Skinfaxi - 01.02.2006, Blaðsíða 15
íþróttamiðstöðin opnuð
með glæsilegri hátíð
íþróttamiðstöðin að Versölum
var formlega opnuð með
glæsiiegri opnunarhátíð
íþróttafélagsins Gerplu sem
fram fór 20. og 21. janúar.
Fram kom á sýningunum breiður
hópur iðkenda úr Gerplu sem
sýndu ýmiss konar fimleikaatriði,
s.s. dýnustökk, trampoline,
æfingar í hringjum, á bogahesti
eða slá svo dæmi séu tekin.
Gestir höfðu margir á orði að
sýningin hafi verið ein sú
glæsilegasta sem fimleikafólk
hafi sett upp hérlendis.
Ljósmynd:
Guðjón Einar
Guðmundsson
íþróttafélagið Gerpla hefur því formlega opnað aðstöðu
félagsins að Versölum og fékk afhentan því til staðfestingar skjöld
frá (þrótta- og Ólympíuakademíunni sem Ellert B. Schram afhenti
Kristjáni Erlendssyni, formanni Gerplu.
Við þetta tækifæri var Gunnar Birgisson bæjarstjóri gerður
að heiðursfélaga Gerplu vegna mikils stuðnings sem Kópavogs-
bær hefur sýnt félaginu á undanförnum misserum. Sú frábæra
aðstaða sem félagið býr nú við hefur m.a. leitt til mikillar fjölgunar
i félaginu sem og að öll íþróttaiðkun hefur tekið stórstígum fram-
förum.
Björn Bjarndal Jónsson, formaður Ungmennafélags l’slands,
óskaði Gerplu innilega til hamingju með glæsilega aðstöðu sem
risin væri íVersölum, í ávarpi við opnunina.
Þorgerður Katrín Gunnarsdóttir menntamálaráðherra nefndi
að sú aðstaða sem Iþróttafélaginu Gerplu væri nú búin væri gott
dæmi um kraftmikinn stuðning Kópavogsbæjar við íþrótta- og
æskulýðsstarf. Sagði hún jafnframt að ef unnt væri að veita Fálka-
orðuna í þessum efnum þá væri Kópavogsbær nú þegar búinn að
fá slíka viðurkenningu fyrir stuðning við íþróttastarf í bæjar-
félaginu. Gunnar Einarsson, formaður FSÍ, færði félaginu klukku að gjöf og óskaði félaginu alls
hins besta í framtíðinni.
Auk iðkenda frá Gerplu komu fram núverandi Evrópu- og Norðurlandameistarar í hópfim-
leikum frá Hulby í Danmörku en hópurinn setti skemmtilegan svip á sýninguna. Var þeim
fagnað innilega af áhorfendum og færðu fulltrúar Gerplu þeim bestu þakkir fyrir þátttökuna í
þessum viðburði í sögu félagsins.
Að sýningunni kom breiður hópur iðkenda, þjálfara og annarra sjálfboðaliða. I sýningarstjórn
voru þau Ásta Isberg, Berglind Pétursdóttir, Dorthe Per Hauberg Fischer, Guðmundur Þór
Brynjólfsson, Hanna Lóa Friðjónsdóttir, Hlíf Þorgeirsdóttir, Hlín Bjarnadóttir, Hrund Þorgeirsdótt-
ir, Jón Finnbogason, Kim Per Hauberg Fischer, Kristín Gísladóttir og Svetlana Makaritseva.
SKINFAXI - tímarit Ungmannafélags íslands 1 5