Fréttablaðið - 11.08.2009, Blaðsíða 2

2 11. ágúst 2009 ÞRIÐJUDAGUR
Júlíus, sátu margir í súpunni
um helgina?
„Bara þeir sem sátu heima, þeir
supu seyðið af því.“
Ógrynni af fiskisúpu fór í maga svangra
gesta á Fiskideginum mikla á Dalvík um
helgina. Júlíus Júlíusson er framkvæmda-
stjóri hátíðarinnar.
HREYFING Endurbætt rennibraut í Laugardals-
lauginni verður opnuð á næstunni og í síðasta lagi
á þriðjudaginn eftir viku, á afmæli Reykjavíkur-
borgar, að sögn Loga Sigurfinnssonar, forstöðu-
manns Laugardalslaugar. Rennibrautin hefur
verið lokuð í um ár. Upphaflega átti að gera við þá
gömlu en ákveðið var að kaupa nýja braut. Verkið
kostar í kringum 17 milljónir, að sögn Loga.
„Við notum lendinguna og turninn úr gömlu
brautinni en létum bæta aðeins við undir-
stöðurnar til þess að ná þessu,“ segir Logi. Nýja
brautin er um 80 metrar, svipuð þeirri eldri.
„Hún er lokuð alla leið og er að hluta til svarthol
og að hluta til hálfgegnsæ. Á einum hlutanum eru
stjörnuljós,“ segir Logi. Engin tónlist eða hávaði
er í brautinni.
- vsp
Opna á endurbætta rennibraut í Laugardalslaug í síðasta lagi næsta þriðjudag:
Kostar í kringum 17 milljónir
RENNIBRAUTIN Hún verður lokuð alla leið, að hluta til svarthol
og að hluta til gegnsæ. Opna á brautina á næstunni en gamla
brautin hefur verið lokuð í um ár. FRÉTTABLAÐIÐ/ARNÞÓR
SJÁVARÚTVEGSMÁL Uppsjávarveiðar
ganga vel fyrir norðaustan land
og nóg virðist vera af stórri síld
og makríl á stóru svæði. Á vef HB
Granda segir Guðlaugur Jónsson,
skipstjóri á Ingunni AK, að stór
síld sé á svæðinu, en hún sé stygg
og ekki auðveidd.
Ingunn er á veiðum langt norður
af Melrakkasléttu en við veiðar
sunnar var of mikill makríll til að
hægt væri að einbeita sér að síld-
veiðum.
Komandi verkefni skipa HB
Granda eru síldveiðar í norsku lög-
sögunni en þar ræður félagið yfir
um 6.200 tonna síldarkvóta. - shá
Uppsjávarveiðar ganga vel:
Mikið af stórri
síld og makríl
Í HÖFN Ingunn AK í höfn en skipstjórinn
segir mikið líf á miðunum fyrir norðan
og austan.
FÓLKSFJÖLGUN Samtals 2.101 barn
hafði fæðst á fæðingardeildum
Landspítalans í gær. Það er 72 börn-
um fleiri en fæðst höfðu á sama
tíma í fyrra. Að sögn Guðrúnar
G. Eggertsdóttur, yfirljósmóður á
Landspítalanum, stefnir því í metár
í fæðingum, þar sem áætlaðar fæð-
ingar í september og október eru
mjög margar.
Í fyrra var met í fæðingum jafn-
að á fæðingardeildum Landspítal-
ans, þegar 3.376 börn fæddust þar,
en alls fæddust 4.846 börn á landinu
öllu samkvæmt tölum frá Hagstofu
Íslands. Þann 10. ágúst í fyrra höfðu
2.029 börn fæðst á Landspítalanum,
en í ár eru þau 2.101. Auk þess er
búist við miklum fjölda fæðinga á
næstu mánuðum og eru áætlaðar
fæðingar í ágúst til dæmis 287 og
í september 297. Að sögn Guðrúnar
fæðast svo yfirleitt á bilinu tíu til
tuttugu börn til viðbótar. Því stefnir
allt í að metið verði slegið í ár.
Erfitt efnahagsástand virðist því
ekki hafa neikvæð áhrif á fólks-
fjölgun á höfuðborgarsvæðinu, í
það minnsta ekki enn þá. Guðrún
segir hent gaman að því á fæðingar-
deildum að nú hljóti fyrstu kreppu-
börnin að vera að líta dagsins ljós.
Venjan er sú að þegar efnahags-
ástand er slæmt dregst fæðingar-
tíðni saman, að sögn Ólafar Garðars-
dóttur, dósents við Háskóla Íslands
og doktors í fólksfjöldafræði. „Sem
dæmi má nefna heimskreppuna á
fjórða áratugnum. Þá lækkaði fæð-
ingatíðni alls staðar í heiminum, og
líka á Íslandi.“ Hún segir söguna
á Norðurlöndunum sýna slíkt hið
sama. „Í nágrannalöndunum, þar
sem fæðingarorlofsgreiðslur eru
tengdar við laun eins og hér á landi,
þá sér maður það samband að þegar
það er efnahagslægð lækkar fæð-
ingatíðni, og þegar efnahagsástand
er gott þá hækkar hún.“ Þetta hafi
líka verið tilfellið á Íslandi, þar sem
betri fæðingarorlofslöggjöf og góð-
æri hafi valdið því að fæðingatíðni
hafi hægt og bítandi hækkað undan-
farin ár.
Ólöf segir fæðingartíðni þessa
árs segja lítið til um efnahags-
ástandið. „Fólk sem er komið af stað
í barneignarhugleiðingum hættir
því ekki endilega. Það er því ekki
alveg að marka þetta ár, það væri
frekar að næsta ár myndi gefa betri
vís bendingar. Mér finnst líklegt að
tíðnin fari niður á við þegar efna-
hagskreppan fer að segja meira til
sín, á næsta ári.“
thorunn@frettabladid.is
Stefnir í metfjölda
fæðinga á þessu ári
Fleiri börn hafa fæðst á Landspítalanum það sem af er ári en á sama tíma í
fyrra, sem þó var metár. Venjan er að fæðingatíðni lækki þegar efnahagsástand
er slæmt. Það mun líklega gerast á næsta ári að sögn fólksfjöldafræðings.
FÆÐINGAR Á LANDSPÍTALA
Fæðingardeild og Hreiður
2006 3.074
2007 3.129
2008 3.376
2009* 2.101
*Fæðingar frá áramótum og til 10.
ágúst 2009.
FÆÐINGAR 2008 OG 2009
Til 10. ágúst 2008
Fæðingardeild 1.576
Hreiður 453
Alls 2.029
Til 10. ágúst 2009
Fæðingardeild 1.585
Hreiður 516
Alls 2.101
ALÞINGI Þrátt fyrir að horfur séu
á að erlendir kröfuhafar eignist
bróðurpart í Íslandsbanka og
Kaupþingi telur meiri hluti við-
skiptanefndar Alþingis fulla þörf
á stofnun Bankasýslu ríkisins.
Stofnuninni er ætlað að fara með
eignarhlut ríkisins í fjármála-
fyrirtækjum.
Í áliti meirihluta nefndarinnar
segir að eftir sem áður muni ríkið
eiga Landsbankann og eignarhlut í
allmörgum sparisjóðum auk hluta
í Íslandsbanka og Kaupþingi. Sam-
anlagt kunni ríkið því að fara með
60-70 prósenta hlutdeild á fjár-
málamarkaði. Því verði áfram full
þörf fyrir bankasýsluna. - bþs
Meirihluti viðskiptanefndar:
Full þörf fyrir
bankasýsluna
Lenínstytta kramdi mann
21 árs gamall maður lét lífið þegar
fimm metra há stytta af Vladimír
Lenín brotnaði og féll ofan á hann í
Hvíta-Rússlandi um helgina. Að sögn
yfirvalda var maðurinn drukkinn og
hafði klifrað upp á styttuna og hangið á
handlegg Sovétleiðtogans fyrrverandi.
HVÍTA-RÚSSLAND
KVENNADEILD LANDSPÍTAL-
ANS Allt stefnir í að metfjöldi
barna fæðist á fæðingardeild
og í Hreiðrinu á þessu ári.
FR
ÉT
TA
B
LA
Ð
IÐ
/V
IL
H
EL
M
SAMGÖNGUR Skipulagsstofnun telur
allar fjórar tillögur um styttingu
hringvegarins við Hornafjörð hafa
verulega neikvæð áhrif á lands-
lag, ásýnd, jarðmyndanir og gróð-
ur. Telur Skipulagsstofnun þó leið
1 vera skástu leiðina. Efnistaka úr
námunni Friðsæld við Dynjanda er
minnst ef hún er valin.
Skipulagsstofnun leggur til það
skilyrði við veitingu framkvæmda-
leyfis að Vegagerðin myndi form-
legan samráðshóp fagaðila um
endurheimt votlendis vegna fram-
kvæmdarinnar sem felst í að
byggður verður nýr 11-18 km lang-
ur vegur sem styttir hringveginn
um 11-12 km eftir því hvaða leið
verður fyrir valinu. - vsp
Stytting vegar við Hornafjörð:
Samráðshópur
um votlendi
EFNAHAGSMÁL Þar sem gengi íslensku krónunnar
hefur lækkað um ríflega eitt prósent frá vaxta-
ákvörðun í byrjun júlí telur Greining Íslandsbanka
að peningastefnunefnd Seðlabankans ákveði að
halda stýrivöxtum óbreyttum í tólf prósentum.
Vaxtaákvörðunardagur bankans er á fimmtu-
dag.
Í Morgunkorni Greiningar Íslandsbanka í gær
er bent á að í fundargerð peningastefnunefndar-
innar frá síðustu vaxtaákvörðun komi skýrt fram
að styrking krónunnar sé forsenda vaxtalækkun-
ar. Frestun á lánum frá Alþjóðagjaldeyrissjóðnum
og hinum Norðurlöndunum, ráðleggingar AGS um
að vextir verði ekki lækkaðir og vilji Peninga-
stefnunefndarinnar til að halda vöxtum háum við
afnám gjaldeyrishaftanna hafi líka sitt að segja
um ákvörðun nefndarinnar.
Greining Íslandsbanka spáir raunar að stýri-
vextirnir verði óbreyttir fram á annan ársfjórðung
næsta árs en taki þá að lækka. Spáir bankinn því
að vextirnir verði komnir í 7,5 prósent í lok næsta
árs og sex prósent um mitt ár 2011.
Vaxtaákvörðunin á fimmtudag er væntanlega
sú síðasta sem seðlabankastjórinn Svein Harald
Øygard á þátt í að taka en hann lætur af embætti
í næstu viku þegar skipun Más Guðmundssonar
tekur gildi. - bþs
Íslandsbanki spáir að peningastefnunefndin ákvarði óbreytta stýrivexti:
Gengi krónunnar enn of lágt
VAXTAÁKVÖRÐUN Arnór Sighvatsson aðstoðarseðlabankastjóri
og Svein Harald Øygard seðlabankastjóri. FRÉTTABLAÐIÐ/ANTON
SAMGÖNGUMÁL Tilfinning heima-
manna á Dalvík fyrir því að mikil
fjölgun hafi verið á Fiskideginum
mikla þetta árið hefur verið
studd rökum á vef Vegagerðar-
innar.
Umferð um Hámundastaða-
háls, milli þjóðvegar 1 og Dal-
víkur, var mun meiri alla dagana
sem hátíðin stóð, en á sama tíma í
fyrra eða samtals tæpum 25 pró-
sentum. Rúmlega nítján þúsund
bílar fóru um hálsinn yfir helg-
ina en rúmlega fimmtán þúsund
bílar árið 2008. - shá
Fiskidagurinn mikli á Dalvík:
Nítján þúsund
bílar þetta árið
DALVÍK Gríðarlegur fjöldi sækir Dal-
víkinga heim ár hvert.
Aflaverðmæti 99 milljarðar
Árið 2008 var afli íslenskra skipa rúm
1.283 þúsund tonn, 113 þúsund tonn-
um minni en árið 2007. Aflaverðmæti
nam rúmum 99 milljörðum króna.
Stærsti hluti afla íslenskra fiskiskipa
var unninn á Austurlandi. Stærsti hluti
botnfisksaflans var unninn á höfuð-
borgarsvæðinu og á Suðurnesjum.
SJÁVARÚTVEGSMÁL
SPURNING DAGSINS