Sjómannablaðið Víkingur - 01.06.1995, Side 26

VÍKINGUR
61 Ceres. Við vorum búnir að vera á
reki í þoku í þrjá eða fjóra daga, og
ekki bara við heldur allir hvalbátarnir.
Þá sagði ég skipstjóranum, Sigurði
Njálssyni, frá draumnum og það var
eins og við manninn mælt; hann setti á
fulla ferð og sigldi í tíu til tólf tíma og
þegar siglingunni lauk birti til og allt
fullt af hval. Þegar við vorum búnir að
veiða tvo búrhvalir lagði aftur þoku
yfir allt. Skipstjórinn sigldi í reitinn
61 Ceres á kortinu með þessum
árangri. Hinir voru enn á reki og
fengu því ekkert. Oft hefur mig líka
dreymt tómt rugl. Ég man nokkra
drauma en ég vil ekki ráða meira í
þetta.“
Vissulega eru margar
stundir erfiðar
Starf útfararstjóra hlýtur að taka á,
sérstaklega í litlu samfélagi þar sem
þú þekkir vel tilflestra sem þú sinnir.
„Það getur verið það. Vissulega eru
margar stundir erfiðar og þannig að
maður vildi helst ekki þurfa að upplifa
þær, en ég er ekki í nokkrum vafa um
að sjómennskan hjálpar mér í þessu
starfi. Á sjónum vandist maður því að
ganga í verkin, sama hver þau voru.
Ég er ekki að segja að ég sé betri en
aðrir í þessu, en samt held ég að sjó-
mennskan hjálpi mér.
Það koma líka góðar stundir í starfi
útfararstjórans, þakklátar stundir.
Þetta starf getur verið gjöfult. Það er
heiður að fá að starfa með fólki og
fyrir það á stundum sem þessum.
Við útfararþjónustuna þarf ég alltaf
að vera tilbúinn að mæta því erfiða.
Þetta er ekki það stórt samfélag að við
erum öll eins og ein stór fjölskylda.
Undirbúningur minn er jafnvel meiri
þess vegna. Sorgin eins og snertir
náungann meira en til dæmis í
Reykjavík og þá um leið er ánægjan
því meiri hér þegar það á við. Við
erum meira og minna skyld, tengd eða
þekkjumst. Við erum nánari. Það
þekkjum við úr sjávarplássum þegar
hörmungar verða; fólkið stendur betur
saman.“
Hreggviður hefur starfað við
kirkjuna meira og minna í tíu ár. Hann
byrjaði í kórnum, síðan leiddi hvað af
öðru og nú er Hreggviður í mörgum
störfum fyrir kirkjuna í Borgarnesi.
„Ég hef verið við nánast allar athafnir
í kirkjunni síðan.“
Langar þig kannski íguðfrœði?
„Það eru svo margir góðir guðfræð-
ingar að ég hef ekki hugleitt það
alvarlega. Það hlýtur að vera gaman,
en það þarf líka gott fólk í það starf
sem ég er í. Það er hægt að gera
annað, til dæmis að læra til djákna, en
ég á fjölskyldu svo það er erfitt. Ég
hætti á sjónum þar sem mig langaði að
vera með fjölskyldunni."
Þeir eru góðir menn
báðir tveir
Hreggviður hefur starfað með
tveimur prestum, séra Þorbirni Hlyni
Árnasyni, núverandi biskupsritara, og
séra Árna Pálssyni, föður Þorbjarnar.
Þorbjörn fékk leyfi frá prestsstörfum
til að sinna starfi biskupsritara og
faðir hans leysti hann af. Þorbjörn er
að koma aftur til starfa nú í sumar.
„Þeir eru góðir menn báðir tveir.
Það hafa komið hingað fleiri prestar
með hinar ýmsu athafnir.“
Þótt sóknarpresturinn í Borgarnesi
þjóni einnig fjórum öðrum kirkjum er
Hreggviður einungis meðhjálpari í
Borgarnesi.
„Utfararþjónustan nær yfir stærra
svæði. Bæði vestur á Mýrar og í upp-
sveitir Borgarfjarðar. Ég er starfs-
maður safnaðanna en ráðuneytið þarf
að veita mér leyfi til að starfa, lögum
samkvæmt. Hér í Borgarnesi höfum
við mótað góða útfararþjónustu, ég
held að við getum verið sátt við það
sem við höfum gert.
Ég hef umsjón með kirkjunni en ég
er ekki sérlega laginn og get því ekki
gert allt. Kirkjuverðir eiga að vera
viðstaddir allar athafnir og það geri
ég. Líkhúsið þjónar öllu héraðinu og
ég sé um það fyrir hönd safnaðarins.
Eins er nokkurt starf við kirkju-
garðinn."
Eg átti einlæga trú og
samband við Guð
Þú sagðir áðan að þig langaði að
verða trúaður, áttu langt eftir?
„Ég segi alltaf við sjálfan mig að ég
sé að reyna að öðlast mína barnatrú.
Samkvæmt skilgreiningu Biblíunnar
- það má ekki misskilja mig - á
maður ekki að vera barnalegur í
trúnni, heldur einlægur og saklaus
eins og börnin, en fólk á að þroskast í
trúnni. Ég átti einlæga trú og samband
við Guð þegar ég fermdist og sem
barn og unglingur í skóla. Ég fermdist
trúarinnar vegna. Ég hélt áfram að
vera trúaður en mér fyndist dramb að
segja að ég væri trúaður nú. Það eru
\
Hreggvidur byrjabi sjómennskuna á hvalbátunum.
26