Náttúrufræðingurinn - 1946, Side 16

110-
NÁTTÚRUFRÆÐINGURINN
ins yfir eldfjalli, ifinni það einnig leiðir niður til undirdjúpanna.
Þess vegna má ætla, að þegar eldgígar opnast undir jökli einkennist
gosin oft eða jafnan af vatnsríku hrauni. Meðan ísaldarjöklar huldu
landið hefir því sennilega fyrst og fremst gosið móbergi.
En auðvitað mætti segja hið sama um gos á sjávarbotni, og það
verður einnig að hafa í huga, þegar um það er að ræða, að gera
sér grein fyrir uppruna þess vatns, sem hér er talið, að hafi átt veiga-
mikinn þátt í myndun móbergsins.
Áskell Löve:
Um jurtakynbætur
Það er áreiðanlega ekki auðvelt að finna fólk, sem ekki vill auka
afköst sín án þess að gera sér meira erfiði en áður. Við höfum tekið
vinnudýr í þjónustu okkar og búið til ótal vélar til að fá sem mestan
afrakstur af hverju handtaki. Allur iðnaður heimsins er í rauninni
sprottinn af þessari ósk mannanna, og ef þessi ósk hefði aldrei kom-
izt í framkvæmd, er enginn efi á því, að menning heimsins stæði
að öllu leyti á lægra stigi en hún stendur í dag. Á grundvelli véla-
iðjunnar er hægt að gera ótal hluti, sem áður voru nær óframkvæm-
anlegir, og á grundvelli hennar hefir allur hinn vinnandi lýður
getað fengið þær óhemju kjarabætur, sem hafa orðið síðustu öldina.
Bændur og búalið og allir þeir, sem að einhverju leyti lifa af
búskap eða jarðrækt, liafa líka bætt kjör sín að mjög miklum mun
síðustu liundrað árin. Á grundvelli vélaiðjunnar hefir verið hægt
að framkvæma alla ræktun margfalt ódýrara en áður, og surnt, sem
landbúnaðarvélarnar gera nú fyrir lítið fé, kostaði óhemju fjár áður
fyrr. Vegna iðnreksturs og sigurvinninga efnafræðinganna hafa
bændur einnig fengið góðan og ódýran gerfiáburð til umráða og
aukið með lionum afköst allra sinna ræktuðu skika. Allt þetta þekkja
íslenzkir bændur í dag vel af eigin reynd. En fólk á íslandi þekkir
ennþá aðeins af afspum þá grein vísindanna, sem bændur víða
erlendis telja hafa bjargað sér frá gjaldþroti og þjóðunum frá hung-
ursneyð. Sú grein er hin hagnýtta erfðafræði, vísindin um lögmál
erfðanna hagnýtt til að bæta og auka afköst allra nytjajurta og ali-
dýra.
Það er ekki sama, undan hvaða kú og nauti alið er til framleiðslu