Fréttablaðið - 19.08.2009, Blaðsíða 12

12 19. ágúst 2009 MIÐVIKUDAGUR
BILL CLINTON, FYRRVER-
ANDI BANDARÍKJAFORSETI,
ER 63 ÁRA Í DAG.
„Með því að efla þá
veiku og fátæku á
meðal okkar eflum við
samfélagið allt.“
Clinton gegndi emb-
ætti forseta Banda-
ríkjanna frá 20. janúar
1993 til 20. janúar 2001.
Áður var hann ríkisstjóri
Arkansas í tólf ár.
Fyrstu íslensku skipin hófu
veiðar í Smugunni þennan
dag árið 1993. Smugan er haf-
svæði á milli fiskveiðilögsagna
Noregs og Rússlands og þau ríki
töldu sig ein eiga rétt á veiðum
þar því fiskurinn kæmi úr þeirra
lögsögu. Því blossuðu strax upp
deilur og sendi norska strand-
gæslan skip á vettvang til að fylgj-
ast með veiðum Íslendinga.
Íslenskir útgerðarmenn litu hins vegar á Smuguna sem alþjóðlegt
hafsvæði. Sumir keyptu sérstök skip til að senda þangað og á
tímabili voru á milli sjö og átta hundruð íslenskir sjómenn í Bar-
entshafinu enda gengu veiðarnar mjög vel um tíma. Árið 1994
komu um 37 þúsund tonn úr Smugunni og Svalbarðasvæðinu,
sem skiluðu um fimm milljörðum króna í kassann. Það voru 5,5
prósent af útflutningsverðmætum Íslands.
Þetta varð þó skammvinn sæla því fiskgengd í Smugunni fór
ört minnkandi og árið 1997 varð tap af veiðunum.
ÞETTA GERÐIST: 19. ÁGÚST 1993
Veitt í Smugunni
Hátíðardagskrá verður síðdegis í
dag á Hótel Nordica í tilefni af sjö-
tíu ára afmæli Blindrafélagsins,
samtaka blindra og sjónskertra á Ís-
landi, og Kristinn Halldór Einarsson
formaður segir að sjálfsögðu verða
hellt upp á könnuna. Samfélagslampi
Blindrafélagsins verður í fyrsta sinn
veittur og munu Reykjavíkurborg og
Bónus hljóta þann heiður; borgin fyrir
akstursþjónustu og Bónus fyrir traust
samstarf við Blindravinnustofuna.
Blindrafélagið var stofnað 1939 af
þrettán einstaklingum. Af þeim voru
ellefu alblindir. Tilgangurinn var sá
að taka ábyrgð á eigin málum, eink-
um atvinnumálum og menntamál-
um, að sögn Kristins. „Blindrafélag-
ið og Blindravinafélagið, sem er enn
eldra, eiga stóran þátt í því að hér hófst
skipulögð kennsla fyrir blinda, um það
bil 100 árum eftir að slík kennsla var
tekin upp í nágrannalöndunum,“ upp-
lýsir hann og nefnir aðra merka áfanga
í sögu félagsins. „Árið 1942 stofnaði
félagið Blindravinnustofuna og þar
var blómlegt starf á tímabili en hefur
minnkað. Þó er Blindravinnustofan enn
starfandi og selur hreingerningarverk-
færi á smásölumarkaði, fyrst og fremst
í gegnum Bónus.“
Kristinn Halldór segir félagið hafa
verið opnað fyrir sjónskertum líka og
nú séu þeir yfir níutíu prósent félags-
manna. „Það eru rúmlega 1.500 manns
á landinu sem flokkast undir að vera
blindir eða sjónskertir, sem miðast
gróflega við að fólk sé með þrjátíu pró-
senta sjón eða minna með bestu mögu-
legu gleraugum,“ útskýrir hann.
Blindrabókasafnið varð til meðal
annars fyrir frumkvæði Blindra-
félagsins, að sögn Kristins Halldórs.
Það þjónar fleiri en blindum og sjón-
skertum, til dæmis lesblindum, og þar
fer fram öflug hljóðbókaútgáfa. „Síðan
getum við nefnt Sjónstöð Íslands sem
tók til starfa 1987 og var leyst af hólmi
um síðustu áramót þegar til starfa tók
þjónustu- og þekkingarmiðstöð fyrir
blinda, sjónskerta og daufblinda ein-
staklinga. Það má teljast merkilegt að
einu lögin sem voru samþykkt á Al-
þingi rétt fyrir jól og ekki sneru að
kreppuúrræðum voru lögin um þá
stofnun og það með mikilli samstöðu
á þinginu,“ segir hann og dregur ekki
dul á að miklar vonir séu bundnar við
stofnunina.
En aftur að afmælisteitinu. Kristinn
Halldór segir kaffið byrja hálf fjögur
og hátíðadagskrána fjögur. Þar verða
ávörp og upplestur og einnig tónlist-
arflutningur í höndum félagsmanna.
„Það er fólk á öllum aldri, alveg frá
mjög ungum flytjendum upp í gamla
og reynda,“ lýsir hann. Ávörp flytja
auk hans sjálfs félagsmálaráðherra
og borgarstjóri. „Svo var ég að heyra
að fjármálaráðherrann ætlaði líka að
heiðra okkur með nærveru sinni,“ segir
Kristinn Halldór að lokum ánægður.
gun@frettabladid.is
BLINDRAFÉLAGIÐ: HELDUR UPP Á 70 ÁRA AFMÆLIÐ Á HÓTEL NORDICA
Taka ábyrgð á eigin málum
FORMAÐURINN „Ég sé mjög vel fram fyrir mig, get lesið og allt svoleiðis, en sé ekkert hvað er
að gerast við hliðina á mér,“ segir Kristinn Halldór. FRÉTTABLAÐIÐ/PJETUR
Faðir okkar, tengdafaðir, afi og langafi,
Jón Kristinsson
rakarameistari og fyrrverandi forstöðu-
maður, Austurbyggð 17, áður til heimilis
að Byggðavegi 95, Akureyri,
lést sunnudaginn 16. ágúst að Dvalarheimilinu Hlíð.
Útför hans fer fram í Akureyrarkirkju, mánudaginn
24. ágúst kl. 13.30. Blóm og kransar vinsamlega
afþakkaðir.
Arnar Jónsson Þórhildur Þorleifsdóttir
Helga Elínborg Jónsdóttir Örnólfur Árnason
Arnþrúður Jónsdóttir.
Margrét Örnólfsdóttir Jón Ragnar Örnólfsson,
Álfrún Helga Örnólfsdóttir og Árni Egill Örnólfsson.
Sólveig Arnarsdóttir Þorleifur Örn Arnarsson,
Oddný Arnarsdóttir og Jón Magnús Arnarsson
og barnabarnabörn.
Elskulegur eiginmaður minn, faðir okkar,
tengdafaðir, afi og langafi,
Gísli Albertsson
húsasmíðameistari, Engihjalla 17,
200 Kópavogi,
andaðist á hjúkrunarheimilinu Sunnuhlíð föstudag-
inn 14. ágúst. Útför hans fer fram frá Digraneskirkju
mánudaginn 24. ágúst kl. 13.00.
Vilborg Guðrún Víglundsdóttir
Arndís Gísladóttir Ingvi Þór Ástþórsson
Víglundur Gíslason Yuka Yamamoto
Albert Gíslason Ólöf Erna Ólafsdóttir
Birgir Gíslason Kristjana Schmidt
Guðrún Ósk Gísladóttir Jóhann S. Ólafsson
Þórhildur Gísladóttir Hallur Egilsson
barnabörn og barnabarnabörn.
Elsku bróðir okkar, mágur, unnusti og
frændi,
Magnús Hörður Jónsson
(Moe jack, Mike Jones)
lést á heimili sínu, Hátúni 10, laugardaginn 15. ágúst.
Jarðarförin fer fram frá Fossvogskirkju mánudaginn
24. ágúst kl. 15.00. Blóm og kransar vinsamlega afþakk-
aðir, þeim sem vilja minnast hans er bent á Samhjálp.
Guðrún Jónsdóttir Guðmundur Andrésson
Áslaug K. Jónsdóttir Gunnar Harðarson
Hjördís Jónsdóttir Albert S. Þorvaldsson
Kolbrún Gísladóttir
og systkinabörn.
Elsku eiginkona mín, móðir okkar, tengda-
móðir, amma og langamma,
Finney Rakel Árnadóttir
frá Suðureyri, til heimilis á Hrafnistu í
Hafnarfirði,
lést fimmtudaginn 13. ágúst. Jarðarförin fer fram frá
Víðistaðarkirkju mánudaginn 24. ágúst klukkan 13
Guðni Ólafsson,
Halldór Guðnason Svanhildur Guðmundsdóttir
Ingveldur Guðnadóttir Jón Kristinsson
Guðfinna Guðnadóttir Jóel Sverrirsson
Matthildur Guðnadóttir Hjörtur Jóhannesson
Friðbjörg Ingimarsdóttir
Innilegar þakkir til allra þeirra sem sýndu
okkur samúð og hlýhug við andlát ástkærs
eiginmanns, föður, tengdaföður, afa og
langafa,
Júlíusar Jónssonar
bónda, Norðurhjáleigu í Álftaveri.
Sérstakar þakkir færum við starfsfólki á
Klausturhólum, heilsugæslunnar í Vík og á
Kirkjubæjarklaustri fyrir góða umönnun.
Arndís Salvarsdóttir
Salvar Júlíusson
Jón Júlíusson Helga Gunnarsdóttir
Gísli Þórörn Júlíusson Rakel Þórisdóttir
Ragnheiður Guðrún Júlíusdóttir Kári Gunnarsson
Ólafur Elvar Júlíusson Ingibjörg Einarsdóttir
Jóhanna Sólveig Júlíusdóttir Birgir Arnar Steingrímsson
barnabörn og barnabarnabörn.
Ástkær móðir okkar, tengdamóðir, dóttir
og amma,
Bryndís Ragnarsdóttir
Jaðarsbraut 25, Akranesi,
andaðist á Landspítalanum við Hringbraut laugar-
daginn 15. ágúst. Útförin fer fram frá Akraneskirkju
þriðjudaginn 25. ágúst kl. 14.00.
Halldóra Sigríður Gylfadóttir Leó Ragnarsson
Hrefna Björk Gylfadóttir Stefán Bjarki Ólafsson
Elva Jóna Gylfadóttir Elmar Björgvin Einarsson
Ragna Borgþóra Gylfadóttir Arild Ulset
Erna Björg Gylfadóttir Þórður Guðnason
Bryndís Þóra Gylfadóttir Sigurður Axel Axelsson
Elísa Rakel Jakobsdóttir
og ömmubörn.MOSAIK
timamot@frettabladid.is