Fréttablaðið - 24.06.2009, Síða 33

MIÐVIKUDAGUR 24. JÚNÍ 2009 11ísland er land mitt ● fréttablaðið ●
Það er allt of oft sem við höldum
okkur þvermóðskulega við það
að keyra hringveginn án þess að
gæta að gullfallegum sveitunum
allt í kring sem lengja ferðina
kannski ekkert svo mikið.
Einn sá staður sem gaman er
að sækja er Eyjafjarðarsveit, þar
sem hinn mikli mjólkuriðnaður
Norðlendinga geymist. Í Eyja-
fjarðarsveit má líka finna heilsu-
hælið Kristnes.
Jólagarðinn er alltaf skemmti-
legt og svolítið skondið að heim-
sækja á heitum júlídögum, en þar
er alls kyns jóladót til sölu árið
um kring.
Fallegu kirkjusetrin á Grund,
Saurbæ og Möðruvöllum er allt-
af gaman að keyra framhjá og
Smámunasafnið í félagsheimil-
inu Sólgarði er einstakt - fullt af
alls kyns hlutum. - jma
Hin rómaða
Eyjafjarðarsveit
Jólagarðurinn og Smámunasafnið við
Saurbæ í Eyjafirði eru óvenjulegir og
skemmtilegir viðkomustaðir.
Líklega lang langbesti staðurinn
á Íslandi fyrir hvalaskoðun...
KÍKTU

Á HVA
L
HEIMSÆKIÐ
BLÍÐU RISANA
Á HÚSAVÍK
SUMARGJÖF
- HVALASKOÐUN -
Gildistími: Júní* 2009
* Í brottfarir: 16:45 & 20:15
2 fyrir 1
Þessi miði gildir í hefðbundna hvalaskoðunarferð með GG
á Húsavík samkvæmt tímaáætlun og aðstæðum. Þú framvísar
miðanum í afgreiðslu, greiðir fyrir 1 farþega og færð 2 farmiða.
Njóttu vel og góða skemmtun.
Sumarkveðja,
Starfsfólk GG
*Gildistími í júní. Brottfarir kl 16:45 og 20:15
**Gildistími í júlí. Brottfarir kl 20:15
ildistími í Júní* og Júlí**
Kaffibíllinn er nýstofnað
fyrirtæki sem ætlar að bjóða
gestum útihátíða hágæðakaffi
í sumar. Jónína Tryggvadóttir,
einn eigenda fyrirtækisins,
vonar að þessi þjónusta festi
sig í sessi.
„Með þessu móti vonumst við
bara til að sem flestir geti gætt
sér á hágæða kaffi á góðu verði á
einhverjum tímapunkti í sumar,
enda verðum við með allar helstu
kaffidrykki í boði, latté, cappucc-
ino, espresso og margt fleira,“
segir Jónína Tryggvadóttir, sem
ætlar ásamt þeim Njáli Björg-
vinssyni og Hrönn Snæbjörns-
dóttur að færa gestum útihátíða
ferskt og ilmandi kaffi í sumar
undir formerkjum hins nýstofn-
aða fyrirtækis, Kaffibílsins.
Að sögn Jónínu höfðu þau Njáll
gengið með hugmyndina í mag-
anum í nokkur ár, áður en þau
létu af henni verða. „Við unnum
bæði hjá Te og kaffi í nokkur
ár og fórum eitt sinn á vegum
fyrirtækisins til Siglufjarðar,
tókum þangað vel með okkur
og helltum upp á fyrir fólk gegn
vægu gjaldi. Okkur fannst alveg
æðislegt að ferðast um landið og
geta boðið upp á kaffið á útihátíð-
um. Leikinn endurtókum við svo
nokkrum sinnum á þeirra vegum.
Okkur langaði seinna til að gera
eitthvað sjálf í málinu en það
var þó ekki fyrr en Hrönn ræddi
hugmyndina við okkur í fyrra að
hlutirnir fóru að gerast. Eftir það
höfum við verið að vinna að þessu
með öðru síðan í vetur.“
Jónína segir þjónustu sem
þessa þekkjast víða erlendis,
meðal annars á Norðurlöndunum
þar sem einnig er algengt að kaffi-
þjónar ferðist um á reiðhjólum og
bjóði upp á kaffi. Þótt þjónustan
sé ekki ný á nálinni hérlendis von-
ast Jónína til að góðar viðtökur
festi hana betur í sessi.
„Fyrst um sinn verð-
um við bara með eina
bifreið til umráða.
Við höfum ein-
mitt verið spurð svolítið að því
hvernig við ætlum að fara að
þessu, þar sem oft er mikið um
að vera sömu helgina. Auðvitað
væri best að geta verið með starf-
semina á nokkrum stöðum í einu,“
viðurkennir Jónína og neitar því
ekki að draumurinn væri að eign-
ast fleiri bíla í framtíðinni.
Þegar er kominn reynsla á
starfsemina, þar sem þau Jón-
ína, Hrönn og Njáll mættu til
leiks á fótboltamót á Akranesi
um síðustu helgi og fóru viðtök-
urnar langt fóru fram úr vænt-
ingum. Kaffibíllinn verður svo á
ferð á fjölskylduhátíð á Flúðum
um næstu helgi þar sem reikn-
að er með að um 2.000 manns
láti sjá sig. „Svo taka við Írskir
dagar á Akranesi um verslunar-
mannahelgina og pæjumótið helg-
ina eftir það. Þannig að það
er nóg að gera hjá okkur,“
segir Jónína og bætir
við að enn sé eitthvað
laust og því um að
gera að hafa samband
til að tryggja sér komu
þeirra. - rve
Kaffihús á fjórum hjólum
Kaffibíllinn verður á ferðinni í sumar og verða hvers kyns útihátíðir helstu viðkomu-
staðir. MYND/ÚR EINKASAFNI
Jónína segist lengi hafa gengið með
hugmyndina í maganum. FRÉTTABLAÐIÐ/HARI
Hver kaffibolli
mun kosta 300
krónur.