Skinfaxi - 01.10.1997, Side 18

Guðjón í OZ Guðjón í OZ Guðjón í OZ Guðjón í OZ Guðjón í OZ
Fyrir u.þ.b. sex árum stofnuðu tveir stórhuga
strákar lítið fyrirtæki. Draumar þeirra voru
stórir og ekki var laust við að menn hefðu litla
trú á þeim. Þessir efasemdarmenn fengu svo
sannarlega að éta orð sín því fyrirtækið
stækkaði með ógnarhraða og er nú með
starfsemi í öllum heimsálfum og skrifstofur um
allan heím.
Þetta litla fyrirtæki heitir Oz og hefur vaxið frá
því að veita þjónustu við auglýsingagerð á
íslandi í að verða eitt allra besta hugbúnaðar-
fyrirtækið á sínu sviði. flnnar stórhuga
strákanna heitir Guðjón Már Skúlason og er
enn þann dag í dag eigandi Oz. Blaðamaður
Skinfaxa náði af honum tali á milli funda og
utanlandssferða á dögunum.
- Hvenær var Oz stofnað í núverandi mynd?
„Það var í kringum '90-'91, og þá vorum við búnir að reka litla
útgáfu af Oz í tæpt ár. Við höfðum alltaf drauma um að gera
eitthvað stórkostlegt í þrívíddinni. Svo ákvað IBM að veita okkur
30 milljón króna lán án ábyrgðar, þá var ég 18 ára og Skúli
(Mogensen, hinn stofnandinn) tuttugu og eitthvað, og fyrir þá
peninga gátum við keypt mjög öflugar tölvur. Við hugsuðum
frekar stórt strax í byrjun og eftir sex mánuði vorum við farnir að
huga að stofnun útibús í Noregi og svo seinna í Svíþjóð. í
kringum '92 var stefnan sem að vera komnir með mjög öfluga
vinnslu á þrívíddarhönnum fyrir auglýsingastofur á fslandi,
Svíþjóð og Noregi. Við ætluðum að vera skandinavíska
fyrirtækið í þessum geira, einoka Skandinavíu. Það var aldrei
vandamál að hugsa stórt. Svo kom upp að það bilaði hjá okkur
10 milljón króna tölva og við þurftum að rifta samningnum við
IBM og fjárfestum í nýjum tölvubúnaði.”
- Hvaðan komu þeir peningar?
„Þá vorum við búnir að reka fyrirtækið í nokkur ár og búnir að
vinna okkur inn ákveðna virðingu, þannig að við gátum fengið
kaupleigusamninga án ábyrgðar. Alveg frá byrjun höfum við gert
þetta allt sjálfir og aldrei sett neitt annað en okkar eigin nafn í
veð. Engar fasteignir eða neitt svoleiðis.”
- Var ekki erfitt að fá fólk til að veita ykkur verkefni í byrjun,
svona ungum?
18