Náttúrufræðingurinn - 1981, Side 33

Hafnarfirði. Efstu hlutar Breiðholts,
Vatnsendahæð og Rjúpnahæð eru t. d.
úr þessu bergi og einnig efsti hlutinn af
Kópavogshálsi. Mér þykir liklegra, að
þessi hraun séu frá sjálfstæðri eldstöð,
eða eldstöðvum einhvers staðar á þessu
svæði, en að þau séu frá Mosfellsheiði
komin. Roföflin hafa víða grafið sig niður
úr þessu hraunaflæmi, svo það er í mörg-
um skikum. Ég hef til bráðabirgða kennt
hraunin við fellið Arnarbæli ofan Hafn-
arfjarðar, en þar er hæsti punktur þeirra.
Plagíóklasdílótt hraun (flokkur nr. 3):
Hér er um að ræða a. m. k. fimm mis-
gömul hraunlög. Eitt þeirra kemur í ljós
niður undir sjó í Grafarvogi. Það er með
mjög dreifðum, en oft stórum plagíó-
klasdilum. Ekki hefur tekist að rekja
þetta hraunlag neitt. Það er eldra en
Reykjavíkurgrágrýtið.
Upp af Hafnarfirði, neðst í Ás-
fjalli og umhverfis Urriðavatn, sér víða í
plagíóklasdílótt hraunlag undir plagíó-
klasdílóttu bólstrabergi og jökulbergs-
lagi. Hraunið er yngra en Reykjavíkur-
grágrýtið, en eldra en Arnarbælisgrá-
grýtið. í því er vottur af holufyllingu, en
það er ellimerki.
Inn á milli ólívíndílóttra hraunlaga
höfuðborgarsvæðisins, er plagíóklas-
dílótt hraun, sem áður hefur verið getið.
I því eru einnig ólívíndílar og kristal-
byggingin er gisin. Ofan og neðan við
það eru setlög. Þetta er þvi auðþekkj-
anlegt og gott leiðarlag. Lagið má rekja
frá Elliðavatni og niður með Elliðaám í
neðanverðu Breiðholti og allt niður á
Ártúnshöfða. Hraunlag þetta sker ótví-
rætt úr um það, að hraun þau, sem
nefnd hafa verið Reykjavíkurgrágrýti,
eru hvorki runnin í einu gosi, né frá
einni eldstöð.
111