Fréttablaðið - 19.08.2009, Blaðsíða 20

19. ÁGÚST 2009 MIÐVIKUDAGUR4 ● fréttablaðið ● heilsa
Miklar breytingar eru fram undan hjá Sporthúsinu í Dalsmára.
Unnið hefur verið að stækkun heilsuræktarinnar undanfarna
mánuði. Heildaraðstaða fyrir líkamsrækt stækkar um þúsund
fermetra um næstu mánaðamót.
Nýlega var tekinn í notkun sérhannaður salur
fyrir HotYoga. Salurinn er búinn sérstöku hita-
kerfi sem heldur hitastiginu í salnum í 37 til
fjörutíu gráðum. Þess má geta að Sporthúsið
býður öllum frítt í HotYoga þessa viku og þá
næstu. Þá verður ný aðstaða opnuð innan
fárra daga sem miðar að
CrossFit-þjálfun. Spinn-
ing-salurinn verður
einnig stækk-
aður og verður sérhannaður
með spinning í huga. Þar verða
sextíu hjól á pöllum þannig að kennari
er neðst og iðkendur á stighækkandi pöllum.
Verið er að taka baksvæði Sporthússins í gegn
en þar verður sérbúin aðstaða fyrir útiæfingar.
Er þetta samstarfsverkefni Kópavogsbæjar,
Tennishallarinnar, Tennisfélags Kópavogs og
Sporthússins. Margar aðrar nýjungar eru á prjón-
unum. Nýr fundarsalur verður opnaður með
haustinu og stefnt er að því að opna læknastofu
og aðstöðu til sjúkraþjálfunar.
Nánari upplýsingar um starfsemi Sporthússins
má nálgast á www.sporthusid.is
Stærra Sporthús og
HotYoga-salur
● HUGSAÐ UM HVERN OG EINN „Viðskiptavinir Nordica Spa
fá gott aðhald og vel er hugsað um hvern og einn þar sem allir okkar
meðlimir fá leiðsögn hjá þjálfara í tækjasalnum,“ segir Ragnheiður
Birgisdóttir, framkvæmdastjóri Nordica Spa. Þjálfararnir aðstoða við-
skiptavini við æfingar, stilla tæki og leiðbeina samkvæmt æfingaáætlun
hvers og eins. „Nordicaspa býður einnig upp á fjölbreytta hóptíma og
má þar nefna opna tíma í pílates. Brennslu- og þrektímar eru í boði á
hverjum degi eins og spinn-
ing, þrekhringur, Body
Pump og Body Attack,“ segir
Ragnheiður og bætir við að
að æfingu lokinni sé gott að
fara í heitu pottana í heilsu-
lindinni og fá slakandi herða-
nudd hjá nuddurunum. - hs
Líkamsrækt má stunda víðar
en í tækjasal eða undir hand-
leiðslu þjálfara. Þó svo að fólk
sé fjarri heimahögunum er
hægt að stunda nokkrar ein-
faldar æfingar þar sem allt sem
til þarf er maður sjálfur. Sölvi
Fannar Viðarsson sýndi okkur
nokkrar einfaldar en góðar
æfingar.
„Styrkleikaþjálfun í bland við lið-
leika og úthaldsþjálfun, eða fitu-
brennslu, er ómissandi þáttur í
líkamsrækt. Mjög persónubundið
er hvaða aðferðir henta hverjum
í viðnámsþjálfun eða lyftingum
sem og öðru. Bæði fer það eftir
því hversu reyndur viðkomandi er
og því hvaða æfingar henta honum
best yfirleitt. Venjulega er mælt
með því, í lyftingum, að lyft sé
fyrst með stærri vöðvum og síðan
með þeim smærri,“ segir Sölvi
Fannar Viðarsson, framkvæmda-
stjóri Heilsuráðgjafar ehf.
„Almennt er byrjendum ráð-
lagt að taka eina til tvær lotur, af
tólf til fimmtán endurtekningum
af hverri æfingu, hvíla í þrjátíu
til sextíu sekúndur á milli lotna og
taka svo aðra lotu á sama vöðva
áður en haldið er áfram yfir í
næstu æfingu. Þetta á við um allar
æfingarnar sem ég sýni hér nema
plankann,“ útskýrir Sölvi Fannar
en hann hefur hér sett saman
nokkrar góðar æfingar sem gera
má hvar sem er. „Æfingarnar er
hægt að gera á vinnustað, heima,
í sumarbústaðnum eða hvar sem
er. Allar hreyfingar sem gerðar
eru gegn viðnámi hafa bein áhrif
á líkamann og eru til þess falln-
ar að styrkja líkamann og auka
vöðvamassa.“ - hs
Hægt að æfa hvar sem er
UPPSTIG Gott er að reyna að lenda „létt“
þegar fóturinn fer niður aftur. Það reynir
mun meira á lær- og rassvöðva. Byrjend-
ur byrja á lágri upphækkun, tröppur geta
verið nóg sérstaklega ef æfingin er gerð
oft, en lengra komnir fara eins hátt og
þeim finnst þeir ráða við.
PLANKI/HLIÐARPLANKI Byrjendur
gera þessa æfingu á hnjánum en lengra
komnir á tábergi/fótum. Gott er að byrja
á því að halda í um 30 sekúndur í öllum
þremur líkamsstöðum. Betra er að byrja
á því að halda hverri stöðu í styttri tíma
meðan styrkur eykst í öxlum, handleggj-
um og líkamanum öllum en bæta svo
við eftir því sem þróttur eflist.
ARMBEYGJUR Gott getur verið að byrja á efsta hluta hreyfingarinnar og stoppa aðeins þar áður en farið er af stað niður. Annað
hvort er miðað við: a) Fara með olnboga í níutíu gráðu horn, eins og gert er til dæmis í Skólahreysti. b) Fara með bringu alveg
niður í gólf. Miklu máli skiptir að reynt sé að bremsa líkamsþyngdina af á leiðinni niður. Þegar vöðvi er að streitast á móti því að
lengjast nást fimmtíu til sextíu prósent af árangrinum. Byrjendur hefja þessa æfingu á hnjánum en lengra komnir á tánum.
FRAMSTIG Þessi æfing gefur flottan kúlurass en getur líka farið illa með hnén ef hún
er framkvæmd á rangan hátt. Skipst er á að stíga fram með hægri og vinstri fót. Best
er að miða við að um níutíu gráðu horn myndist á báðum hnjánum. Byrjendur ættu
að fara „grunnt“ til að byrja með. Nánari lýsingu má finna á www.heilsuradgjof.is.
DÝFUR Auðveldara er að gera æfinguna
eftir því sem fæturnir eru nær bekknum.
Gott er að láta rassinn síga niður þar til
axlir fara í nær sömu hæð og olnbog-
arnir (látið samt líkamann segja til um
hversu langt niður óhætt er að fara).
Réttið síðan úr handleggjum í efsta
hluta hreyfingarinnar á móti.
JANE FONDA „Jane Fonda“ er nær
ómissandi. Þá er átt við æfinguna þar
sem legið er á bakinu og mjöðmunum
lyft upp og niður. Gott er að reyna að fá
góða tilfinningu fyrir rassvöðvunum,
sem ætti að vera auðvelt eftir að hafa
tekið fram- og uppstig. Þessi æfing er
punkturinn yfir i-ið í rassæfingum.
HotYoga
er vinsælt
þessa
dagana.
Betra lo
betri
Airfree lofth
Byggir á ný
• Frjókornum
• Vírusum o
• Gæludýrafl
• Er hljóðlaus
• Tilvalið á hei
Hæð aðeins 27 cm
www.eirberg.is • 569 3100 • Stórhöfða 25
Stuðningshlífar
fjölbreytt úrval