Sjómannablaðið Víkingur - 01.06.1995, Qupperneq 37

VÍKINGUR
Yfirmennirnir sýndu
fádæma hroka
Þegar Bubbi gerði sína fyrstu plötu, ísbjarnar-
blúsinn, var hann tuttugu og fjögurra ára. Hann
var þá nýhœttur að vinna í loðnubrœðslu í
Reykjavík. Lagið Isbjarnarblús vakti mikla athygli
á sínum tíma.
„Ég var að vinna í ísbirninum og yfirmenn þar
sýndu starfsfólkinu fádæma hroka og lítils-
virðingu. Ég vann í aðgerð og með mér var maður
sem hafði farið yfir á LSD. Ég nefni ekki nafnið
hans, en hann er mjög skemmtilegur maður, sem
lifði talsvert í eigin heimi. Ég gerði kannski að
hundrað fiskum á meðan hann gerði að tíu. Hann
var með sitt eigið tempó og var ekki vel liðinn.
Hann sagði á hverjum degi að hann ætlaði í fer-
ðalag. Einn daginn spurði ég hann hvert hann
ætlaði. Hann sagðist ætla til Suður-Afríku þann
daginn. Það var síðan að hann sagði við mig einn
daginn: „Bubbi, þetta er nú meiri blúsinn." Þetta
greip mig strax og ég samdi ísbjarnarblúsinn í
kaffitímanum. Þetta er flottur titill.
Þetta vakti mikla athygli. Kannski vegna þess
að í fyrsta sinn kom maður úr slorinu og söng á
plötu eigin túlkun úr þessum veruleika. Aður var
þetta túlkað á mjög yfirborðskenndan máta. Það
getur verið að ég hafi séð þetta reiðum augum.
Aðbúnaður farandverkara var ekki góður á þes-
sum tíma, langt frá því. Við vorum illa liðnir og
það var jafnvel litið niður á okkur. Við vorum
taldir dópistar og vandræðagemsar. Það var ekki
fyrr en fólk sá hversu duglegir við vorum til vinnu
að okkur var tekið.
Þetta er gott form, að geta sungið um sjóinn og
þorpin. I hvert sinn sem bátur fer á sjó er ekki
gefið að hann komi til baka. Það er alveg sama
hver tæknin er; náttúruöflin eru þannig að við þau
verður ekki ráðið og ekki hægt að temja þau.“
Þorpin eru hvatinn
„Þorpin eru mörg illa stödd. Fólksflutningar,
kvóti og gjaldþrot. Ég hef alltaf litið á þessi þorp
sem hvatann í þjóðlífinu. Reykjavík er feit í dag
vegna þess að tjármagnið frá landsbyggðinni
hefur streymt þangað. Víst hef ég sungið um
Reykjavík og lífið í Reykjavík. En það hef ég ekki
gert af sömu tilfinningu og lífið á lands-
byggðinni.“
Slagsmál, ríðingar og fyllerí
Þú segir í einum texta þinna, þar sem þú lýsir
verbúðalífinu; slagsmál, ríðingar og fyllerí. Var
þetta svona?
„Svona var þetta, stundum hvert einasta kvöld.
Nótastöðin
Oddi hf.
Norðurtanga 1
600 Akureyri
Alhliða uppsetning og viðgerðir á
flestum tegundum veiðarfæra.
Nótastöðin Oddi hf.
Norðurtanga 1 • 600 Akureyri
Símar: 462 4466 - 462 3922
37