Samvinnan - 01.10.1964, Page 8

MÁNAÐARRITIÐ FAXI
í Keflavík er gefið út mán-
aðarrit, sem nefnist FAXI. Er
útgáfa þess með þeim myndar-
þrag, að vel mætti vera til for-
dæmis fyrir aðra. Útgefandi er
Málfundafélagið Faxi, en rit-
stjóri Hallgrímur Th. Björns-
son. Það er prentað á úrvals
pappír og allur frágangur eftir
því. Efni þess er að langmestu
leyti bundið Keflavík og Suð-
urnesjum. Flytur það fréttir og
minnisverð tíðindi úr byggð-
arlaginu, minnist látinna
manna og kvenna og birtir af-
mælisgreinar. Þá er þar einnig
að finna ljóð og stöku sinnum
smásögur. Myndir eru fjöl-
margar, bæði af mönnum og
merkisviðburðum.
FAXI hefur komið út í 24 ár
og er hið merkasta heimildar-
rit um sögu kaupstaðarins og
þess fólks er þar hefur lifað og
starfað, sem og víða annars
staðar á Suðurnesjum. Liggur
að baki útgáfunni mikið og
merkilegt starf, unnið af fóm-
fýsi og félagshyggju.
m
Jón Jósep Jóhannesson og
Snorri Sigurðsson:
ÆSKAN OG SKÓGURINN.
LEIÐBEININGAR 1 SKÓG-
RÆKT FYRIR UNGLINGA.
Bókaútgáfa Menningarsjóðs,
Reykjavík 1964.
Bók þessi er óvenju vel gerð.
í örstuttu máli er komið fyrir
miklum fróðleik, þó á þann
hátt, að hann er lifandi og
augljós. Til þess hjálpa einnig
ágætar myndir. Yfir frásögn-
inni er hlýr og ljúfur andi, sem
hæfir vel ungum gróðri, hvort
heldur sem er nýgræðingi í
trjárækt eða ungum piltum og
stúlkum. Hún veitir hagnýta
þekkingu á eðli og lífi trjánna
og greinagóðar leiðbeiningar í
vinnubrögðum, auk þess sem
hún hlýtur að vekja virðingu
heilbrigðra unglinga fyrir líf-
inu.
Nokkur vandi er á höndum
hvernig þessi góða bók megi
koma að sem mestum notum.
Hér skal varpað fram þeirri
hugmynd, að þegar líður á út-
mánuði og vorið nálgast, sé
hún tekin til meðferðar í efstu
bekkjum barnaskólanna og í
unglingaskólum. Skólarnir
þurfa að eiga af henni allmörg
eintök. Síðan verði myndaðir
um hana leshringar. Einn nem-
andi les upphátt, en allir hin-
ir fylgist með í bókinni. Kenn-
arinn veitir leiðbeiningar og
t'lar við nemendur um efnið.
Þannig er hægt að fara yfir
alla bckina í örfáum tímum og
efni hennar verður ferskt fyrir
nemendum, þegar hægt er að
hefjast handa um skógrækt.
Einnig þarf hún að vera til á
sem allra flestum heimilum.
Æskan og skógurinn er vönd-
uð bók að frágangi, pappír og
prentun í bezta lagi. Hún er
aðeins 40 síður. P.H.J.
m
Helgi Hálfdánarson:
MAÐDAMAN MEÐ KÝR-
HAUSINN.
REYND NÝ LEIÐ I LEITINNI
AÐ VÖLUSPÁ.
Prentsmiðjan Leiftur h.f.
Það er kunnara en frá þurfi
að segja, að þrír menn hafa á
tuttugustu öld lagt drýgstan
skerf til ljóðaþýðinga úr er-
lendum tungum á íslenzku, þeir
Matthías Jochumsson, Magnús
Ásgeirsson og Helgi Hálfdánar-
son. Hitt vita of fáir, að Helgi
fæst einnig við þýðingar
fomra kvæða íslenzkra. Árið
1954 var gefin út bók hans
„Slettireka, leikmannsþankar
um nokkrar gamlar vísur“, og
Framhald á bls. 27.
GLER
TRYGGINGAR
Fyrir:
íbúðarhús
verzlanir
skrifstofur
iðnaðarhús
Ört vaxandi notkun á tvöföldu gleri, bæði í nýj-
um og gömlum húsum hefur skapað aukna þörf á
að tryggja þessi verðmæti. Hingað til íiafa fáir sinnt
þessu, en nú hafa allir möguleika á að tryggja gler
fyrir lágt iðgjald.
Hafið samband við skrifstofu vora eða næsta umboð.
Brunadeild — Sími 20500
SAMVINNUTRYGGINGAR
8 SAMVINNAN