Fréttablaðið - 18.05.2009, Blaðsíða 8

18. maí 2009 MÁNUDAGUR
LANGHOLTSSKÓLI Foreldrar í Langholtsskóla hafa áhyggjur af því að ekki sé tekið nógu vel á eineltismálum sem komi upp innan
veggja skólans og tala um óvirkni í skólanum sem hafi viðgengist lengi. FRÉTTABLAÐIÐ/ANTON
MENNTUN Megn óánægja er meðal
hóps foreldra í Langholtsskóla með
viðbrögð skólans þegar eineltis-
mál koma upp. Unnur Ragnheiður
Hauksdóttir og Tina Maria John-
son eiga báðar börn í skólanum sem
hafa orðið fyrir einelti. Þeim þykir
skólinn ekki taka nógu hratt og vel
á eineltismálum.
„Dóttir mín talaði um að það
væri stúlka í bekknum sem væri
mikið að stríða henni í haust og
eftir áramót fór þetta að ágerast.
Dóttir mín er frekar lágvaxin og
stúlkan var til dæmis galandi og
gólandi yfir alla í bekknum að hún
væri dvergur. Kennarinn lofaði að
tala við yfirvöld skólans og því hélt
ég að þetta væri í einhverjum far-
vegi,“ segir Unnur.
„Síðan fór þetta að ágerast og ég
gerði mér ekki grein fyrir að þetta
væri farið að dreifast um hverfið.
Dóttur minni var farið að líða svo
illa að ég tók hana úr skólanum um
tíma. Við foreldarnir fórum með
hana út úr bænum og fórum svo
niður í skóla að ræða við skólastjór-
ann. Mér fannst óskaplega lítið gert
úr þessu hjá honum,“ segir Unnur.
„Hann fór að tína eitt og eitt barn
út úr bekknum til að tala við án
vitundar foreldra en foreldrarnir
vita ekki af þessu nema þeir sem
ég hef talað við. Skólastjórinn hélt
að með því að gerandinn kæmi til
okkar og bæðist afsökunar þá væri
málið búið. Að því er virðist átti
ekki meira að gerast. Nú er þetta
afgreitt mál en ég er ekki sátt við
það. Ég vil til dæmis að stelpan fái
sálfræðiaðstoð,“ segir hún og telur
óvirknina í skólanum hafa viðgeng-
ist lengi.
Tina Maria á tvo drengi, sem
báðir eru eða hafa verið í Lang-
holtsskóla og hafa orðið fyrir ein-
elti. Hún er mjög reið yfir því
hversu lítið er tekið á eineltismál-
um í skólanum.
Hreiðar Sigtryggsson skólastjóri
hafnar því að slælega sé tekið á
eineltismálum í skólanum. Hann
bendir á að skólinn hafi tekið upp
Olveusar-verkefnið fyrir nokkr-
um árum og segir að farið sé eftir
þeirri aðgerðaáætlun í hvívetna.
Hann vill ekki ræða einstök mál
sem hafa komið upp innan skól-
ans.
Fjóla Íris Stefánsdóttir, formaður
Foreldrafélags Langholtsskóla, seg-
ist ekki hafa heyrt af alvarlegum
eineltismálum í Langholtsskóla upp
á síðkastið. Hún segir að ástandið
hafi batnað mikið eftir að skólinn
hafi tekið upp Olveusar-verkefnið
fyrir nokkrum árum.
ghs@frettabladid.is
Langholtsskóli taki
ekki nóg á einelti
Foreldrar í Langholtsskóla eru óánægðir og segja að slælega sé tekið á eineltis-
málum í skólanum. „Óvirknin“ í skólanum hafi viðgengist lengi. Skólastjórinn
hafnar þessu og segir farið eftir Olveusar-áætluninni í hvívetna.
MENNING Hjónin Bernd Ogrodnik
og Hildur M. Jónsdóttir sem reka
fyrirtækið Fígúra hafa fest kaup
á tveimur pakkhúsum og göml-
um verslunarhúsum Kaupfélags
Borgfirðinga í Englendingavík
í Borgarnesi og hyggjast opna
þar menningar- og listamiðstöð.
Gengið var frá kaupunum fyrir
helgi.
Þar verður brúðuleikhús, leik-
brúðusafn, vinnustofur fyrir
brúðu- og leikmunagerð og síðan
veitingastofa og gjafavöruversl-
un. Annað pakkhúsið var reist
árið 1885 og hitt ári síðar. „Við
fögnum þessum örlögum hús-
anna,“ segir Finnbogi Rögn-
valdsson, formaður byggðarráðs
og meðlimur í hollvinasamtökum
sem stofnuð voru árið 2003 um
endurreisn og verndun húsanna.
Aðspurður hvort þetta sé jafn-
vel betri starfsemi en Kaupfélag
Borgfirðinga var þarna með segir
hann, „ja, þetta er býsna ólíkt.“
Hjónin hafa unnið í áratugi að
leikbrúðulist og gerði Bernd til
dæmis árið 2003 kvikmyndina
Strings þar sem leikbrúður koma
í leikara stað. Hann færði einnig
líf í brúðuna Pappírspésa sem
Herdís Egilsdóttir skrifaði um á
sínum tíma. „Við ætlum að gefa
okkur ár í þetta,“ segir Hildur.
„Þannig að í maí 2010 verða
Brúðuheimar opnaðir í Borgar-
nesi.“ - jse
Menningar- og listamiðstöð opnuð í Englendingavík í Borgarnesi:
Brúður taka kaupfélagið yfir
HÚSIN Í ENGLENDINGAVÍK Þarna voru höfuðstöðvar Kaupfélags Borgfirðinga á sínum
tíma en sum húsanna voru reist á árunum 1885 til 1886. FRÉTTABLAÐIÐ/JÓN SIGURÐUR
IÐNAÐUR Endanleg niðurstaða ESA, Eftirlitstofnunar
EFTA, um fjárfestingarsamning um álver í Helgu-
vík, gæti verið tilbúin í byrjun ágúst.
Þetta er þó háð því að ESA berist fullnægjandi
svör við spurningum sem hún sendi íslenskum
stjórnvöldum 4. maí, og að íslensk stjórnvöld svari
fyrir lokafrest sem þau hafa til 2. júní. Verði svörin
tæmandi, hafa starfsmenn ESA tvo mánuði til að
ljúka yfirferð sinni. Per Andreas Bjørgan, fram-
kvæmdastjóri á sviði samkeppnis mála og ríkis-
aðstoðar hjá ESA, vill ekki gefa upp um hvað ESA
hafi spurt íslensk stjórnvöld. „Við vorum með
þónokkrar spurningar. Þetta er stór samningur og
við þurfum að hafa allar upplýsingar.“ Um leið og
svörin berist verði málið sett í forgang. „Við skiljum
að það er mikilvægt að fá þetta á hreint,“ segir hann.
Fjárfestingarsamningur ríkisins og Century Alu-
minum var samþykktur á Alþingi í apríl. Þá var
hann gagnrýndur nokkuð, og var meðal annars efast
um að hann stæðist samkeppnissjónarmið EES-
samningsins, sökum ívilnana ríkisins. - kóþ
Eftirlitsstofnun EFTA biður um skýringar á fjárfestingarsamningi um Helguvík:
Gæti tafist allt fram í ágúst
HELGUVÍK Framkvæmdir við nýtt álver í Helguvík úti á Reykja-
nesi. FRÉTTABLAÐIÐ/GVA
Verðandi
lagahöfundar
óskast
Lagadeild
www.lagadeild.hi.is
Umsóknarfrestur til 5. júní
Kennarar við lagadeild Háskóla Íslands skrifa
nánast allar kennslubækur í lögfræði sem notaðar
eru í landinu. Við byggjum framsækið og krefjandi
nám á 100 ára hefð við langöflugasta háskóla
landsins.
Engin skólagjöld
Skrásetningargjald aðeins kr 45.000