Skinfaxi - 01.02.1998, Blaðsíða 22

210 mijónir!
Ungmennafélaginn, Eyjólfur Sverrisson, skrifaöi nýlega undir
samning við þýska stórliðið Herthu Berlín. Knattspyrnufélög út
um allan heim voru á eftir þessum fjölhæfa knattspyrnumanni og
nægir þar að nefna stórliðið Newcastle United á Englandi.
Eyjólfur ákvað hins vegar að vera um kyrrt hjá Herthu og kom það
ekki á óvart þegar upphæð samnings Eyjólfs kom fram á
sjónarsviðið. Eyjólfur fær litlar 70 milljónir á ári næstu þrjú árin hjá
Berlínarliðinu og er það líklega stærsti samníngur sem íslenskur
íþróttamaður hefur gert.
Eyjólfur hefur staðið sig frábærlega vel hjá þeim liðum sem
hann hefur leikið með erlendis. Hann er sannkallaður
vinnuhestur og félagar hans hjá ísienska landsliðinu segja að
hann sjái um „skítverkin" á vellinum. íslenskir áhorfendur hafa
hins vegar ekki kunnað að meta framlag hans og óánægjuraddir
hafa heyrst í stúkunni um að hann eigi ekki heima í landsliðinu!
Þessi þrítugi knattspyrnumaður hefur hins vegar sýnt það og
sannað að hann er einn af okkar fremstu atvinnumönnum allra
tíma og þessi tímamótasamningur hans við Herthu Beriín sýnir
hversu mikið traust félagið hefur á honum.
Það verður gaman aö fylgjast með þýsku knattspyrnunni á
næstu árin. Þýski boltinn er einn sá sterkasti í heiminum enda
hafa þýsk félagslið og þýska landsliðið verið illviðráðanleg á
helstu stórmótum knattspyrnunnar. Eyjólfur verður í sviðsljósinu í
efstu deild þar sem Berlínarliðið sýnir stöðugar framfarir og
Eyjólfur sýnir miklar framfarir. Skinfaxi óskar þessum frábæra
ungmennafélaga til hamingju með samninginn og árangurinn á
knattspyrnuvellinum í gegnum árin - þarna er knattspyrnumaður
sem aðrir ættu að taka sér til fyrirmyndar.
Jóhann Ingi Árnason
)
Landsliðsmaðurinn Eyjólfur Sverrisson hefur haft í nógu að snú-
ast undanfarið. Hann hefur verið einn af fastamönnunum í íslenska
landsliðinu, sem reyndar hefur ekki náð sér á strik að undanförnu.
Eyjólfur hefur einnig verið lykilmaður hjá þýska stórliðinu Herthu
Berlín sem á síðustu leiktíð tryggði sér sæti meðal þeirra bestu í
Þýskalandi.
Eyjólfur gekk til liðs við þetta fornfræga félag þegar það lék í 2.
deildinni í Þýskalandi. Það kom nokkrum á óvart að Eyjólfur hafi
valið þann kostinn, eftir að hafa orðið Þýskalandsmeistari með
Stuttgart og Tyrklandsmeistari með Besiktas. Eyjólfur sagði hins
vegar í viðtali á árinu að hann hefði verið búinn að spyrjast mikið
fyrir um möguleika liðsins og framtíð. „Ég komst að því aö félagið
væri á mikilli uppleið og að metnaðurinn væri mikill. Ég ákvað því
að slá til og taka þátt í spennandi verkefni. Markmiðið hjá stjórnar-
mönnum félagsins var að koma liðinu upp í 1. deild á tveimur árum
en okkur tókst að komast upp strax fyrsta árið."
Það er mikill munur á 1. og 2. deildinni í Þýskalandi og það var
því nauðsynlegt fyrir Berlínarliðið að styrkja hópinn fyrir átökin í vet-
ur. Til liðsins voru fengnir kappar eins og Brian Roy, Kjetel Rekdal
og Dick Van Burik. Árangur liðsins framaf tímabili var slakur en nú
virðist hópurinn vera að ná saman og liðið gerði sér til dæmis lítið
fyrir og sigraði Bayern Munchen 2-1 á dögunum.
Samningur Eyjólfs
Þegar tímabilið hófst í haust átti Eyjólfur aðeins eitt ár eftir af
samningi sínum við Herthu Berlín og fljótlega voru stórlið héðan og
þaðan úr Evrópu farin að hafa samband við kappann. Forráða-
menn Herthu vildu hins vegar fyrir alla muni halda í íslenska lands-
liösmanninn og þrátt fyrir freistandi tilboð frá liðum eins og
Newcastle United á Englandi, ákvað Eyjólfur að endurnýja samn-
ing sinn við Berlínarliðið. Það er talið að nýji samningur Eyjólfs sé
sá stærsti sem íslenskur íþróttamaður hefur gert og hefur talan 70
milljónir á ári verið nefnd en til samanburðar má nefna að David
Beckham leikmaður Manchester United hefur rúmar 80 milljónir í
árslaun hjá Rauðu djöflunum. Eyjólfur er nú kominn yfir þrítugt og
með nýjan þriggja ára samning við Herthu er ekki ólíklegt að hann
endi atvinnumannaferil sinn hjá félaginu. Eftir það er aldreí að vita
nema við fslendingar fáum að sjá hann í Sjóvá-Almennra deildinni
en það er ólíklegt að laun hans þar verði svipuð þeim sem hann
hefur í dag!
22
i