Skinfaxi - 01.12.2006, Blaðsíða 8

Undirbúningsnefnd fyrir Unglingalandsmót 2008:
Nefnd skipuð og undir-
búningur hafinn vegna
Unglingalandsmóts 2008
Unglingalandsmót UMFÍ verður haldið í
Þorlákshöfn árið 2008 og á dögunum hóf
nefnd, sem sér um undirbúning og fram-
kvæmd mótsins, störf.
Stjórn HSK hefur skipað sjö manna
Unglingalandsmótsnefnd og eru þrír
þeirra tilnefndir af stjórn UMFÍ. Þeir sem
eiga sæti í nefndinni eru: Gísli Páll Pálsson,
formaður FISK, Ragnar Sigurðsson, vara-
formaður FISK, Bolli Gunnarsson, gjaldkeri
HSK, Ólafur Áki Ragnarsson, bæjarstjóri
Sveitarfélagsins Ölfuss, Björn B. Jónsson,
formaður UMFf, Helga Guðjónsdóttir, vara-
formaður UMFÍ, og Sæmundur Runólfsson,
framkvæmdastjóri UMFÍ.
Á fyrsta fundi nefndarinnar, sem hald-
inn var 17. október sl., skipti nefndin með
sér verkum þannig að formaður nefndar-
innar er Ragnar Sigurðsson, varaformaður
Gísli Páll Pálsson, gjaldkeri Bolli Gunnars-
son og ritari Helga G. Guðjónsdóttir.
Mikill hugur er í heimamönnum í
Þorlákshöfn og á fundinum kynnti Ólafur
Áki bæjarstjóri væntanlega uppbygg-
ingu íþróttamannvirkja í Þorlákshöfn.
Byggð verður viðbygging við íþróttahús,
fimleikaaðstaða, ný sundlaug og búnings-
aðstaða, knattspyrnuvöllur og frjálsíþrótta-
leikvangur með hlaupabraut af bestu gerð.
Teikningar fara í útboð fyrri hluta næsta
árs og áætlanir gera ráð fyrir að allt verði
tilbúið í júní 2008.
Mynd: Frá hægri: Helga Guðjónsdóttir,
ÓlafurÁki Ragnarsson, Björn B. Jónsson,
Bolli Gunnarsson og Gísli Páll Pálsson. Á
myndina vantar Sæmund Runólfson og
Ragnar Sigurðsson.
Námskeið í styrkumsóknum fyrir íþróttafélög í Reykjanesbæ
Ungmennafélag íslands stóð i
byrjun nóvember fyrir námskeiði
um möguleika fyrir iþróttafélög
til að sækja um styrki. Námskeiðið
var haldið í samstarfi við íþrótta-
akademíuna í Reykjanesbæ og
sóttu námskeiðið um 15 einstakl-
ingar frá ýmsum félögum af
Reykjanessvæðinu.
Valdimar Gunnarsson, landsfull-
trúi UMFl, stýrði námskeiðinu og
upplýsti þátttakendur um mögu-
leikana sem í boði eru á þessu
sviði. Umhverfið í styrkjaumsókn-
um hefur breyst töluvert á síð-
ustu árum en fjölmörg fyrirtæki
bjóða upp á styrki af ýmsu tagi.
Valdimar lagði á það þunga
áherslu á námskeiðinu að
umsækjendur yrðu að vanda vel
umsókn sína og gefa sér góðan
tíma í að fylla hana út. Allt of
algengt væri að umsækjendur
væru að fylla umsóknina út
kvöldinu áðuren fresturinn rynni
út. Mjög brýnt væri að skoða
reglur sjóðanna vel og sjá hvaða
styrkir væru í boði. Valdimar
gefur allar nánari upplýsingar
um styrkjaumsóknir, í þjónustu-
miðstöð UMFl í Fellsmúla 26 í
síma 568-2929.
Frá námskeiðinu í Íþróttaakademíunni í Reykjanesbæ.
8 SKINFAXI - tímarit Ungmannafélags íslands