Skinfaxi - 01.02.1998, Blaðsíða 38

Fjölbreyttar
forvarnir
Páll Pétursson er stjórnar-
madur hjá UMFÍ og starfar
hjá DV.
Ungmennafélagshreyfingin er ekki aö-
eins íþróttahreyfing, heldur einnig umhverf-
ishreyfing, jarövegur fyrir kröftuga menn-
ingarstarfsemi, landgræöslu, skógrækt og
mannrækt. Kjörorðin „Ræktun lýðs og
lands" segja svo margt þegar þau eru
skoðuð, og óvíða eiga þau betur við en í
þessum samtökum. Mörg af mestu fram-
faramálum þjóðarinnar fyrr á öldinni eiga
upphaf sitt að rekja til ungmennafélags-
hreyfingarinar. Má þar nefna að skógrækt
var stór þáttur í starfsemi fyrstu ungmenna-
félaganna, sem stofnuð voru fyrir meira en
öld siðan, og þau eru grunnurinn að því öfl-
uga starfi sem er víða í skógrækt og land-
græðslu hér á landi. Fjölmörg ungmenna-
félög eru enn í dag að hlúa að skógarreitum
sem byrjað var að gróðursetja snemma á
öldinni, og önnur félög hafa verið aö fara
inn á þessa braut í starfinu á undanförnum
árum. Ungmennafélag (slands hefur staðið
fyrir umhverfisverkefnum á undanförnum
árum sem hafa vakið mikla athygli á starf-
semi samtakanna, og mjög mörg félög hafa
tekið þátt í þeim. Þar var um að ræða rusla-
tfnslu meðfram þjóðvegum landsins, og síð-
an hreinsun á ströndum, árbökkum og
vatnsbökkum. Með því að vinna slík verk-
efni öðlast þátttakendur betri innsýn í nátt-
úruna, og hvaða áhrif mengun hefur á
hana. Þetta verður einnig til þess að þeir
hugsa sig um áður en þeir henda rusli, t.d.
út um bílgluggann eða í útilegunni, og
stuðla þannig að hreinna umhverfi.
Leiklist er stór þáttur i menningarstarf-
semi þjóðarinnar, og fátt er skemmtilegra
en að sjá vel uppfærða leiksýningu, hvort
sem um er að ræða atvinnuleikara eða
áhugafólk. Atvinnuleikhúsin hýsa marga af
bestu leikurum þjóöarinnar, en þegar mað-
ur sér leiksýningu sem sett er upp af fá-
mennu ungmennafélagi má oft sjá stórgóða
leikara sem leggja sig alla fram í því sem
þeir eru að gera. Eini munurinn er sá að
ungmennafélaginn er að vinna í sjálfboða-
vinnu fyrir félagið sitt, og er oft búinn að
leggja á sig margra vikna æfingar ekkert
síður en atvinnuleikarinn. Mörg ungmenna-
félög eru mjög metnaðarfull þegar leiklistin
er annars vegar, og hafa ekki ráðist á garð-
inn þar sem hann er lægstur í þeim efnum,
því að á efnisskránum sjást verk eftir þekkta
höfunda, innlenda og erlenda. Oft eru upp-
færslurnar sniðnar að litlum félagsheimilum
og mörg félög búa við lélega aðstöðu í
þeim efnum.
Ég nefndi hér í upphafi, að kjörorð okkar
er „Ræktun lýðs og lands". Og hvað er
ræktun lýös og lands annað en forvarnir!
Forvarnir í ungmennafélagshreyfingunni
eru fólgnar í því að gefa börnum og ung-
lingum kost á að taka þátt í íþróttastarfi á
vegum félaganna, hlúa að landinu með því
að taka þátt í skógrækt eða umhverfisátaki,
eða með því að setja upp leiksýningu fyrir
árshátíðina. Forvarnir geta einnig verið í því
fólgnar að unglingar sjá um undirbúning og
framkvæmd þorrablóts í sveitinni, þ.e. sjá
um skemmtiatriðin, veitingarnar, miðasöl-
una og fleira sem þarf að gera fyrir slíkar
skemmtanir. Svona vinna eykur mjög fé-
lagsþroskann og eykur ábyrgðartilfinningu
hjá ungu fólki, og oft spretta leiðtogar fram-
tíðarinnar einmitt úr þessum jarðvegi. Þetta
er starf ungmennafélaganna í hnotskurn.
Útgefandi: Ungmennafélag íslands Ritstjóri: Jóhann Ingi Árnason Auglýsingar: Edda Sigurðardóttir
Ljósmyndir: Sigurjón Ragnar, Jóhann Ingi Árnason Ábyrgðarmaður: Þórir Jónsson
Ritstjórn: Sigurbjörn Gunnarsson, Sigurlaug Ragnarsdóttir, Vilmar Pétursson, Anna R. Möller
Stjórn UMFÍ: Þórir Jónsson, Björn B. Jónsson, Kristján Yngvason, Jóhann Ólafsson.
Meðstjórnendur: Ingimundur Ingimundarson, Kristín Gísladóttir, Sigurður Aðalsteinsson.
Varastjórn: Anna R. Möller, Sigurbjörn Gunnarsson, Páll Pétursson, Helga Guðjónsdóttir.
Framkvæmdastjóri: Sæmundur Runólfsson Afgreiðsla Skinfaxa: Fellsmúla 26 108 Reykjavík Sími: 568-2929
Prentun: Svansprent Pökkun: Vinnustofan Ás Áskriftarverð Skinfaxa kr: 1790 fyrir árið
Verð í lausasölu kr: 399
J
38