Fréttablaðið - 11.08.2009, Blaðsíða 15

Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
„Ég prófaði nú bara einn leik og þá
varð eiginlega ekki aftur snúið,“
segir Grétar Bragi Bragason, beð-
inn um að lýsa í hverju aðdráttarafl
litbolta sé fólgið. Hann æfði sam-
kvæmisdans um árabil en sneri sér
alfarið að litboltanum árið 2004 og
gegnir nú stöðu formanns Litbolta-
félags Hafnarfjarðar.
Grétar segir algengan misskiln-
ing að um auðveldan leik sé að
ræða. „Þvert á móti þá spilum við
á svæði sem er á stærð við um það
bil hálfan fótboltavöll. Hver leik-
ur tekur fimm mínútur og maður
verður að hafa sig allan við til að
vera ekki skotinn; eitt skot og þá er
maður úr leik. Í þetta þarf mikið
þol, góða tækni og ekki síst sam-
skiptaeiginleika til að geta náð
árangri.“
Að sögn Grétars var félagið
stofnað árið 2001 og í því eru nú
um sextíu félagsmenn af báðum
kynjum. Karlmenn eru þó í yfir-
gnæfandi meirihluta enn sem
komið er, eða fimmtíu á móti tíu.
Í vetur hafa félagsmenn hist viku-
lega í Sporthúsinu en verið er að
reisa aðstöðu skammt frá rallý-
krossbrautinni í Hafnarfirði sem
bæjaryfirvöld hafa úthlutað félag-
inu.
„Svæðið hefur verið í byggingu
í um fimm ár og er hugsað undir
æfingar og keppnir,“ segir Grétar
og bætir við að félagið sé þó ein-
göngu áhugamannafélag þar sem
litbolti er ekki viðurkennd keppn-
isgrein á Íslandi. „Erlendis er
keppt í þessu, þar er þetta atvinnu-
mennska. Hér eru miklar reglu-
gerðir, sem meðal annars gilda um
litboltabyssur, en þær mega aðeins
vera skráðar á félagið en ekki ein-
staka meðlimi,“ útskýrir hann og
bætir við að eitt helsta markmið
félagsins sé að fá litbolta viður-
kenndan sem keppnisgrein hér-
lendis.
Þótt um áhugamannafélag sé að
ræða hefur það þó tvívegis tekið
þátt í keppni erlendis, eða árin
2004 og 2005. „Okkur gekk sæmi-
lega á fyrsta mótinu, lentum í 64.
sæti af 120,“ minnist Grétar og
bætir við að árangurinn hafi verið
mun betri í seinna skiptið. „Þá
lentum við í fimmta sæti af um 120
sem er bara nokkuð gott.“
Er stefnt á frekari keppni
erlendis? „Það á nú bara eftir að
koma í ljós. Vandamálið er nátt-
úrlega að þar sem litbolti er enn
ekki viðurkennd keppnisgrein er
erfitt að fá styrktaraðila til liðs við
okkur. Þess vegna þurfum við að
kosta allt sjálf,“ segir Grétar, en
er þó vongóður um að það breyt-
ist þegar litbolti fæst viðurkennd-
ur sem keppnisgrein.
roald@frettabladid.is
Úr lakkskóm í litbolta
Grétar Bragi Bragason stundaði samkvæmisdans um árabil. Fyrir nokkrum árum reyndi hann fyrir sér í
litbolta, fékk brennandi áhuga í kjölfarið og er nú formaður Litboltafélags Hafnarfjarðar.
LÝSI kemur ekki aðeins í veg fyrir hjarta- og æða-
sjúkdóma hjá heilbrigðum heldur minnkar það einnig
líkur á hjartaáföllum og jafnvel dauða hjá sjúklingum
með hjartasjúkdóma. Þetta er niðurstaða nýrrar banda-
rískrar rannsóknar sem sagt er frá á www.hjartalif.is.
„Þótt við séum að fá okkar eigin svæði erum við alls ekki í samkeppni við fyrirtæki sem bjóða upp á litbolta sem afþreyingu. Við
höfum engan hagnað af þessu nema félagsgjöldin,“ segir Grétar, sem mundar hér litboltabyssu. FRÉTTABLAÐIÐ/PJETUR
www.eirberg.is • 569 3100 • Stórhöfða 25
Viðurkenndar
stuðningshlífar
í úrvali