Fréttablaðið - 11.08.2009, Blaðsíða 30

26 11. ágúst 2009 ÞRIÐJUDAGUR
1
6 7 8
10
13
119
12
15
16
18
21
20
17
14
19
2 3 4 5
LÁRÉTT: 2. jurtatrefjar, 6. samþykki,
8. beita, 9. þrá, 11. tvíhljóði, 12. sæti,
14. bragðbætir, 16. nafnorð, 17. hús-
freyja, 18. umhyggja, 20. til, 21. borg
í Portúgal.
LÓÐRÉTT: 1. útihús, 3. í röð, 4. doka,
5. vefnaðarvara, 7. frilla, 10. söng-
hópur, 13. meðal, 15. kappklæða, 16.
bjargbrún, 19. númer.
LAUSN
LÁRÉTT: 2. bast, 6. já, 8. áta, 9. ósk,
11. au, 12. stóll, 14. krydd, 16. no, 17.
frú, 18. önn, 20. að, 21. faró.
LÓÐRÉTT: 1. fjós, 3. aá, 4. staldra, 5.
tau, 7. ástkona, 10. kór, 13. lyf, 15.
dúða, 16. nöf, 19. nr.
LÖGIN VIÐ VINNUNA
„Ég set Beach Boys á til að
koma mér inn í daginn, ekkert
fallegra en byrjunin á Good
Vibrations. Eftir það hlusta
ég mjög líklega smá á Billie
Holiday, Nick Drake eða Bonnie
Prince Billie. Ef dagurinn er
langur og strangur þá skelli ég
Hauki Morthens og hans Frost-
rós á í lokin.“
Halldóra Malín Pétursdóttir leikkona
vinnur í Skaftfelli á Seyðisfirði.
VEISTU SVARIÐ
Svör við spurningum á bls. 8
1 Þórður Þorgeirsson.
2 Anne Sibert.
3 35.
Laddi hristir fram úr erminni
fimmtíu nýja karaktera á nýrri
plötu sem gefin verður út sam-
hliða einleiknum Jólasögu, þar
sem Laddi leikur Skrögg sjálf-
an. Nýlega var tekin upp tónlistin
fyrir plötuna. „Þetta er sem sagt
einleikur og þeir ætla víst að gefa
þetta út á disk, þessa sögu. Það er
hljómsveit og það er kór og ég bý
þetta náttúrlega allt til sjálfur,“
segir Laddi, en æfingar standa
yfir á verkinu.
„Þetta er heljarinnar verkefni,
það er mikið mál að vera einn með
alla þessa karaktera, skipta um
rödd stanslaust. Það er enginn
annar á sviðinu þannig að ég þarf
að tala við sjálfan mig, þetta er
svolítið mikið. Það vefst ekki fyrir
mér svoleiðis. Það er aðallega að
muna þennan texta, það gæti vaf-
ist aðeins fyrir manni sem er kom-
inn svona aðeins á efri ár eins og
maður segir.“
Þegar líður á æfingar verður svo
sagan sjálf í töluðu máli tekin upp.
„Þeir eru allir að myndast svona.“
Á hann sér uppáhaldsrödd meðal
þessara persóna? „Aðalkarakter-
inn er náttúrulega Skröggur sjálf-
ur, eigum við þá ekki að segja að
hann sé í uppáhaldi. Hún er svona
sambland, ábyggilega heyrir ein-
hver rödd sem hann kannast við.
Ég var nú einu sinni í Óliver Twist
og lék þar Fagin, ætli hann sé ekki
svolítið líkur honum, það eru svo-
lítið líkir karakterar.“
Þrátt fyrir umfangið er Laddi
spenntur fyrir frumsýningu sem
er 20. nóvember. Platan er væntan-
leg fyrir jól en þá koma Grimms-
ævintýrin einnig út hjá fyritæki
Jóns Gunnars Þórðarsonar, leik-
stjóra Jólasögu. - kbs
Fimmtíu nýjar raddir frá Ladda
„Þetta var stórskemmtilegt. Það
var bæði góð reynsla og upplifun
að taka þátt í þessu,“ segir Gísli
Sigmundsson, söngvari dauðarokk-
sveitarinnar Beneath sem spilaði á
Wacken-tónlistarhátíðinni í dögun-
um fyrst íslenskra sveita.
Beneath vann hljómsveitakeppn-
ina Wacken Metal Battle á Íslandi í
apríl og öðlaðist þá rétt til að spila
í lokakeppninni sem var haldin
meðfram öðrum tónlistaratriðum
á Wacken. Tóku 22 hljómsveitir
frá jafnmörgum löndum þátt og
fór spænsk þungarokksveit með
sigur af hólmi. „Þetta var gjör-
ólíkt því sem maður þekkir heima.
Þetta batterí er svo svakalega
„professional“. Þýsk skipulagning
klikkar ekki,“ segir Gísli um hátíð-
ina. „Það var líka öðruvísi að spila
við þessar aðstæður. Þetta var
töluvert stærra svið en maður er
vanur hérna heima, aðeins stærra
en Grand Rokk,“ segir hann og
kímir.
Engin tilboð um plötusamning
bárust þeim félögum á hátíðinni en
Gísli segir það ekki koma að sök.
„Við spjölluðum við slatta af blaða-
mönnum og dreifðum kynningar-
efni. Það er vonandi að það komi
eitthvað út úr því. Við höldum bara
okkar striki hérna heima og stefn-
um á upptökur í haust.“
- fb
Wacken stærra en Grand Rokk
BENEATH Rokkararnir í Beneath skemmtu sér vel á Wacken-hátíðinni í Þýskalandi.
ÞÚSUND RADDA SMIÐUR Laddi kokkar-
upp fimmtíu nýjar raddir á jólaplötu.
Um verslunarmanna-
helgina voru fjölmiðlar
undirlagðir af fréttum af
vopnuðu ráni sem framið
var í verslun 11-11
í Skipholti. Ræn-
ingjarnr ógnuðu
starfsmönnum með
stórum hnífum og
komust undan
með einhver verð-
mæti. Mennirnir
náðust svo daginn
eftir. Fréttablaðið hefur fyrir satt að
einn umræddra ræningja var tón-
listarmaðurinn Ívar Örn Kolbeins-
son, sem þekktastur er fyrir veru
sína í hinni umdeildu hljómsveit
Dr. Mister & Mr. Handsome. Ívar
hefur undanfarið verið að koma sér
aftur í gang í tónlistinni með nýrri
hljómsveit, Krooks. Sveitin hefur
vakið mikla athygli en búast má við
að þessi atburður setji einhver strik
í framtíðarplön bandsins.
Þorsteinn J. Vilhjálms-
son er að verða einhver
þekktasti stangveiði-
maður landsins og sýndi
ótvírætt fram á hæfi-
leika sína á því
sviði um síðustu
helgi. Hann var
þá í stórum hópi
veiðimanna á
silungasvæðinu í Vatnsdal og var sá
eini sem setti í góðan lax þar þrátt
fyrir ítrekaðar tilraunir annarra í þá
áttina.
Leikhússpírurnar Símon Birgisson
og Þorleifur Arnarsson, sem báðir
eru búsettir í Þýskalandi, hafa
nú tekið höndum saman og eru
að undirbúa leiksýningu meðal
Þjóðverja, nánar tiltekið í Karlsruhe.
Símon er, eins og fram hefur komið
í blaðinu, að undirbúa verk sem
flutt verður í Útvarpsleikhúsi Viðars
Eggertssonar við Efstaleitið sem
heitir „Guð blessi Ísland“
auk þess sem hann
mun leikstýra öðru
verki þar síðar í
vetur og er hann
nú kominn með
sérstakan passa í
útvarpshúsið með
þeim virðulega titli:
Leikstjóri.
- hdm, jbg
FRÉTTIR AF FÓLKI
„Það hvílir ákveðinn dýrðar-
ljómi yfir þessu fyrirtæki og
fólki fannst út í hött að ég ætlaði
að segja upp vinnunni og flytja
aftur heim,“ segir Signý Björg
Guðlaugsdóttir, stafrænn fjöl-
miðlahönnuður, en hún útskrifað-
ist með hæstu eink unn frá Vict-
oria University of Wellington á
Nýja-Sjálandi. Þar lærði Signý
stafræna fjölmiðlahönnun og
segir hún námið hafa verið mjög
skemmtilegt og fjölbreytt.
Eftir útskrift sótti Signý Björg
um vinnu hjá Weta Digital, fyrir-
tæki sem er í eigu leikstjórans
Peters Jackson og hefur unnið að
framleiðslu kvikmynda á borð við
King Kong, Lord Of The Rings
og X-Men. „Ég sótti um í lok nóv-
ember á síðasta ári og fékk svo
að vita í janúar að ég hefði feng-
ið vinnuna. Ég vann aðallega við
upplýsingasöfnun fyrir leikstjór-
ana en tók einnig að mér verkefni í
grafískri hönnun og í móttökunni,“
segir Signý en hún vann meðal
annars fyrir Peter Jackson við
gerð myndarinnar Svo fögur bein,
James Cameron við gerð mynd-
arinnar Avatar og fyrir Steph en
Spielberg við gerð myndarinnar
um Tinna. Aðspurð segir Signý
starfið hafa verið mjög skemmti-
legt en krefjandi.
„Þetta var mjög skemmtilegt
starf en vinnudagarnir voru mjög
langir. Vinnustaðurinn var líka
ólíkur öllu því sem ég hafði áður
kynnst. Það eru um sjö hundruð
og fimmtíu manns sem vinna hjá
Weta Digital og öryggisgæsla var
gífurleg og menn fengu ekki að
flakka á milli deilda án eftirlits.
Starfsmenn eru látnir skrifa undir
samning um þagnareið til að koma
í veg fyrir að upplýsingar um kvik-
myndirnar leki út. En þeir gerðu
líka mjög vel við starfsfólk sitt, á
hverjum föstudegi voru til dæmis
haldnar veislur fyrir starfsfólkið
og menn fengu frí í hádeginu til að
skella sér á ströndina.“
Þrátt fyrir að hafa fengið
draumastarf margra ákvað Signý
að flytja heim í vor og freista
gæfunnar hér heima. „Ég hef svo
lítið verið heima síðustu fjögur
árin og mig langaði að koma heim
og upplifa íslenskt sumar. Á meðan
ég var úti fæddust til dæmis
fimm börn inn í fjölskylduna sem
mig langaði að sjá og kynnast.
Ég er búin að fá vinnu hjá kvik-
myndafyrirtækinu True North og
hlakka mikið til að hefja störf þar
í haust,“ segir Signý. Áhugasamir
geta skoðað verk Signýjar á slóð-
inni www.signydesign.com.
sara@frettabladid.is
SIGNÝ BJÖRG: VANN AÐ STÓRMYNDUM Í FYRIRTÆKI PETERS JACKSON
Sagði upp draumastarfi
fyrir íslenskt sumar
ÚTSKRIFAÐIST MEÐ HÆSTU EINKUNN Námið segir Signý Björg hafa verið fjölbreytt og
skemmtilegt.