Fréttablaðið - 19.08.2009, Blaðsíða 6

6 19. ágúst 2009 MIÐVIKUDAGUR
Starfsmöguleikar:
Innkaupastjóri
Útlitsráðgjafi
Stílisti
Verslunarstjóri
1. Önn 2. Önn
Fatastíll
Fatasamsetning
Textill
UPPLÝSINGAR OG SKRÁNING Í SÍMA 533-5101
Erna, stílisti
Ég hef unnið við förðun á
Stöð 2 í 6 ár, þar á meðal
við förðun keppenda í Idol
og annarra sjónvarpsþátta
hjá 365. Einnig vinn ég við
auglýsingar, mynbönd og myndatökur. Það er
óhætt að segja að námið hefur hjálpað mér
mikið í starfi mínu í förðun og stíliseringu.
Skjöldur Mio,
tískuráðgjafi
Ég taldi mig vita flest
allt um tísku og útlit
áður en ég fór í skólann.
En annað kom á daginn.
Ég hef lært heilmikið um fatasamsetningu,
textil, litafræði, líkamsbyggingu og flest allt um
útlit. Námið nýtist mér frábærlega í því sem ég
er að gera.
Ú T L I S T - O G F Ö R Ð U N A R S K Ó L I
w w w . u t l i t . i s
VILTU VERÐA STÍLISTI?
The Academy of Colour and Style er skóli sem kennir útlitsráðgjöf. Námið byggir á
helstu atriðum útlitshönnunar og er meðal annars tekið fyrir litgreining, fatastíll og
textill. Eftir nám fá nemendur diplóma í útlitsráðgjöf (fashion consultant).
Starfsmöguleikar eftir nám eru margir og spennandi og geta nýst á ýmsum sviðum og
atvinnugreinum.
Hver önn tekur þrjá mánuði og fylgja öll kennslugögn með náminu.
Kennsla fer fram í Tækniskólanum einu sinni í viku frá 18-22.
Litgreining
Förðun út frá litgreiningu
Litasamsetning
RÚSSLAND, AP Rússneski herinn
handtók átta menn um borð í flutn-
ingaskipinu Arctic Sea. Mennirnir,
sem eru frá Eistlandi, Lettlandi og
Rússlandi, eru sakaðir um að hafa
rænt skipinu.
Fimmtán manna áhöfn skips-
ins var heil á húfi þegar rúss-
neska herskipið Ladní kom að því
við Grænhöfðaeyjar á mánudag. Í
gær hafði enn ekki fengist skýr-
ing á því hvers vegna skipinu var
rænt.
Sérfræðingar í siglinga- og
öryggismálum segja margt benda
til þess að vera þeirra á skipinu
geti tengst einhverju öðru en hefð-
bundnu sjóráni. Verið geti að um
borð hafi ekki aðeins verið timbur
frá Finnlandi heldur annar leyni-
legur farmur, hugsanlega jafnvel
kjarnorkuefni.
Rússnesk yfirvöld hafa verið
spör á upplýsingar, og það út af
fyrir sig hefur einnig vakið grun-
semdir um að þau viti meira en
þau vilji láta uppi.
Undarlegt þykir sömuleiðis
að enginn úr áhöfninni hafi sent
neyðarkall þegar skipinu var rænt
á Eystrasalti, þar sem farsímasam-
band er gott.
Rússneska flutningaskipið
hélt frá höfn í Finnlandi hinn 21.
ágúst. Vopnaðir menn eru sagðir
hafa farið um borð á Eystrasalti
hinn 24. ágúst og ekkert fréttist
af skipinu frá 28. ágúst, þegar það
var á siglingu á Ermarsundi, þar
til rússneski herinn náði því á sitt
vald á mánudaginn var. - gb
Átta menn handteknir og sakaðir um að hafa rænt Arctic Sea:
Engin skýring enn á hvarfinu
ARCTIC SEA Grunur er um að leynilegur
farmur hafi verið um borð, hugsanlega
kjarnorkuefni. NORDICPHOTOS/AFP
MENNTUN Fjárhagsstaða foreldra,
búseta og félagslegar aðstæður
virðast hafa síaukin áhrif á árang-
ur grunnskólabarna, segir í Nort-
hern Lights on PISA 2006, nýrri
skýrslu Norrænu ráðherranefnd-
arinnar.
Í skýrslunni er borinn saman
árangur nemenda á Norðurlönd-
unum og sérstaklega í náttúru-
fræði.
Finnar standa sig best, en Norð-
menn, Danir og Íslendingar eru
undir meðaltali OECD-ríkja. Talið
er að Finnar séu tveimur árum á
undan öðrum þjóðum að þessu
leyti.
„Gæti þetta verið af því að kenn-
arastarfið er enn vinsælt í Finn-
landi?“ er spurt í skýrslunni.
Einnig er bent á góða stöðu
Svía, sem með endurbótastarfi
sínu í menntamálum séu komnir
fimm til tíu árum lengra en aðrar
Norðurlandaþjóðir.
Bent er á það að í Finnlandi og
í Svíþjóð fara nemendur ekki í
formleg lokapróf, en þetta virðist
ekki hafa áhrif á PISA-árangur.
Hins vegar er framboð náttúru-
fræðakennara gott í Finnlandi og
Svíþjóð, ólíkt hinum löndunum.
Frammistaða nema á Norður-
löndum er þó sögð svipuð, miðað
við önnur lönd, sem megi ef til vill
rekja til tungumálsins, eða sögu-
og menningarlegs bakgrunns.
PISA er tilraun til samræmdrar
mælingar á námsárangri fimmtán
ára nema í OECD-löndunum. - kóþ
Aðstæður foreldra hafa vaxandi áhrif á árangur grunnskólabarna, segir í skýrslu:
Ójöfnuður í norræna menntakerfinu
Í SAMRÆMDUM PRÓFUM Minna er
um að nemendur þreyti formleg próf í
Finnlandi en á öðrum Norðurlöndum.
FRÉTTABLAÐIÐ/ANTON
KENÍA, AP Joseph Stephen Kimani
Nganga er látinn í Kenía, 89 ára
að aldri. Þetta telst í frásögur
færandi af þeim sökum einum,
að maðurinn mun hafa verið
elsti grunnskólanemi heims.
Nganga hóf grunnskólanám
fyrir fimm árum, eftir að
stjórnvöld í Kenía höfðu gefið
frjálsan aðgang fyrir alla
aldurshópa að skólunum.
Sjálfur sagðist Nganga hafa
það helst að markmiði með nám-
inu að verða fær um að lesa
Biblíuna. Því markmiði náði
hann, og var farinn að lesa í
henni á hverjum degi.
- gb
Nærri níræður Keníabúi:
Elsti nemandi
heims látinn
Ætlar þú að taka þátt í hátíðar-
höldum á Menningarnótt?
Já 35,2
Nei 64,8
SPURNING DAGSINS Í DAG
Ætti að tryggja öllu fólki
lágmarksframfærslu, 186.000
krónur á mánuði?
Segðu skoðun þína á Vísi.is
ORKUMÁL Orkuveita Reykjavíkur
(OR) ætti að grípa inn í einka-
væðingarferli HS Orku og nýta
forkaupsrétt sinn til að eignast
meirihluta í félaginu, segir Þor-
leifur Gunnarsson, fulltrúi Vinstri
grænna í stjórn OR. Hann óttast
að arður af jarðvarma á Suður-
nesjum renni að mestu úr landi
eftir einkavæðingu HS Orku.
Geysir Green Energy (GGE)
keypti um þriðjungshlut Reykja-
nesbæjar í HS Orku fyrr í sumar,
og rennur forkaupsréttur ann-
arra eigenda út í september, segir
Þorleifur.
OR á í dag 16,6 prósenta hlut í
HS Orku. OR hafði að auki samið
um kaup á 15,4 prósenta hlut Hafn-
arfjarðarbæjar í HS Orku þegar
Samkeppniseftirlitið úrskurðaði
að OR mætti ekki eiga stærri hlut
en tíu prósent í samkeppnisaðila.
Kanadíska orkufyrirtækið
Magma Energy hefur gert tilboð
í hlut OR og Hafnarfjarðarbæjar,
sem OR er skuldbundið til að kaupa
samkvæmt dómi héraðsdóms. Til-
boðið rennur út á fimmtudag, og
mun stjórn OR funda um málið um
hádegi á fimmtudag.
Borgarfulltrúar VG og Samfylk-
ingarinnar eru andsnúnir því að
HS Orka komist í eigu einkaaðila.
Báðir segja 65 ára leigutíma á
orkuauðlindinni, með möguleika
á framlengingu í önnur 65 ár sé
mjög varanlegt framsal á auðlind-
inni til einkaaðila. Þeir eru hins
vegar ekki sammála um hvort OR
geti gert eitthvað í málinu.
Sigrún Elsa Smáradóttir, borg-
arfulltrúi Samfylkingarinnar,
segir þá leið ekki færa. Hafa beri
í huga að OR hafi aðeins hlutfalls-
legan forkaupsrétt á móti öðrum
eignaraðilum, og ekki víst að OR
geti náð meirihluta í félaginu með
þeim hætti. Eigi OR 32 prósenta
hlut nái forkaupsrétturinn aðeins
til 32 prósenta af þeim hlut sem
seldur er hverju sinni.
Þá hafi OR vart fjárhags-
legt bolmagn til að kaupa hlut
Hafnarfjarðarbæjar, hvað þá
nýta forkaupsrétt vegna sölu á
hlut Reykjanesbæjar. Skaðinn sé
í raun skeður, og því hafi hún setið
hjá við afgreiðslu málsins í stjórn
OR.
„Ef ríkið vill tryggja að auðlind-
in haldist í almannaeigu gæti OR
nýtt forkaupsréttinn og selt rík-
inu,“ segir Sigrún. Ríkið virðist þó
varla hafa fjármagn til að setja í
slíkt um þessar mundir, enda væri
það fjárfesting upp á nokkra tugi
milljarða króna.
Ásgeir Margeirsson, forstjóri
GGE, segir það einfaldlega rangt
að auðlindin hafi verið framseld
til einkaaðila, skýrt sé að um
langtímaleigu sé að ræða. Slíkt sé
alþekkt víða um heim, enda aug-
ljóst að enginn fáist til að leggja fé
í virkjanir nema auðlindin sé leigð
til langs tíma.
brjann@frettabladid.is
Óttast að arður af
orku renni úr landi
OR ætti að grípa inn í einkavæðingarferli HS Orku, segir fulltrúi Vinstri grænna
í stjórn OR. Til þess þyrfti lagabreytingu þar sem OR má ekki eiga stóran hlut í
HS Orku. Óvíst að OR geti náð meirihluta, segir fulltrúi Samfylkingarinnar.
FR
ÉTTA
B
LA
Ð
IÐ
/VA
LLI
EINKAVÆÐING Geysir Green
Energy á nú meirihluta í HS
Orku. Magma Energy stefnir á
að eiga stóran hluta í fyrirtæk-
inu á móti Geysi Green.
KJÖRKASSINN