Skinfaxi - 01.02.1998, Blaðsíða 23

Jolli & landsliðið
Eyjólfur spilaði sinn fyrsta A-landsleik á
móti Lúxemborg árið 1991.
Eyjólfur hefur nú leikið um það bil 40
landsleiki fyrir íslands hönd.
„Ég hef enga skýringu á slæmu gengi
landsliðsins. Við erum að sjálfsögðu mjög
svekktir yfir því hvað við höfum verið að
standa okkur illa."
„Við erum langt frá því að vera með lélegt
landslið. Við erum með góða einstaklinga
það er bara spurningin um að púsla þessu
saman. “
„Ég hef persónulega ekki verið ósáttur við
uppstillingarnar á landsliðinu. Ég spila í
vörninni hjá Herthu en oftast á miðjunni hjá
landsliðinu. Ég hef oft spilað á miðjunni og
þekki því þá stöðu vel.“
„Það skiptir í raun ekki máli hvar maður
spilar á meðan það er vænlegt til árangurs.
Það skiptir mestu máli að liðið nái að vinna
saman sem ein heild."
„Það þýðir ekki að stinga
hausnum í sandinn og
gefast upp. Það koma
alltaf slæmir tímar og þá
verða menn að hafa
karakter til að rífa sig
upp úr þeim og nú er
það í okkar höndum að
gera það.“
23