Fréttablaðið - 11.08.2009, Blaðsíða 8

8 11. ágúst 2009 ÞRIÐJUDAGUR
1. Hvað heitir knapinn sem
rekinn var úr hestalandsliðinu
á dögunum?
2. Hvað heitir erlenda konan í
peningastefnunefnd?
3. Hversu mörg skipulögð atriði
voru á Gay Pride?
SJÁ SVÖR Á BLS. 26
VEISTU SVARIÐ?
Hagnýtt og hnitmiðað nám, bæði fyrir þá sem vilja
styrkja eigin rekstur og þá sem vilja stofna til eigin
reksturs með því að finna hugmyndum sínum eða
hugmyndum annara frjóan farveg.
NÝI TÖLVU- OG VIÐSKIPTASKÓLINN – VIÐURKENNDUR EINKASKÓLI Á FRAMHALDSSKÓLASTIGI
Helstu námsgreinar:
» Frumkvöðlar og framtíðarsýn (6)
» Stofnun fyrirtækja (6)
» Hagnýt markaðsfræði (42)
» Excel við áætlanagerð (24)
» Fjármálastjórnun og framlegð (30)
» Hagnýtur bókhaldsskilningur (12)
» Gerð viðskiptaáætlunnar (48)
Námið miðar að því að kenna gerð viðskiptaáætlanna,
hvernig hægt er að greina á milli arðbærra og óarðbærra
hugmynda, hvenær borgar sig að fara af stað og hvenær
borgar sig að sitja heima.
FRUMKVÖÐLA
OG REKSTRARNÁM
168 stundir - Verð: 198.000.-
Kvöldnámskeið 15. sept. - 17. des.
Síðdegisnámskeið 14. sept. - 16. des.
Atvinnulausir fá 25% afslátt frá auglýstu staðgreisluverði
ALÞINGI Formaður fjárlaganefndar
Alþingis segir að reynt verði til
þrautar í dag og á morgun að ná
samkomulagi um fyrirvara við
samþykki Alþingis á ríkisábyrgð
vegna Icesave-samningsins. Hann
segist óttast að Ísland einangrist
verði málinu ekki lokið fljótlega.
„Við erum sum mjög hrædd um
það að við séum að lenda hér í
sömu stöðu og í fyrra, að menn loki
á okkur meðan óvissan er,“ segir
Guðbjartur Hannesson, formaður
fjárlaganefndar. Hann segir að
endurnýja þurfi lán og lánalínur
á næstu vikum og mánuðum, og
óvíst sé að það gangi nema óvissu
um Icesave verði eytt.
Það verður að skýrast á næstu
tveimur sólarhringum hvort sam-
komulag næst um að fara þá leið
að setja fyrirvara við ríkisábyrgð-
ina, segir Guðbjartur. Stjórnar-
andstaðan verði að ákveða hvort
hún hyggist styðja þá leið eða
ekki.
Eins og fram kom í Fréttablað-
inu í gær hafa fulltrúar Fram-
sóknarflokks og Sjálfstæðisflokks
í fjárlaganefnd talað fyrir því að
skipuð verði ný samninganefnd og
samningaviðræður við Hollend-
inga og Breta teknar upp að nýju.
„Þá er bara verið að hafna samn-
ingnum, ég styð það ekki,“ segir
Guðbjartur. Hann segir engan sem
tali fyrir því að semja upp á nýtt
hafa útskýrt hvað það er sem eigi
að ná fram með því sem ekki megi
ná fram með fyrirvörum.
Hann segir að þrátt fyrir þetta
verði reynt til þrautar að ná sátt
milli stjórnar og stjórnarandstöðu.
Ósamstaða um fyrirvara myndi
veikja stöðuna gagnvart Bretlandi
og Hollandi.
„Við höfum ekki lokað á þann
möguleika að gera einhverja fyrir-
vara,“ segir Kristján Þór Júlíus-
son, fulltrúi Sjálfstæðisflokksins
í fjárlaganefnd.
„Við höfum hins vegar talið
eðlilegra að áður en við göngum
lengra með málið þá taki ríkis-
stjórn Íslands upp viðræður við
Breta og Hollendinga um mögu-
legar leiðir,“ segir Kristján.
Sífellt fleiri hafa efasemdir um
þá leið að setja fyrirvara við ríkis-
ábyrgðina, segir Höskuldur Þór-
hallsson, fulltrúi Framsóknar-
flokks í fjárlaganefnd.
„Kannski væri hreinlegast að
stíga fram og segja við Breta og
Hollendinga að það þurfi að semja
upp á nýtt, og þá með nýrri samn-
inganefnd,“ segir Höskuldur.
Hann segir þá hugmynd hafa verið
rædda á fundi fjárlaganefndar í
gær. Líklega verði fyrirvaraleiðin
þó reynd til þrautar.
Með því að setja fyrirvara við
ríkisábyrgð væri Alþingi ekki
að ónýta Icesave-samninginn,
segir Árni Þór Sigurðsson, full-
trúi Vinstri grænna í fjárlaga-
nefnd. Það sé hagur beggja aðila
að Ísland geti staðið við sínar
skuldbindingar, og að því snúi
fyrirvararnir meðal annars. Árni
hafnar því að samið verði að nýju,
og segir mikilvægt að ná samstöðu
um fyrirvara við ríkisábyrgðina.
brjann@frettabladid.is
Óttast að Ísland ein-
angrist á nýjan leik
Það mun skýrast á næstu sólarhringum hvort samstaða næst um fyrirvara
vegna Icesave segir formaður fjárlaganefndar. Óvissa gæti valdið því að lokað
verði á landið. Hreinlegast að semja upp á nýtt segir þingmaður Framsóknar.
FYRIRVARAR Svein Harald Øygard seðlabankastjóri (fyrir miðju) og Arnór Sighvatsson
aðstoðarseðlabankastjóri (til vinstri) komu á fund fjárlaganefndar í gær. Seðlabank-
inn mun veita sérfræðiaðstoð til að meta efnahagslega fyrirvara sem þingmenn hafa
rætt undanfarið. FRÉTTABLAÐIÐ/VALLI
HREYFING Þrettán félagar úr CrossFit Iceland munu
hlaupa 100 kílómetra á fimmtudaginn til styrktar
Mæðrastyrksnefnd. Leggja þeir af stað frá Skipa-
skaga klukkan fimm um morguninn, hlaupa meðfram
Akrafjalli, hringinn í Hvalfirði og enda í Reykjavík.
Ekki er um boðhlaup að ræða heldur hlaupa þau
samtals 1.300 kílómetra. En eruð þið í formi til þess
að hlaupa 100 kílómetra? „Já, við teljum okkur vera
það. Það er auðvitað ekki hægt að vita fyrr en við
erum búin að hlaupa,“ segir Ari Bragi Kárason, einn
ofurhuganna, kátur. Þeir hafa þegar safnað áheitum
frá Herbalife, World Class og EAS, að sögn Ara, en
treysta annars á frjáls framlög.
Endastöð hlaupsins verður World Class í Laugum
Laugardal og er stefnt að því að hlaupinu ljúki um
klukkan 19.30. Áhugasamir geta komið og tekið þátt
í að hlaupa síðustu 15 kílómetrana frá Korputorgi
klukkan 17 og styðja við bakið á ofurhugunum. Farið
verður inn í Laugardalinn þar sem móttökulið bíður
þeirra og slegið verður upp grillveislu.
Þeir sem styrkja vilja ofurhugana í ferð þeirra er
bent á að hægt er að leggja inn á reikning Mæðra-
styrksnefndar. Reikningsnúmerið er 0101-26-35021
og kennitalan er 470269-1119. - vsp
Þrettán úr CrossFit Iceland hlaupa 100 kílómetra til styrktar Mæðrastyrksnefnd:
Telja sig vera í nægilega góðu formi
CROSSFIT-KAPPAR Félagarnir Geir, Ari og Evert eru þrír af þeim
þrettán sem ætla að hlaupa 100 kílómetra á fimmtudaginn.
FRÉTTABLAÐIÐ/ANTON BRINK
VIÐSKIPTI Sex sparisjóðir sem sóttu um eiginfjár-
framlag á grundvelli neyðarlaganna í vor hafa enn
ekki fengið slíkt framlag. Fjármálaráðuneytið bíður
enn eftir aðgerðum sumra þeirra áður en unnt er að
afgreiða beiðnirnar.
Óskað var eftir umsögnum Fjármálaeftirlitsins
og Seðlabankans um umsóknirnar, og hefur þeim
verið skilað.
„Staða sparisjóðanna er mjög misjöfn og þeir eru
að fara yfir sín mál og ýmis skref sem þarf að stíga
samfara fjárframlaginu,“ segir Hjördís Dröfn Vil-
hjálmsdóttir í fjármálaráðuneytinu. Skilyrði hafi
verið sett fyrir framlaginu, án þess að hún vilji
greina nánar frá í hverju þau felist, og sumir spari-
sjóðanna vinni enn að því að uppfylla þau. Aðrir
hafi lokið sinni endurskipulagningu og bíði þess að
fjármálaráðuneytið taki ákvörðun.
Ákvörðunin verður ekki tekin fyrr en allir sjóð-
irnir hafa klárað sín mál, að sögn Hjördísar, til að
tryggja það að allir fái sambærilega meðferð. Meðal
þess sem er í umræðunni er að sameina einhverja
sjóði, að því er heimildir Fréttablaðsins herma.
Sjóðirnir sex sem sóttu um voru Byr og Spari-
sjóðir Norðfjarðar, Keflavíkur, Vestmannaeyja,
Svarfdæla og Bolungarvíkur. - sh
Fjármálaráðuneytið hefur enn ekki veitt sparisjóðum eiginfjárframlag úr ríkisjóði:
Aðgerða sparisjóðanna beðið
BYR Framlögin geta að hámarki verið fimmtungur af eigin fé
sjóðsins. Áætlað er að fjórtán milljörðum verði veitt til þessa í
ár. FRÉTTABLAÐIÐ / GVA
SAMGÖNGUR Iceland Express ætlar
að hefja áætlunarflug til Birm-
ingham á Englandi næsta sumar.
Verður áfangastaðurinn sá átjándi
hjá Iceland Express.
En af hverju Birmingham? „Við
höfum verið að skoða það svæði
og þetta er mjög stórt markaðs-
svæði,“ segir Matthías Imsland,
forstjóri Iceland Express. Segir
hann Ísland þekktan áfangastað í
Bretlandi og þar fari um 25 flug á
viku. Birmingham er næststærsta
borg Bretlands og er fyrir norðan
London. Um tvær og hálf milljón
manna býr í henni og næsta
nágrenni. Fyrst um sinn er gert
ráð fyrir vikulegu flugi. - vsp
Express flýgur til Birmingham:
Eitt flug í viku
til Birmingham
Auglýsingasími
– Mest lesið