Fréttablaðið - 22.05.2009, Blaðsíða 43

FÖSTUDAGUR 22. maí 2009 31
KÖRFUBOLTI Það er útséð með að
Sigurður Ingimundarson taki
við karlaliði KR en Sigurður var
efstur á óskalista Vesturbæinga.
Sögðu þeir hann eina íslenska
þjálfarann sem hefði burði til þess
að þola pressuna í Vesturbænum.
Nú er komið annað hljóð í strokk-
inn.
„Ég held að hann hafi bara ekki
haft pung til þess að taka við KR.
Menn virðast almennt vera hrædd-
ir við KR. Hann var ekki tilbúinn
til að prófa eitthvað nýtt. Ég held
að það hefði verið hollt og gott
fyrir Sigurð að skipta um umhverfi
eftir að hafa verið lengi við stjórn-
völinn hjá Keflavík,“ sagði Böðvar
Guðjónsson, formaður körfuknatt-
leiksdeildar KR.
Sigurður blæs á þær fullyrð-
ingar að hann hafi ekki þorað að
taka við KR-liðinu. „KR-ingarnir
vita betur en svo að það sé eitthvað
til sem ég þori ekki. Ég hef alveg
pung í að taka við KR,“ sagði Sig-
urður en af hverju ákvað hann að
hafna tilboði KR-inga?
„Það er frábær spurning sem ég
hef í rauninni ekkert frábært svar
við. Þetta var bara einhvern veg-
inn ekki rétta tímasetningin fyrir
mig. Hefur ekkert með það að gera
að ég sé hræddur við að breyta um
umhverfi,“ sagði Sigurður sem
segist þess utan vera með spenn-
andi lið í höndunum í Keflavík.
„Tímabilið í fyrra var í rauninni
undirbúningur fyrir næsta tíma-
bil hjá okkur. Það var mjög erfitt
að hlaupa burt frá því og það ein
aðalástæðan fyrir því að ég verð
áfram með Keflavík.“
Böðvar segir að KR-ingar vonist
til þess að vera komnir með nýjan
þjálfara um helgina og það verður
ekki útlendingur.
„Það er ekki raunhæft að vera að
semja við menn í erlendri mynt. Ég
vænti þess að það verði einhverj-
ir góðir innanbúðarmenn sem taki
við liðinu. Það er til nóg af hæfi-
leikafólki í Vesturbænum,“ sagði
Böðvar Guðjónsson. - hbg
KR-ingar segja að Sigurður Ingimundarson hafi ekki þorað að taka við liðinu. Nýr þjálfari ráðinn um helgina:
Sigurður lagði ekki í að taka við KR
ÁFRAM Í KEFLAVÍK Sigurður Ingimund-
arson hafnaði tilboði frá KR um að taka
við liði meistaranna. FRÉTTABLAÐIÐ/VALLI
FÓTBOLTI Varnarmaðurinn Rio
Ferdinand segist fullviss um að
hann verði klár í bátana næsta
miðvikudag þegar Man. Utd
mætir Barcelona í úrslitum
Meistaradeildarinnar.
Ferdinand hefur ekki leikið
með United síðan hann meidd-
ist í seinni leiknum gegn Arsen-
al í Meistaradeildinni. Sir Alex
Ferguson, stjóri Man. Utd, hefur
gefið það út að Ferdinand þurfi að
sanna að hann sé klár með því að
spila gegn Hull um helgina.
„Mér hefur aldrei dottið annað
í hug en að ég geti spilað úrslita-
leikinn. Það er ekkert flóknara
en það. Kemur ekki til greina að
missa af þeim leik,“ sagði Ferdin-
and ákveðinn.
„Ég æfði með bolta á miðviku-
dag og er einnig að hlaupa. Ég
er í raun að gera allt sem þarf til
þess að vera tilbúinn. Þetta er
erfiðasta og mikilvægasta glíma
mín við meiðsli enda svakalega
mikið í húfi,“ sagði Rio sem hefur
átt frábæra leiktíð og það væri
mikill missir fyrir United geti
hann ekki spilað í sjálfum úrslita-
leiknum.
„Ég hef ekkert verið að hugsa
mikið um úrslitaleikinn sjálfan
því öll orkan fer í að hugsa um
meiðslin. Ég mun líklega ekk-
ert byrja að spá í leiknum fyrr
en ég er kominn í flugvélina og á
leið til Rómar,“ sagði Ferdinand
sem ætlar að spila um helgina ef
stjórinn fer fram á það við hann.
- hbg
Rio Ferdinand:
Verð klár í úr-
slitaleikinn
RIO FERDINAND Tekur ekki í mál að
missa af úrslitaleik Meistaradeildarinnar.
NORDIC PHOTOS/GETTY IMAGES
FÓTBOLTI AC Milan gaf það út í
gær að framtíð þjálfarans, Carlos
Ancelotti, myndi skýrast á mánu-
dag þegar leiktíðinni á Ítalíu er
lokið.
Ancelotti er sterklega orðaður
við Chelsea sem er í leit að þjálf-
ara þar sem Guus Hiddink mun
ekki halda áfram með liðið.
„Ég vonast til þess að geta
tjáð mig almennilega um málið á
mánudag þegar við erum búnir
að tryggja okkur inn í Meistara-
deildina,“ sagði Adriano Galli-
ani, framkvæmdastjóri Milan, en
Milan mætir Roma um helgina og
vantar sigur til þess að tryggja
sig beint inn í Meistaradeildina.
Talið er að láti Milan Ance-
lotti fara þá séu Marco Van Bas-
ten og Brasilíumaðurinn Leonar-
do efstir á óskalista félagsins en
báðir léku með félaginu á sínum
tíma.
Ancelotti á ár eftir af samningi
sínum við Milan en hann hefur
verið þjálfari liðsins síðan 2001
og unnið Meistaradeildina tvisv-
ar á þeim tíma. - hbg
AC Milan um Ancelotti:
Málin skýrast á
mánudag
CARLO ANCELOTTI Sterklega orðaður við
Chelsea. NORDIC PHOTOS/GETTY IMAGES