Fréttablaðið - 22.05.2009, Blaðsíða 42
30 22. maí 2009 FÖSTUDAGUR
sport@frettabladid.is
HANDBOLTI Eftir að hafa farið
gjörsamlega á kostum á Ólymp-
íuleikunum í Peking hefur lífið
ekki verið neinn dans á rósum hjá
Snorra Steini Guðjónssyni. Hann
spilaði reyndar meiddur í Peking
og fór í aðgerð í kjölfarið. Hún var
algjörlega misheppnuð og leiddi til
þess að hann þurfti aftur að leggj-
ast undir hnífinn.
Sú aðgerð gekk betur, en Snorri
fór of snemma af stað og var
því aftur kominn á byrjunar-
reit. Hann vill helst sleppa við að
fleiri aðgerðir og því var tekin
sú ákvörðun að hann kæmi heim
í almennilega endurhæfingu þar
sem menn myndu ekki drífa sig of
mikið.
„Endurhæfingin gengur vel og
ekkert bakslag komið í hana. Ég
fer mér líka hægt og er ekkert
að hlaupa eins og brjálæðingur.
Ég fór í skoðun í mars og eftir að
hafa rætt við alla aðila var þessi
ákvörðun tekin svo ekki færi illa.
Það var ekkert annað að ræða en
hvíla og fara svo í endurhæfingu.
Ég vildi líka að Elís og Pétur hjá
landsliðinu sæju um þetta,“ sagði
Snorri Steinn. Hann var búinn að
prófa endurhæfingu í Danmörku
þar sem hann spilar en það skilaði
ekki tilætluðum árangri.
„Þessir strákar eru fagmenn og
vita hvað þeir eru að gera. Ég er
búinn að vera hér heima í rúman
mánuð á fullu og það gengur vel
fyrir sig. Ég æfi alla virka daga.
Mæti í Orkuhúsið um hálf níu í alls
konar æfingar. Fer svo í sjúkra-
þjálfun til strákanna. Borða svo
hjá Ingvari á Salatbarnum í hádeg-
inu og fer oftar en ekki líka í Laug-
ar að æfa. Hjóla þá og fer á stigvél-
ar. Má svo vonandi fara að hlaupa
bráðlega,“ sagði Snorri, sem setur
þetta upp líkt og hann sé að æfa og
fer ekki bara þegar honum hent-
ar.
„Ég veit ekki hvað ég verð lengi
í þessu hérna heima. Vonandi skil-
ar þetta sínu svo ég þurfi ekki að
fara í aðgerð en ef það kemur í ljós
í sumar að ég þarf að fara í aðgerð
þá verður bara að taka á því,“ sagði
Snorri en hvað er nákvæmlega að
honum?
„Það er sin sem fer frá hnéskel-
inni að sköflungsbeininu. Þar var
komin beinflís sem var að erta sin-
ina. Flísin gerði mér erfitt fyrir
að hlaupa. Flísin var svo tekin en
það komu kalkmyndanir í kjöl-
farið sem valda sininni erfiðleik-
um. Endurhæfingin gengur út á
að styrkja sinina. Þetta eru ekki
mjög algeng meiðsl og ég veit ekki
um neinn sem hefur verið í álíka
meiðslum,“ sagði Snorri Steinn,
sem hefur látið fjölda manna kíkja
á meiðslin.
Veturinn hefur ekki verið auð-
veldur fyrir Snorra enda nánast
ekkert verið með í allan vetur.
Hann segir samt gott að koma
heim.
„Þetta er búið að vera mjög erf-
itt. Ég hefði viljað fylgja Ólymp-
íuleikunum eftir og nýta það form
sem ég var í þá. Varð samt að fara
í aðgerðina þar sem ég var búinn
að spila meiddur lengi. Ég átti að
jafna mig á sex til átta vikum en
þær vikur eru að verða ansi langar.
Það er drjúgt að missa heilt tíma-
bil af ferlinum sem er ekki langur.
Það er samt betra að taka á þessu
en haltra á miðjunni,“ sagði Snorri,
sem segir samt erfitt að sitja kyrr
þessa dagana þegar úrslitakeppn-
in er farin í gang í Danmörku og
nýbúin hér heima.
„Þá hugsar maður hvort maður
sé ekki bara orðinn góður og vill
rjúka af stað. Það er lítið við því að
gera og verður erfitt líka að horfa
á landsleikina í sumar. Ég reyni
samt að hugsa jákvætt og lækn-
ar eru bjartsýnir á að ég nái mér
góðum. Ég er það líka. Ég mun ná
mér góðum,“ sagði Snorri Steinn
jákvæður.
henry@frettabladid.is
Bjartsýnn á að ná fullum bata
Landsliðsmaðurinn Snorri Steinn Guðjónsson er enn að glíma við erfið hnémeiðsli. Hann tók þá ákvörðun
að vera í endurhæfingu á Íslandi að þessu sinni en Snorri fór í tvær aðgerðir sem skiluðu engu. Snorri er
þrátt fyrir mikið mótlæti bjartsýnn á að fá bót meina sinna og mæta tilbúinn í slaginn næsta vetur.
STERKUR Í SKOPJE Snorri Steinn lék sárþjáður gegn Makedónum í Skopje en stóð sig samt frábærlega. Það verður einhver bið á
því að við fáum að sjá þennan frábæra leikmann aftur á vellinum. MYND/ALEKSANDAR DJOROVIC
Skagamönnum gengur ákaflega illa að laga sig að landslaginu í
1. deildinni en hvorki hefur gengið né rekið hjá þessu fornfræga
félagi í upphafi sumars.
Það tapaði fyrir Þór, 3-0, í fyrstu umferð. Gerði svo 1-1 jafntefli
við Leikni í annarri umferð og var svo flengt af Fjarðabyggð, 4-2,
á Eskifirði í gær en heimamenn voru 4-0 yfir í hálfleik. Arnar
Gunnlaugsson, annar þjálfari Skagaliðsins, var því eðlilega
ekki kátur þegar Fréttablaðið náði tali af honum eftir
leikinn í gær.
„Þetta er búinn að vera langur dagur. Það er óneit-
anlega svolítið sérstök tilfinning að fara alla leið til
Eskifjarðar og láta flengja sig,“ sagði Arnar sem lék
sem miðvörður í síðari hálfleik en það hafa íslenskir
knattspyrnuáhugamenn ekki séð áður.
„Þetta var annars furðulegur leikur. Við vorum
með boltann í svona 80 prósent af fyrri hálfleik. Þeir
fengu svo tvö innköst, eitt víti og eina aukaspyrnu
og voru allt í einu komnir yfir 4-0. Vörnin hjá okkur
var hörmung og menn voru eins og litlir krakkar í
vörninni.“ Arnar vill ekki nota það sem afsökun að það sé erfitt
að venjast boltanum í 1. deild eftir að hafa verið lengi í efstu
deild.
„Ég held að menn séu að vorkenna sjálfum sér of mikið. Ég
held að það sé málið. Menn hafa dottið í þá gryfju að halda
að hlutirnir komi bara af sjálfu sér. Þetta er gríðarlega erfið
deild. Liðin eru vel skipulögð og selja sig dýrt gegn okkur.
Við náum ekki að leysa það,“ sagði Arnar sem trúir ekki
öðru en að menn fari að taka við sér.
„Ef þeir gera það ekki núna þá gera þeir það
líklega aldrei. Þetta er mesta niðurlæging sem ég
hef lent í á mínum langa ferli og hef ég lent í ýmsu,“
sagði Arnar. En er farið að hitna undir þeim bræðr-
um sem þjálfarar liðsins? „Við erum ekkert vitlausir
og gerum okkur grein fyrir því að þessi bransi gengur
út á úrslit. Ef menn ná ekki úrslitum þá fjúka menn.
Það kæmi mér ekkert á óvart ef við fengjum að fjúka.
Ég myndi reka sjálfan mig eftir þennan leik,“ sagði
Arnar og hló við en var engu að síður full alvara.
KNATTSPYRNULIÐ ÍA: GENGUR HVORKI NÉ REKUR HJÁ SKAGAMÖNNUM Í 1. DEILD OG ÞEIR STEINLÁGU Á ESKIFIRÐI
Mesta niðurlægingin á mínum langa ferli
FÓTBOLTI Ein lengsta sápuóperan í
knattspyrnuheiminum er Ronaldo
á leið til Real Madrid. Sú ágæta
sápuópera virðist engan enda
ætla að taka og hugsanleg endur-
koma Florentino Perez sem forseti
félagsins gerir ekkert annað en að
blása nýju lífi í sögusagnirnar.
Allt síðasta sumar fór í þetta
mál en Ferguson gaf sig ekki og
Ronaldo fór því aldrei þó svo hann
virtist hafa mikinn áhuga á því
sjálfur. Sá áhugi hefur þó augljós-
lega eitthvað dvínað hjá Portúgal-
anum.
„Eins og stendur er ég ekki að
hugsa um neitt annað en úrslita-
leikinn í Meistaradeildinni. Ég er
viss um að Perez á eftir að koma
upp flottu liði hjá Real en annars
er mér alveg sama um hvað gerist
hjá félaginu,“ sagði Ronaldo. „Eina
sem skiptir mig máli er hvað ger-
ist hjá Man. Utd á næstu leiktíð.“
Eins og Ronaldo sagði þá stytt-
ist í úrslitaleik Meistaradeildar-
innar sem fram fer í Róm næsta
miðvikudag. Ronaldo gerir eðli-
lega ráð fyrir erfiðum leik.
„Það verður mjög erfitt að verja
titilinn því Barcelona er frábært
lið, með frábæra leikmenn og frá-
bæran þjálfara. Bæði lið eru mjög
sterk, spila góðan fótbolta og eru
með draumamannskap,“ sagði Ron-
aldo sem vill ekki gera of mikið úr
meintu uppgjöri hans og Lionel
Messi, leikmanns Barcelona.
„Þessi leikur er á milli liða en
ekki leikmanna. Ég vinn ekki án
minna félaga og það gerir Messi
ekki heldur. Þetta eru tvö bestu
lið Evrópu og draumaúrslitaleik-
ur allra knattspyrnuáhugamanna,“
sagði Cristiano Ronaldo.
- hbg
Cristiano Ronaldo er enn að svara fyrir sögusagnir þess efnis að hann sé á förum til Real Madrid:
Mér er alveg sama um hvað gerist hjá Real
BLAÐAMANNAFUNDUR Cristiano Ronaldo og Sir Alex Ferguson þurfa að svara mörg-
um spurningum þessa dagana. NORDIC PHOTOS/GETTY IMAGES
> Margrét Lára og Ólína á skotskónum
Margrét Lára Viðarsdóttir skoraði eitt marka Linköping
og lagði upp þrjú önnur í stórsigri liðsins, 10-0, á Röd-
sle í sænsku bikarkeppninni. Ólína Guðbjörg
Viðarsdóttir skoraði eitt marka Örebro í 7-1
sigri á Mariestads. Kristianstad vann
svo loksins sinn fyrsta sigur undir
stjórn Elísabetar Gunnarsdóttur
en liðið lagði Södra Sandby 9-0 í
bikarnum.
FÓTBOLTI Það verður mikið um
dýrðir hjá AC Milan um helgina
þegar goðsögnin Paolo Mald-
ini leikur sinn síðasta leik fyrir
félagið.
Hann verður kvaddur með
virktum enda skilað ótrúlegu
framlagi til félagsins.
Lokaleikurinn um helgina
verður 900. opinberi leikur hans
fyrir félagið en þess utan hefur
hann spilað fjölda æfingaleikja
fyrir félagið.
Maldini er orðinn fertugur og
hefur leikið með AC Milan síðan
árið 1985 þegar hann kom af
bekknum í hálfleik gegn Udinese.
- hbg
Paolo Maldini:
Kveður um
helgina
MALDINI Mun ljúka gifturíkum ferli um
helgina. NORDIC PHOTOS/GETTY IMAGES