Fréttablaðið - 15.07.2009, Blaðsíða 18

15. JÚLÍ 2009 MIÐVIKUDAGUR4 ● fréttablaðið ● beint frá býli
„Núna vorum við að byrja að
selja kryddgúrkur, sem eru niður-
sneiddar gúrkur í ediki með lauk.“
segir Þórður G. Halldórsson sem,
ásamt konu sinni Karólínu Gunn-
arsdóttur, rekur Garðyrkjustöðina
Akur. „Síðan erum við að búa til
pastasósur úr tómötum.“
Þórður segir
að á Akri
sé l ífræn
ræktun í
gróður-
húsum
þar sem
meðal ann-
ars eru
ræktaðir
tómatar,
agúrkur
og chili-
pipa r, en
hjónin hafa
verið að frá
árinu 1992.
„Síðan erum
við með heimavinnslu af því að við
erum svo nýtin að í staðinn fyrir
að henda grænmeti erum við að
sjóða niður, mauka og búa til ýmis-
legt í krukkum.“
Vörur Akurs er hægt að nálgast
í netversluninni www.graenihlekk-
urinn.is og á mörkuðum í sveitinni.
- mmf
Nýtni á Akri
Á Akri eru búnar
til pastasósur úr
tómötum.
Akur hefur hafið sölu á kryddgúrkum,
sem eru niðursneiddar gúrkur í ediki.
Jónas Helgason, bóndi í Æðey í
Ísafjarðardjúpi, hefur um áratuga-
skeið selt ferðamönnum heima-
gerðar dúnsængur. Ekki segir
hann framleiðsluna umfangsmikla
enda sé um aukabúgrein að ræða.
„Þetta er nú bara svona heimilis-
iðnaður. Konan mín, Katrín Alex-
íusdóttir, saumar þetta. Mest er ég
nú í að flytja ferðalanga á Strand-
irnar ásamt því að sinna öðru,“
segir hann.
Dúnsængurnar eru ekki seld-
ar í verslunum og því aðeins fáan-
legar á býlinu. „Menn verða því að
gera sér ferð út í Æðey ætli þeir að
verða sér úti um eintak,“ útskýrir
hann og vonar að eftirspurnin auk-
ist í sumar. - rve
Saumar dúnsængur
fyrir ferðalanga
Í Æðey í Ísafjarðardjúpi er hægt að njóta
náttúrunnar. Þeir sem vilja taka heim
með sér minjagrip geta orðið sér úti um
góða dúnsæng. FRÉTTABLAÐIÐ/GVA

Ábúendur Erpsstaða í Dölum settu
fyrir nokkru á markað rjómaís og
með haustinu verður hafin fram-
leiðsla á ostum. Ísinn er fram-
leiddur með nokkrum bragðteg-
undum til dæmis súkkulaði, kara-
mellu, piparmyntu, lakkrís, toffee
og pistasíu.
Ísinn ber nafnið Kjaftæði en
dóttir hjónanna á Erpsstöðum,
þeirra Þorgríms Einars Guð-
bjartssonar og Helgu Elínborg-
ar Guðmundsdóttur, stakk upp á
því. „Það er hægt að leika sér með
þetta orð. Mörgum finnst það snið-
ugt en öðrum ekki,“ segir Helga.
„Við vorum búin að velta miklu
fyrir okkur og þetta nafn hafði
vinninginn að lokum.“
Þegar Helga er innt eftir því af
hverju ákveðið hafi verið að fara af
stað með heimaframleiðslu segir
hún ástæðuna þá að nýtt fjós var
tekið í notkun á síðasta ári. „Við
vildum ekki byrja á þessu fyrr en
kýrnar byggju við góðar aðstæð-
ur.“
Hægt er að nálgast ísinn beint
frá býlinu um helgar í sumar frá
13 til 17. - mmf
Ísinn Kjaftæði
Helga segir að einhverjum hafi fundist
að nafnið á ísnum ætti að tengjast sveit-
inni. MYND/ÚR EINKASAFNI