ekki alls fyrir löngu.
Þetta var góð byrjun á vonandi góðu ári.”
- Þið mætið sterkir til leiks í vetur?
„Við erum með góðan hóp og vonandi blöndum við okkur í
toppbaráttuna. Ég ætla ekki að lofa neinum stórsigrum en við
erum í það minnsta með mjög samkeppnishæft lið. Stefnan er
að vera í einu af fimm efstu sætum deildarinnar. Við eigum að
eiga góða möguleika á því þar sem við höfum fengið Spánverja
sem er 2.07 á hæð3, Torrey John og Sverrir Sverrisson frá
Njarðvík.”
- Það hefur ávallt verið nokkur vandræði hjá landsbyggðar-
liðum hve lítinn hóp þau hafa. Eru þið með nógu breiðan
hóp til að blanda ykkur í toppbaráttuna?
„Ég tel okkur vera með mjög breiðan hóp. Það ætti því ekki að
há okkur.”
- Nú eru sumir í skóla í bænum í vetur. Hvernig fara menn
að?
„Fimm úr tíu manna hópnum eru í Reykjavík og þar munu þeir
æfa í vetur. Þetta er náttúrlega ekki auðvelt. Við notuðum
Reykjavíkurmótið til að keyra hlutina saman og fá smá reynslu.
Þessi vinna krefst þolinmæðis og skipulags.”
- Mun þá liðdið aldrei æfa allt saman í vetur?
„Jú, jú, við munum reyna að hittast einum degi fyrir leiki og svo
verðum við að nýta helgarnar vel til að koma saman. Þetta er í
raun bara pússluspil sem þarf að raða saman.”
Stemmningin hefur ávallt verið mikil á Króknum þegar leikir
eru. Völlurinn ykkar hefur verið kallaður „Síkið“ og aðkomu-
liðum hefur þótt erfitt að spila þar. í ár munu þið spila í nýju
og stærra íþróttahúsi. Heldur þú að sama stemmningin
muni myndast í nýja húsinu?
„Já, ef við verðum í topparáttunni að þá á ég von að við fáum
jafnvel fleiri áhorfendur. Og þá eigum við að geta skapað
svipaða stemmningu og hefur verið hér undafarin ár. Þetta er
ekki eins þröngt og „Sfkið“ en menn eru mjög háværir hér í
Skagafirði og fólk hér í bænum á eftir að styðja vel við bakið á
okkur þegar aðkomulið koma og heimsækja okkur.”