Skinfaxi - 01.02.1998, Blaðsíða 3

Kristinn ásamt
rx-"
Kristinn Biörnsson
félögum sínum
hjá íslenska
sktpalandsliðinu
'.* ,ia .
i fullu fjöri
Eftir að skyldunámi hér á landi lauk flutti Kristinn sig um
set og settist á skólabekk í Noregi þar sem hann gat æft
íþrótt sína af meira krafti. Það halda því margir fram að sá
skóli (skíðamenntaskóli eins og hann er kallaður) hafi
komiö honum á sporið og gert hann að þeim skíðamanni
sem hann er í dag. Þegar menntaskólanáminu lauk samdi
Skíöasambandið við Finna um að Kristinn æfði með þeim
vegna peningaleysis og eins og flestum er kunnugt hefur
hann æft af krafti meö þeim undanfarin ár og er nú einn
albesti svigmaður heims.
Heimsbikarinn 1998 var fyrsta alvörumót Kristins þar
sem hann náði virkilega að vekja athygli á sér. í framhaldi
af góðum árangri var íslenska þjóðin farin að sjá í hillingum
verðlaunapening á vetrarólympíuleikunum í Naganó sem
haldnir voru í síðastliðnum mánuði. Kristinn náði ekki að
sýna sitt rétta andlit þar, keyrði út úr brekkunni og var
dæmdur úr leik. Nú tekur undibúningur fyrir næsta
Heimsbikarmót við og þá mun Kristinn mæta reynslunni
ríkari til leiks og án efa gera landann stoltann.
Kristinn Björnsson var ekki gamall þegar hann fór að
fikta við skíðin. Fjölskylda hans var búsett í Noregi og
tæplega tveggja ára gamall steig hann í fyrsta sinn á skíði
sem voru nú reyndar ekki alveg jafn góð og þau sem hann
keppir á í dag. Fjölskylda Kristins flutti síðan til Ólafsfjarðar
og þeir sem þangað hafa komið vita að ekki er langt í
skíðabrekkurnar þar í bæ. Kristinn hélt uppteknum hætti
og notaði hvert tækifæri sem gafst til að renna sér niður
brekkurnar á Ólafsfirði. Það fór mikill tími í skíðaæfingar en
snjórinn endist stutt á íslandi og Kristinn reyndi fyrir sér í
öðrum íþróttum eins og til dæmis knattspyrnu.
Það var ekki mikið um mót fyrir skíðaáhugamenn en
Kristinn gerði garðinn frægan á Andrésar Andar-leikunum
ár eftir ár. Hann vann fyrst til verðlauna aðeins 4 ára gamall
en í framahaldi af því hefði hann getað opnað sína eigin
verðlaunapeningaverslun.
Kristmn undirbyr sig
nú að fullu fyrir næsta
heimsbikarmót og þar
er hann til alls líklegur.