Sjómannablaðið Víkingur - 01.12.1978, Page 49

TU sjós í næsta sumarfríi?
Á tímum vaxandi tekna og auk-
inna tómstunda (í suinurn löndum
a.m.k.) eru sífellt að bætast við
nýir möguleikar til þess að eyða
sumarleyfinu. Það nýjasta og vin-
sælasta er að leigja húsbáta, litla
skemmtibáta til ferðalaga. Um
borð er allt sem fjolskyldan þarfn-
ast og siglt er um lokaða firði ár og
strauma.
Á meðal vinsælla staða fyrir
bátsferðir af þessu tagi eru sigl-
ingar á ám og vötnum írlands.
Siglingaleiðin um írland er
mjög auðveld, jafnvel fyrir örg-
ustu landkrabba, baujur og veg-
vísar sýna leiðina og bátarnir láta
vel að stjórn.
Ferðin hefst yfirleitt við
Shannon ána, sem er lygn og
auðveld yfirferðar. Shannon er
lengsta á írlands, og hún er lengsta
skipgenga áin á Bretlandseyjum,
og leiðin liggur um sex flóðgáttir,
þar sem skipum er lyft upp á
hærra vatnasvæði. Ferðin hefst
kannski í Loch Key og henni lýkur
í Limerick, sem er 320 kílómetrum
neðar, og leiðin liggur ýmist á
fljótum eða stöðuvötnum, (sem
eru 18 talsins), þar með talin mjög
öll þægindi eru um borð. Hér sitja hjónin
að niiðdegisverði uin borð í skipi sínu, en
vistarverur eru rúingóðar. Húsbátur kost-
ar lítið meira á Irlandi en venjulegur bíla-
leigubíll — og ekki þarf að greiða hótel
meðan dvalið er uni borð.
Húsbátar við bryggju á vatnaleiðum írlands.
stór vötn, eins og Lough Ree og
Lough Derg, en það síðartalda er
50 kílómetra langt og 11 kílómetra
breitt.
En Shannon er ekki eina leiðin í
þessu mikla vatnakerfi. Einnig er
unnt að sigla til Dublin um svo-
nefndan Grand canal, sem gerður
var á 19. öld. Þaðan er einnig unnt
að sigla inn í Barrow fljótið og til
sjávar við Waterford, en það er
um 80 kílómetra leið.
Víða eru hafnir, með skemmti-
legum bæjum, og að sjálfsögðu
ekta írskum sveitakrám, og þar er
unnt að taka vistir, en um borð er
allt til eldamennsku, en auk þess
svefnpláss fyrir 4—8 manns, og
þurfa menn ekkert að hafa með
sér, nema fatnað.
Þeir sem reynt hafa, ber öllum
saman um að skemmtilegra
ferðalag sé ekki hægt að hugsa sér,
og kostnaði er mjög stillt í hóf,
einkum þegar fleiri eru um einn
bát.
Nokkrar íslenskar ferðaskrif-
stofur munu hafa umboð fyrir
skemmtibáta, eða húsbáta af
þessari gerð. Bæði á írlandi og í
Englandi.
Bátahöfn á Shannon fljótinu á írlandi.
VÍKINGUR
49