Fréttablaðið - 24.06.2009, Blaðsíða 54

26 24. júní 2009 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
BESTI BITINN Í BÆNUM
LÁRÉTT 2. blikk, 6. pot, 8. húsfreyja,
9. fálm, 11. ekki, 12. rými, 14. beikon,
16. býli, 17. mánuður, 18. heiður, 20.
átt, 21. skrifa.
LÓÐRÉTT 1. stökk, 3. hvort, 4.
fjölmiðlar, 5. slit, 7. raddfæri, 10.
blekking, 13. er, 15. ávöxtur, 16. kaup-
staður, 19. ólæti.
LAUSN
LÁRÉTT: 2. depl, 6. ot, 8. frú, 9. pat,
11. ei, 12. pláss, 14. flesk, 16. bæ, 17.
maí, 18. æra, 20. nv, 21. rita.
LÓÐRÉTT: 1. hopp, 3. ef, 4. pressan,
5. lúi, 7. talfæri, 10. tál, 13. sem, 15.
kíví, 16. bær, 19. at.
„Ótrúlegt að láta Tvíhöfða féfletta
sig!“ „I want my money back.“ „Ég
hef heyrt þetta allt áður. Sama
draslið.“ Svo hljóða umkvartanir
neytenda sem leitað hafa til Frétta-
blaðsins vegna hins „nýja“ tvö-
falda disks „Gubbar af gleði“ sem
útvarpstvíeykið Tvíhöfði sendi
nýverið frá sér – þeirra fimmti.
Þar er að finna atriði úr útvarps-
þáttum þeirra og lög. Sigur jón
Kjartansson svarar fullum hálsi.
„Eymingja karlarnir. Annar disk-
urinn er endurútgefinn. Hinn inni-
heldur efni sem aldrei hefur komið
út áður í þessu formi.“ Sigurjóni
er fyrirmunað að skilja hvernig
þessar upplýsingar hafa farið
fram hjá þeim sem nú kvarta.
„Þetta er safndiskur. Ég ætla ekki
að elta ólar við svona tuð. En tek
það þó fram að þetta efni hefur
verið ófáan legt lengi. Menn skulu
þá bara væla yfir safndiskum frá
Brimkló. Bubbi sendi frá sér stór-
an „best of pakka“ fyrir nokkru og
fleiri góðir listamenn. Bob Dylan
hefur gefið út margar „best of
plötur“ og enginn vælir undan
því. Menn verða bara að bíta í
þetta súra epli. Það er ekki verið
að snuða neinn.“
Tvíhöfðarnir Sigurjón og Jón
Gnarr hafa komið fram í nokkrum
viðtölum til að fylgja diski sínum
eftir og þá hafa þau gjarn-
an snúist um þá meintu
ósvinnu að þeir séu
ekki
lengur í útvarpi. Mogginn tók svo
undir þann söng í klausu en spurð-
ur hvort Tvíhöfðinn sé að reyna að
grenja sig í útvarp aftur – skrifar
Sigurjón það alfarið á félaga sinn.
„Jón notar hvert einasta tækifæri
til að gráta það að Tvíhöfðinn sé
ekki lengur í útvarpi. Ég get ekki
sagt að það sé draumurinn hjá
mér að vera á hverjum morgni í
svona gríni þó ég viti að sannar-
lega er þörf á því á þessum síð-
ustu og verstu tímum. Ég fórnaði
einhverjum 7 árum ævi minnar í
þetta, vaknandi fyrir allar aldir
til að skemmta fólki eldsnemma
á leið til vinnu. En það er nú svo
að maður kemur yfirleitt ekki í
manns stað í jafn fámennu landi.“
- jbg
Tvíhöfði svarar krítík fullum hálsi
TVÍHÖFÐI Á
VELMEKTARÁRUM SÍNUM
Borið hefur á kvörtunum
vegna þess að á „nýjum“
diski þeirra sé endurtekið
efni en Sigurjón segir þetta
safndisk og ýmislegt þar
að finna sem hefur verið
ófáanlegt með öllu lengi.
„Þetta er náttúrulega mjög dular-
fullt. Af hverju skyldi jafn öflugur
rumur og Hjalti Úrsus láta þenn-
an dreng troða upp í sig banana?“
spyr Atli Fannar Bjarkason rit-
stjóri tímaritsins Mónitors.
Fréttablaðið greindi frá því á
dögunum að tímaritið Mónitor
væri að sjónvarpsvæðast að ein-
hverju leyti. Fyrsti þátturinn fer
í loftið á Skjá einum í kvöld og er
mikil spenna ríkjandi í herbúðum
þeirra sem að koma. Umsjónar-
maður er Erna Bergmann sem lét
þess svo getið í samtali við blað-
ið að þetta væri nákvæmlega það
sem vantaði í íslenskt sjónvarp.
Í kvöld ætti að koma í ljós hvort
hún hefur rétt fyrir sér og hvort
sjónvarpsáhorfendur eru sammála
henni.
Atli Fannar sjálfur verður með
innslög í þáttunum í líkingu við
það sem margir kannast við úr
The Daily Show. Og svo er það
Net-grínarinn og rapparinn, hinn
dularfulli Steindi jr., sem verður
með atriði í hverjum þætti að hætti
hússins.
Fréttablaðið komst yfir mynd úr
atriði þar sem hann lætur til sín
taka. „Já, þarna er Mosfellsbæjar-
hetjan Steindi jr. að mata krafta-
jötuninn Hjalta Úrsus. Ég get ekki
sagt þér nákvæmlega hvað er í
gangi. Það verður að koma í ljós á
morgun,“ segir Atli Fannar dular-
fullur í bragði. - jbg
Úrsusinn belgdur út af banönum
BANANAÁT HJALTA ÚRSUSS Fyrsti þáttur
Mónitors fer í loftið á Skjá einum í kvöld
og þetta verður meðal atriða: Steindi Jr.
treður banönum í kraftajötun.
Bókin Íslenska efnahagsundrið:
Flugeldahagfræði fyrir byrjendur,
fær útreið í ómerktum heilsíðu
dómi í DV í gær en fyrirsögnin er
Hroðvirknisleg bók um Hrunið.
Talað er um staðreyndavillur og
bágborna heimildavinnu. Höf-
undurinn Jón Fjörnir Thoroddsen
kom inn á þátt fjölmiðla í hruninu
í útvarpsþættinum Speglinum og
talaði þar um þá Björn Inga Hrafns-
son, Hafliða Helgason og Sindra
Sindrason sem eins konar hold-
gervinga blaðamanna -
stéttarinnar: Siðlausa
boðbera fagnaðar-
erindis útrásar innar.
Hvort sem það hefur
haft áhrif á skrif hins
óþekkta gagn-
rýnanda DV eða
ekki.
Fréttablaðið greindi í gær frá því
að Sólmundur Hólm, blaðamað-
ur og eftirherma, væri að færa í
letur lífshlaup eftirlætis síns Gylfa
Ægissonar. Jafnframt kom fram að
þeir félagar væru ekkert farnir að
huga að útgefanda. Fréttablaðið
hefur heimildir fyrir því að talsverðs
áhuga gæti meðal útgefenda og
ekki spillir það að Sóli,
eins og hann er ávallt
kallaður, tengist stærsta
bókaútgefandanum
með þeim hætti að
systir konu Jóhanns
Páls Valdimarsson-
ar hjá Forlaginu er
einmitt tengda-
móðir Sóla.
Marteinn St. Þórsson og hans
fólk, sem stendur að gerð myndar-
innar Rokland, sendi frá sér frábæra
stiklu sem birtist á YouTube til að
vekja athygli fjárfesta á Roklandi
og gefa hugmynd um hvers kyns
bíómynd er um að ræða. Miðað
við stikluna má gera sér vonir um
athyglisverða mynd. Kvikmynda-
tökuliðið er nú í startholum en til
stendur að hefja tökur í næsta
mánuði. Marteinn
er nú að fylla
leikarahópinn og
standa yfir prufur
fyrir þau hlutverk
sem ekki hefur
þegar verið skipað
í en aðalhlutverkið
– Böddi – verður
í höndum Ólafs
Darra. - jbg
FRÉTTIR AF FÓLKI
„Uppáhaldsstaðurinn minn er
reyndar ekki á höfuðborgar-
svæðinu, heldur á Selfossi og
heitir Pylsuvagninn. En ef ég er í
bænum þá er það bara eitthvað
hollt og gott, eins og Nings.”
Brynhildur Valgeirsdóttir íþróttakennari.
Rafmagnspottar og hitaveituskeljar
Í MIKLU ÚRVALI.
VERÐ FRÁ 198.000,-
„Þetta er ekki heppni ef maður
gerir þetta tvisvar á einni viku,“
segir Símon Leví Héðinsson, tólf
ára kylfingur hjá golfklúbbi Sel-
foss, GOS. Hann náði því einstaka
afreki að fara holu í höggi á sömu
brautinni með nokkurra daga
millibili. Holan sem um ræðir er
þriðja holan á Svarfhólsvelli, par
þrjú og tæpir níutíu metrar að
lengd en Símon notaði sandjárn í
höggið. Í fyrra skiptið voru fram-
kvæmdir á vellinum, verið var að
meta hann og því fékkst það högg
ekki viðurkennt. Seinna höggið
var hins vegar algjörlega löglegt
og er Símon því orðinn meðlimur
í hinum eftirsótta Einherjaklúbbi
en alls hafa 26 kylfingar farið holu
í höggi á þessu ári sem allir fá inn-
göngu í þennan klúbb.
Símon hefur stundað golf í fjög-
ur ár og þykir mikið efni. Þegar
Fréttablaðið náði tali af honum
var hann í miðju móti og hafði því
lítinn tíma aflögu til að ræða um
þetta afrek sitt. „Auðvitað er þetta
blanda af hæfileikum og heppni,“
segir Símon, fullur sjálfstrausts
enda ekki nema von, tókst það sem
flestum kylfingum dreymir um að
ná aðeins einu sinni. Símon leikur
með Nike-sett eins og Tiger Woods
en menn skyldu þó hafa það í huga
að góðar kylfur hafa aldrei farið
holu í höggi, aðeins sá sem held-
ur á þeim.
Þjálfari Símons er hinn marg-
reyndi Hlynur Geir Hjartarson
og hann segist alvarlega vera
að velta því fyrir sér að setja
Símon aðeins út í kuldann um
stundarsakir. „Enda hef ég ekki
náð þessu sjálfur, að fara holu í
höggi,“ segir Hlynur og bætir því
við að kylfingurinn ungi hafi verið
hálf skömmustu legur þegar hann
sagði lærimeistaranum frá þessu
öllu. „Það var bara nánast eins og
hann hefði gert eitthvað af sér.“
Móðir Símons, Sigríður Gunnars-
dóttir, segir drenginn nánast búa
á golfvellinum yfir sumartímann,
það hafi hann gert nánast frá
fyrstu sveiflu. „Ég hleypi honum
út á sumrin og sæki hann síðan á
haustin,“ segir Sigríður og bætir
því við að hún sé afar ánægð með
golfið sem áhugamál. „Enda læra
börnin þar ákveðinn aga og fram-
komu sem þau verða að tileinka
sér til að ná árangri.“ Hlynur
Geir tekur undir þessi orð. „Hérna
mæta Símon og aðrir ungir kylf-
ingar klukkan níu á morgnana og
eru síðan sóttir á kvöldin. Að öllum
líkindum er þetta einhver besta
barna- og unglingagæsla sem völ
er á.“ freyrgigja@frettabladid.is
SÍMON LEVÍ HÉÐINSSON: NÁÐI EINSTÖKUM ÁRANGRI Á SVARFHÓLSVELLI
Tólf ára strákur fór tvíveg-
is holu í höggi á einni viku
SÍMON LEVÍ Þessi efnilegi kylfingur náði þeim einstaka árangri að fara tvisvar holu í höggi á sömu brautinni í sömu vikunni.
MYND/MAGNÚS HLYNUR HREIÐARSSON
VEISTU SVARIÐ
Svör við spurningum á síðu 8
1 Sólmundur Hólm.
2 Ellisif Tinna Víðisdóttir.
3 Gunnsteinn Sigurðsson.