Náttúrufræðingurinn - 1985, Qupperneq 40

Framleiðslan var nær eingöngu dökk
basísk gjóska, en þar sem sprungan
skar Torfajökulssvæðið varð til súr
ljós gjóska. Hraunrennsli var lítið og
var einkum bundið við syðri enda
sprungunnar. Ummerki gossins má
finna sem greinilegt gjóskulag í jarð-
vegi víða um land. Er það sama lag og
Sigurður Þórarinsson nefndi Vlla og b
og frjógreiningar gáfu til kynna að væri
frá því um landnám, og kallaði Sigurður
það því Landnámslagið. Hin tvískipta
nafngift Sigurðar er vegna þess að víða
má finna ljósu gjóskuna frá suðvestur-
hluta sprungunnar undir eða neðar-
lega í dökku gjóskunni og er því
gjóskulagið yfirleitt auðþekkjanlegt
og gott leiðarlag. Um nákvæman aldur
gjóskulagsins er ekki vitað með vissu,
en þess má geta að í ískjarna úr Græn-
landsjökli hafa fundist merki um mik-
ið gos árið 897 eða 898.
Ingibjörg Kaldal
138