Sjómannablaðið Víkingur - 01.01.1992, Page 35

Marel selur mikið í Noregi
Söluverðmæti Marel-tækja í Noregi
á síðasta ári nemur rúmlega 70 mill-
jónum ísl. króna og horfur eru mjög
góðar á áframhaldandi söluaukningu
á yfirstandandi ári.
Geir A. Gunnlaugsson, fram-
kvæmdastjóri Marels, afhenti fulltrú-
um umboðsfyrirtækisins í Noregi,
Maritech Systems A/S, viðurkenn-
ingu fyrir mesta söluaukningu á milli
ára.
Ástin — ástin
Bæjarins besta — óháð fréttablað á
Vestfjörðum sagði nýlega frá ungum
manni sem henti sér í ísafjarðarhöfn
af einskærri ást til stúlku sent vildi
lítið með hann hafa. Hann var svo
hífður upp úr höfninni en þá varð
hann svo vondur að löggan varð að
setja á hannhandjárn. I löggunni á
ísafirði eru góðir drengir sem skildu
sorg unga mannsins og hjálpuðu
honum í heitt bað uppi á stöð og
gáfu honum svo kaffitár. Að þessu
fengnu var talið óhætt að flytja hann
heim til sín.
Hvort hjarta ungmeyjarinnar
hefur bráðnað við svo öfluga ástar-
játningu vitum við ekki. Hitt er okk-
ur nú loksins ljóst að ástin er enn
ósköp svipuð og hún var á öldum
áður þegar hetjur gengu í opinn
dauðann til að tjá elskunni sinni
ofurþunga ástarinnar. Hvað sú heitt-
elskaða átti svo að gera með dauðan
mann er okkur óljóst enn.
Nemar í fiskifræði
„Eg veit til dæmis ekki um neinn
sem er í framhaldsnámi í fiskifræði í
augnablikinu.“ Þetta er haft eftir
Jóni Þórðarsyni námsbrautarstjóra
sjávarútvegsdeildarinnar í háskólan-
um á Akureyri í viðtali íjólablaði
Víkingsins á síðast liðnu ári.
Islenskum nemum í fiskifræði við
háskólann í Bergen féll þetta ekki vel
og þeir skrifuðu Jóni bréf þar sem
þeir segja honum frá því að finnn
Islendingar séu þessa stundina við
framhaldsnám í fiskifræði við er-
lenda háskóla, fjórir þeirra í Bergen
og einn í Seattle, USA. Þessir menn
eru: Magnús Þór Hafsteinsson, Ingi
Rúnar Jónsson, Sigurður Þór Jóns-
son og Þorsteinn Sigurðsson í Berg-
Á myndinni eru taldir frá vinstri: Tore
Björná, Magni Veturliðason og Odd Fol-
land frá Maritech Systems A/S og Geir A.
Gunnlaugsson, Þórður Ingason og Þórólf-
ur Árnason frá Marel.
en og Geir Oddsson í Seattle. Þeir
gera stutta grein fyrir námsferli
sínum á háskólastigi og allir hafa þeir
starfað sem rannsóknarmenn á
Veiðimálastofnun eða Hafrann-
sóknastofnun, Magnús Þór reyndar
við báðar og Geir einnig sem útibú-
sstjóri Hafrannsóknastofnunar í Ól-
afsvík. Bréfritarar sendu ritstjóra
Víkingsins afrit af bréfinu og óskuðu
eftir því að þessar upplýsingar kærnu
fram í blaðinu. Sjálfsagt er að verða
við þeirri ósk.
Bréfi sínu til Jóns ljúka þeir með
þessum orðum: „I lokin viljum við
lýsa takmarkaðri hrifningu okkar á
orðum þínum um að íslenskir náms-
menn kjósi fremur að leggja stund á
söngmenntir en önnur fög sent
hagnýtari þættu. Unnnæli af þessu
tagi eru lítt til þess fallin að draga úr
hleypidómum gagnvart námsmönn-
um, ekki síst þegar þau eru höfð eftir
framámanni við háskóla Islands á
almennum vettvangi."
SKOÐUN OG VIÐGERÐIR GÚMMÍBÁTA.
EINNIG SKOÐUN OG VIÐGERÐ
BJARGBÚNINGA.
Gúmmíbátaþjónustan
Eyjaslóð 9 ■ Örfyrisey ■ sími 91-14010 • fax 91-624010.