Skinfaxi - 01.02.2006, Blaðsíða 11
Rífandi áhugi og
bjart fram undan
Það vakti sérstaklega athygli á Meistaramóti (slands í frjálsum
íþróttum 15-22 ára að sjá keppendurfrá Ungmennafélaginu
Skipaskaga á Akranesi. Anna Bjarnadóttir, formaður Skipa-
skaga, fylgdi þremur keppendum á mótið en Ijóst er að mikið líf
hefur færst í félagið eftir að Anna tók við for-
mennsku fyrir tveimur árum síðan.
Anna er íþróttakennari að mennt og kennir
við Fjölbrautaskólann á Akranesi. Skipaskagi
sendi einnig hóp keppenda á meistaramótið
12-16 ára á dögunum, svo vakningin í félaginu
er mikil um þessar mundir. Skiþaskagi var stofn-
aður 1951 og síðan endurvakinn ífebrúar 1991.
Anna var innteftirþvíhvaða starfsemi væri
haldið úti hjá félaginu ídag.
„Við erum með dans- og hnefaleikadeild, skokkhóp og frjálsar
íþróttir svo að starfsemin er bara töluverð í ekki stærra félagi.
Þetta er sjötti veturinn minn á Akranesi en okkur hefur tekist
smám saman að rífa frjálsíþróttirnar upp og er nú svo komið að
um 30-40 krakkar eru að koma á æfingar. Það virðist vera rífandi
áhugi og á fundi á dögunum kom fram vilji til að halda þessu
áfram á sömu braut hjá krökkunum og ekki var áhuginn síðri hjá
foreldrum þeirra.
Það er stundaður mikill línudans á Akranesi og um 100 manns
dansa þennan dans að jafnaði á æfingum. Hnefaleikarnir eru
einnig vinsælir en þá stunda nálægt 50 manns. Starfsemin fer að
mestu fram í íþróttahúsinu við Vesturgötu en dansinn í sölum úti í
bæ. Þegar knattspyrnuhöllin rís á Akranesi
horfum við til þess að geta fjölgað æfing-
um ífrjálsum íþróttum/'sagoi Anna Bjarna-
dóttir.
- Sérðu tímana bjarta innan félagsins á
næstu árum?
„Já, ég geri það reyndar og á meðan
áhuginn, sem fólk sýnir nú, helst óbreyttur
er ég óhrædd um framhaldið. Við horfum
alla vega björtum augum til framtíðar og
markmið okkar er að koma þeim deildum sem nú eru starfandi vel
á koppinn áður en eitthvað nýtt verður tekið inn. Ungmennafélag-
sandinn lifir svo sannarlega á Skaganum,"sagði Anna. Hún sagði
enn fremur að Skipaskagi ætli að mæta með myndarlegan hóp
á Unglingalandsmótið næsta sumar en félagið hefði einnig tekið
þátt í mótinu í fyrra.
„Það er mikill meðbyr og hann ætlum við svo sannarlega að
nýta,"sagði Anna að lokum.
Mætum með
myndarlegan hóp
á Unglinglands-
mótið í sumar