Skinfaxi - 01.02.2006, Blaðsíða 20

Gísli A. Pálsson, formaður UFA:
Ungmennafélag Akureyrar, UFA, er
100 ára en félagið var stofnað 6. janúar
1906. Samkvæmt skilgreiningu er félagið
því eitt elsta ungmennafélagið í landinu
og starfsemin stendur í blóma um þessar
mundir.
Það voru ungir menn sem komu
saman á Akureyri fyrir eitt hundrað árum
og stofnuðu félagið og fljótlega skipuðu
íþróttir stóran sess í starfsemi félagsins.
í dag á UFA á að skipa efnilegu og upp-
rennandi keppnisfólki. Formaður félags-
ins er Gísli A. Pálsson og hefur hann
gegnt því starfi í tvö ár.
„Menn hafa verið að velta því fyrir sér hvort félagið hafi í raun orðið 100 ára
gamait á dögunum. Það eru að vísu rúm 100 ár síðan að Ungmennafélag Akureyrar
var stofnað. Starfsemin lagðist af í kringum 1930 en síðan var stofnað nýtt félag 1988
og spurning hvort það sé sama félagið. Sumir segja erfitt að halda því fram. Engu að
síður var stofnað annaðfélag með sama nafni og í sjálfu sér á grunni hins,"sagði Gísli
A. Pálsson, formaður ungmennafélagsins.
- Hvernig ganga annars hlutirnir fyrirsig í félaginu í dag?
„Ég ber ekki kinnroða fyrir það, það er allt á réttri leið. Við
horfum fyrst og fremst á frjálsar íþróttir og erum ekki í öðru en
því hefðbundna, mannrækt og öðru slíku. Iðkendum í frjálsum
íþróttum fjölgar og starfsemin þar þokast öll í rétta átt. Við
kvörtum yfir sumaraðstöðunni sem er ekki góð. Þó er bót í
máli að það styttist í að hún verði löguð samhliða Landsmót-
inu hérá Akureyri 2009,"sagði Gísli.
Skráðir félagar í UFA nálgast eitt þúsund. Barna- og unglingastarfið stendur í blóma og margir ungir og efnilegir
frjálsiþróttamenn eru að stíga fram í sviðsljósið. Því til staðfestingar er góður árangur keppenda frá UFA á mótum sem
haldin hafa verið í vetur. Að sögn Gísla er tímabilinu skipt í þrjár annir, sumarið og fyrri og síðari hluta vetrar. Á annað
hundrað iðkendur æfa meira og minna á vegum félagsins. Gísli segir þetta hægt vaxandi góðan hóp undir handleiðslu
frábærra þjálfara.
Þegar hann er spurður hvort þeir ætli að halda sérstaklega upp á þessi tímamót félagsins segir hann ekkert ákveðið
í þeim efnum.„Það hefur þó verið lítillega rætt innan okkar hóps hvernig þessara tímamóta verði minnst.Við sjáum
hvað setur í þeim efnum/'sagði Gísli.
Starfsemin
þokast öll
í rétta átt
Styrkirtil lýðháskólanáms
UMFÍ hefur gert samstarfssamning við 6 íþróttalýðháskóla í
Danmörku. Skólarnir eru vítt og breitt um landið og leggja
áherslur á mismunandi íþróttagreinar. Skólarnir sem hér um
ræðir eru í Sonderborg, Ollerup, Gerlev, Viborg, Árhus og Nord-
jyllands Idrætshojskole í Bronderslev.
UMFÍ getur veitt nemendum styrk til dvalarinnar og er
hægt að hafa samband við þjónustumiðstöð UMFÍ, s. 568 2929,
til að fá nánari upplýsingar. Skólarnir er misdýrir en það ræðst
af afslætti sem við fáum hjá hverjum skóla fyrir sig. Eins leggja
skólarnir áherslu á mismunandi íþróttagreinar sem fyrr sagði,
sumir á fimleika en aðrir á boltagreinar. (slendingar hafa staðið
sig vel í dönsku skólunum en þátttakendur á aldrinum 18-25
ára eiga kost á að sækja um skólavist.
Það eru margir sem nota tímann þegar stúdentsprófi lýkur
til að hugsa næstu skref hvað skólagöngu áhrærir. Dvölin á
íþróttalýðháskólunum gefur nemendum ákveðna reynslu og
þekkingu sem þeir búa að alla ævi. Ennfremur gefst þarna
kjörið tækifæri til að læra dönskuna. Þetta gefur nemendum
tvímælalaust tækifæri sem þeir fengju ekki annars staðar.
20 SKINFAXI - tímarit Ungmannafélags íslands