Fréttablaðið - 19.08.2009, Blaðsíða 22

19. ÁGÚST 2009 MIÐVIKUDAGUR6 ● fréttablaðið ● heilsa
Félag 100 kílómetra hlaupara á Íslandi
var stofnað fyrir tæpum fimm árum
og hefur vaxið og dafnað síðan. Ágúst
Kvaran var einn stofnenda og heldur
utan um starfsemi félagsins.
„Tilgangur Félags 100 kílómetra hlaupara
er að efla samstöðu meðal langhlaupara á
Íslandi sem fást við ofurmaraþon í flokki
lengri vegalengda, það er 100 kílómetra og
lengra,“ segir Ágúst Kvaran, stofnandi fé-
lagsins og langhlaupari. „Starfsemi félags-
ins miðar auk þess að
því að stuðla að vaxandi
þátttöku í slíkum hlaup-
um og hefur tekist ágæt-
lega til,“ bætir hann við.
Til að gerast meðlim-
ur í félaginu er nauð-
synlegt að hafa hlaupið
hundrað kílómetra við-
urkennt keppnishlaup
eða lengra. „Þetta er í raun inntökuskil-
yrðið og erum við nokkuð strangir á því.
Hlaupið þarf að vera löglega mælt. Í dag
eru 28 meðlimir í félaginu. Við vorum
fimm sem stofnuðum félagið og hugmynd-
in var sú að hvetja til þess að fleiri færu
í svona löng hlaup. Árangurinn hefur
verið vonum framar og í fyrra varð eigin-
lega þátttökusprenging en þá var toppin-
um náð. Þá héldum við í fyrsta skipti sjálf-
ir okkar eigið keppnismaraþonhlaup,“ út-
skýrir Ágúst en þetta hlaup var jafnframt
fyrsta hundrað kílómetra keppnishlaup-
ið sem haldið var á Íslandi. „Þá voru sex-
tán þátttakendur og fór það fram úr okkar
björtustu vonum. Af þeim voru fjórtán Ís-
lendingar og tveir útlendingar. Síðan héld-
um við svona hlaup aftur en þá var eins og
nýjabrumið væri farið af þessu og þá datt
þátttakan svolítið niður. Við erum því að
hugsa um að halda hlaupið annað hvert ár
og leggja þá áherslu á að fá líka útlendinga
í þetta en áhuginn á ofurmaraþoni er að
aukast bæði hér heima og erlendis,“ segir
hann og nefnir að áskorunin við hlaupið sé
heillandi. „Maraþon er næg áskorun fyrir
suma en aðrir finna að þeir hafa mögu-
leika á að fara lengra, hafa úthaldið, og þá
er ofurmaraþon lausnin.“
Æfingaáætlun fyrir ofurmaraþon er
að sögn Ágústs ekkert ósvipuð venjulegu
maraþoni. „Að vísu er aðeins meira hlaup-
ið en menn byrja gjarnan hálfu ári áður
að hlaupa kerfisbundið nokkrum sinnum í
viku og hlaupa smám saman meira þar til
mánuði fyrir keppnishlaup. Þá er hlaupið
minna, líkaminn hvíldur og áhersla lögð á
hentugt mataræði síðustu dagana,” segir
hann en skoðanir á mataræði eru stundum
skiptar. „Yfirleitt fara menn í kolvetna-
hleðslu síðustu dagana fyrir hlaup svipað
og fyrir fjallgöngu. En þeir sem leggja
áherslu á enn lengri hlaup haga mataræð-
inu aðeins öðruvísi,“ segir Ágúst og bætir
við að lítil áhersla sé á hraðamælingar.
Tvisvar á ári er fundað í félaginu og nýir
félagar teknir inn. „Við erum mjög formleg
í félaginu og það er heilmikil athöfn þegar
nýir félagar eru innvígðir, til að ganga úr
skugga um hvort það sé einlægur ásetning-
ur nýrra félaga að taka virkan þátt,“ segir
Ágúst glettinn og bætir við að áhersla sé
lögð á félagafrelsi þannig að ef ske kunni að
einhver vilji ekki vera í félaginu hafi hann
möguleika á að segja nei. „En það hafa allir
sagt já,“ bætir hann við og brosir. Fræð-
ast má nánar um félagið á vefsíðunni http://
www3.hi.is/~agust/hlaup/100km/100kmIsl.
htm. - hs
Félag fyrir þá sem vilja hlaupa lengra
Ágúst ásamt Justin Bjarnasyni við upphaf Saharaeyðimerkurmaraþons sem þeir hlupu í vor. MYND/ÚR EINKASAFNI
Ágúst Kvaran
Helstu nýjungar í Hreyfingu í
haust eru af ýmsum toga. „Við
bjóðum upp á nýtt námskeið sem
er hraðferð í Hard rokk karlar
en um er að ræða fjörutíu mín-
útna þrektíma fyrir karla í Strive
1, 2, 3 tækjum sem notuð eru af
bandaríska hernum. Í þessum
tímum er leikin fjölbreytt rokk-
tónlist sem hvetur menn til dáða
og vöðvar eru þjálfaðir á þrjá mis-
munandi vegu sem skilar topp-
árangri. Þarna næst meiri árang-
ur á mettíma,“ segir Ágústa
Johnson, framkvæmdastjóri
Hreyfingar.
„Við erum líka með nýtt fjög-
urra vikna hjólanámskeið fyrir
karla og konur tvisvar í
viku og kallast það Hjól-
þol-tækni. Námskeiðið er
hugsað fyrir hjólaáhuga-
fólk sem vill bæta þol sitt
til muna en í hverjum
tíma er unnið mark-
visst með notkun púls-
mæla,“ segir Ágústa
og bætir við að hver
tími sé fyrir
fram ákveð-
in hjólaferð.
Fyrir þær sem vilja losna við
þessi síðustu kíló sem aldrei virð-
ast ætla að hverfa er námskeiðið
Árangur tilvalið. „Þetta er fjöl-
breytt námskeið með miklu aðhaldi
og á þessu námskeiði eru málin
tekin föstum tökum,“ segir Ágústa
ákveðin. „Einnig eru spennandi
nýjungar í tímatöflunni okkar og
má þar nefna 3-2-1, Pýramídann,
X-form og fleira. Í þessum tímum
er megináhersla lögð á að ná fram
hinum eftirsóknarverða eft-
irbruna sem er þegar lík-
aminn er að brenna þrjá-
tíu til fjörutíu prósentum
fleiri hitaeiningum marg-
ar klukkustundir eftir að
æfingu lýkur. Með
þeim hætti kemst
fólk í flott form
mun hrað-
ar en ella,“
segir hún og
nefnir að tímar
sem þessir séu
að slá í gegn
í nágranna-
löndunum.
- hs
Skjótur árangur
● SKEMMTILEGAR SAMVERUSTUNDIR Hjá Mecca Spa
er að finna fjölbreytta tíma í heilsurækt og má þar nefna pílates,
lífsstílsnámskeið fyrir níutíu kíló plús og meðgöngu- og mömmujóga.
„Meðgöngujóga í vatni hefur verið gríðarlega vinsælt en mömmu-
jógað er að fara af stað nú um mánaðamótin,“ segir Margrét Lillian
Skúladóttir jógakennari hjá Mecca Spa, en flestir kannast við hana sem
Maggý í Mecca Spa. „Þetta er skemmtilegt sjö vikna
námskeið þar sem mömmurnar koma með börnin
með sér og þau fá sína athygli líka. Boðið er upp
á einn vatnstíma í námskeiðinu, við nuddum litlu
krílin og er þetta því góð samverustund. Síðan
er líka gott fyrir nýbakaðar mæður að hittast
og deila reynslu sinni með öðrum í svip-
uðum sporum. Þarna myndast gott
lítið samfélag þar sem konurnar eru
allar að ganga í gegnum það sama,“
segir Maggý einlæg. - hs
Frábært að hægt sé
að bæta ástand liðanna
með náttúrulegu efni
Hvað getur NutriLenk
gert fyrir þig?
Með árunum rýrnar brjóskvefurinn sem veldur því að
liðirnir slitna. Þetta er náttúrulegt ferli. Mjög margir
finna fyrir miklum óþægindum þegar beinin byrja að
núast saman, sérstaklega í stóru liðamótum eins og
í mjöðmum, hryggjar-og hnjáliðum. Þess vegna er allt
tilvinnandi að styrkja liðbrjóskið á náttúrulegan hátt.
Náttúrulegt byggingarefni
fyrir liðbrjóskið
NutriLenk inniheldur náttúrulegt byggingarefni fyrir
brjóskvefinn og er mjög góður valkostur fyrir þá sem
þjást af minnkuðu liðbrjóski. Unnið úr sérvöldum
fiskibeinum úr hafinu sem hefur sýnt fram á að vera
fyrsta flokks byggingarefni til að styðja við brjóskvefinn
og viðhalda honum.
Vara ársins!
NutriLenk hefur hjálpað fjölmörgu fólki.
NutriLenk var valið heilsuvara ársins 2004 í Noregi.
NutriLenk er 100% náttúruleg vara sem er mjög
gagnleg þeim sem þjást af brjóskvefsrýrnun.
Prófið sjálf-upplifðu breytinguna!
NutriLenk er fáanlegt í flestum apótekum,
heilsubúðum, Fræinu Fjarðarkaupum og
stærri Hagkaupsverslunum.
Liður með slitnum
brjóskvef
Heilbrigður liður
Ég þurfti að fara í skurðaðgerð 1991, þar
sem ég var með of löng liðbönd og var að
smella úr lið í tíma og ótíma. Þannig að
farið var að kvarnast upp úr liðbrjóskinu.
Eftir aðgerðina minnkuðu verkirnir en
hurfu ekki. Að ganga niður stiga og langar
stöður ollu sárum verkjum. Starf mitt krefst
þess að ég þarf að standa mikið og var
það ekki auðvelt.
Reyndi margt
Ég hef reynt margar leiðir til að minnka
verkina án þess að nota verkjalyf sem því
miður dugðu ekki. Með árunum jukust
verkirnir og útlitið var ekki bjart.
NutriLenk til sölu á Íslandi
Fyrir tæpu ári frétti ég af nýju bætiefni,
NutriLenk, sem er vinsælt efni í Noregi og
Svíþjóð, hjá fólki sem er með slitna og
auma liði. Satt að segja var ég ekkert
sérlega jákvæð á að NutriLenk gæti hjálpað
mér frekar en margt annað en sló til, enda
allt tilvinnandi. Byrjaðiá að taka inn 6 töflur
á dag í tvær vikur samkvæmt ráðleggingum
og eftir það 2 töflur á dag.
Eftir 2-3 vikur fann ég
greinilegan mun
Já, það ótrúlega gerðist, ég fann greini-
legan mun eftir 2-3 vikur á NutriLenk
Nú tæpu ári seinna er ég nánast verkja-
laus og einnig eru verkir vegna slits í
fingrum horfnir.
Ég tek nú inn 2 töflur af NutriLenk á dag
og ég get sannarlega sagt að NutriLenk
hefur gert kraftaverk fyrir mig.
Það að standa við afgreiðslu, ganga niður
brekkur og stiga er ekki stórmál lengur ...
Ég horfi bjartsýn til framtíðar, NutriLenk
er himnasending fyrir mig og frábært að
það skuli vera hægt að bæta liðheilsuna
með náttúrulegu efni segir Margrét að
lokum.
Mikilvægt er að annast sig vel allt lífið.
Mjög nauðsynlegt er að neyta góðs kalks með D-vítamíni
fyrir beinin. KOLOS er t.d. góður kostur, öflugt D-vítamín
með kalki. 1 glas af KOLOS inniheldur 180 töflur sem er
6 mánaða skammtur og á góðu verði.
Umboðsaðili: Gengur vel ehf.,
Fann mikinn
mun innan
3ja vikna
Margrét Óskarsdóttir
NÁTTÚRULEGT
FYRIR LIÐINA