Skinfaxi - 01.12.1998, Qupperneq 12

Ánægður og
stoltur af
strákunum
Landsliðsþjálfarinn Guðjón Þórðarson
ætlar lengra með landsliðið en áður hefur
verið gert. Valdimar Kristófersson settist
niður með Skagamanninum ákveðna...
að mátti merkja á
orðum Guðjóns
Þórðarsonar þegar
Logi Ólafsson var
ráðinn landsliðs-
þjálfari 1996 að
hann væri ekki
sáttur við valið. Honum fannst fram
hjá sér gengið og átti erfitt með að
sætta sig við orðinn hlut. Það vissu
þó allir um hæfileika Guðjóns og
ekki þurfti hann að bíða lengi eftir að
tækifærið byðist á nýjan leik. Loga
var sagt upp sumarið 1997 og í raun
kom enginn annar til greina en Guð-
jón til að stýra fleyinu. En Guðjón er
umdeildur maður og ákvarðanir
hans orka oft tvímælis. Hann er sig-
urvegari í eðli sínu, röggsamur og
stendur við sínar ákvarðanir og það
hefur fleytt honum langt. Hann hef-
ur nú starfað sem landsliðsþjálfari í
tæpt eitt og hálft ár og undir hans
stjórn hefur landsliðið náð góðum
árangri. Skinfaxi fékk Guðjón til að
fara yfir stöðu mála hjá landsliðinu.
- Þótt Guðjóni hafi verið ýtt út í
horn þegar Logi var ráðinn lands-
liðsþjálfari þá fylgdist hann
grannt með landsliðinu. En ætli
hann hafa komið með einhverjar
áherslubreytingar eftir að hann
tók við liðinu?
„Nei, ég gerði það reyndar ekki.
Ég ákvað að fara hægt í breytingar
og skoða hvernig ástandið væri. Ég
notaði alla leiki sem voru eftir und-
ankeppni Heimsmeistaramótsins til
þess að skoða hvernig hópurinn
væri samansettur og hug leik-
manna."
- Þú hefur þá ekki farið strax í
einhverjar markvissar breytingar
á skipuiagi liðsins?