Fréttablaðið - 14.09.2009, Blaðsíða 2

2 14. september 2009 MÁNUDAGUR
Auður Capital veitir fjárfestingaþjónustu
með áherslu á gagnsæi og áhættumeðvitund.
Við getum séð um
séreignarsparnaðinn þinn
Velkomin á opna kynningu til okkar
mánudaginn 14. sept. kl. 17:15,
Borgartúni 29, 3. hæð.
Auður fyrir þig
Eignastýring - Fjárfestingar - Fyrirtækjaráðgjöf - Séreignarsparnaður
audur.is - 585 6500
Guðrún, þýðir þetta eitthvað?
„Þetta er ákaflega þýðingarmikið.“
Þýðendur nýjustu bókar Dans Brown, The
Lost Symbol, verða þrír til að hún komist
sem fyrst í verslanir hérlendis. Guðrún
Vilmundardóttir er útgáfustjóri hjá Bjarti,
sem gefur bókina út.
UPPBOÐ Samtals 199 fasteignir hafa
verið seldar í nauðungarsölu hjá
sýslumannsembættinu á Selfossi
það sem af er þessu ári, að sögn
Ólafs Helga Kjartanssonar sýslu-
manns. Þá eru 355 eignir nú í slíku
söluferli. Til samanburðar má geta
þess að allt árið í fyrra voru nauð-
ungarsölur á fasteignum 129.
„Inni í tölunum fyrir þetta ár er
íbúðarhúsnæði, atvinnuhúsnæði,
sumarbústaðir og lóðir,“ segir
Ólafur Helgi. Hann bætir við að
sumarbústaðalóðirnar vegi nokk-
uð mikið í heildarfjöldanum. Á
dögunum hafi verið seldar 66 lóðir
á einum degi.
„En það er ljóst að yfir hundrað
fasteignir sem eru sumarbústað-
ir eða híbýli fólks hafa verið seld
á árinu.“
Til viðbótar málunum 355 eru
42 nauðungarsölur á bifreiðum og
og sex mál í öðru lausafé. Mál sem
ekki er búið að ljúka afgreiðslu á
eru 403 talsins. Beiðnir um nauð-
ungarsölu það sem af er árinu eru
orðnar 973 í umdæminu.
Um mánaðamót október-nóvem-
ber falla úr gildi lög frá því í vor,
sem heimila frestun á nauðungar-
sölu fasteigna. Spurður um áhrif
þessara laga segir Ólafur Helgi þau
ekki ýkja mikil í sínu umdæmi, þar
sem ekki séu nema 35 mál í frest-
un. Að óbreyttu fari þau mál aftur
af stað í nóvember þaðan sem þau
eru nú stödd í ferlinu.
„Það kynni kannski að koma
á óvart að ekki skuli liggja fyrir
fleiri beiðnir um frestun,“ segir
Ólafur Helgi. „En í sumum
tilvikum kveðst fólk einfaldlega
vera búið að gefast upp og hyggist
flytja úr landi. Eins og staðan er
núna stefnir greinilega í að fleiri
málum í skuldauppgjöri en nokkru
sinni fyrr ljúki með nauðungar-
sölum, þar sem eignir eru endan-
lega seldar. Það er ljóst að miðað
við fyrri ár er ástandið mjög
alvarlegt.“
Sigríður Eysteinsdóttir hjá
sýslumannsembættinu í Reykja-
vík segir að 139 nauðungarsölur
á fasteignum hafi farið fram það
sem af er árinu. Á sama tímabili
í fyrra voru þær 78 og 161 talsins
á öllu árinu.
Skráðar nauðungarbeiðnir nú
eru 1.377. Þá hafa 275 beiðnir um
frestun nauðungarsölu verið sam-
þykktar hjá embættinu.
jss@frettabladid.is
Nauðungarsala á 555
fasteignum í Árborg
Um 200 fasteignir hafa verið seldar í nauðungarsölu í Árborg það sem af er árinu.
Þá eru 355 eignir til viðbótar í slíku söluferli. Sýslumaðurinn á Selfossi segir
ástandið alvarlegt og að sumir séu einfaldlega búnir að gefast upp á ástandinu.
ÁRBORG Umtalsverð aukning hefur orðið á nauðungarsölum í Árborg á þessu ári
miðað við síðasta ár. FRÉTTABLAÐIÐ/GVA
ÓLAFUR HELGI „Í sumum tilvikum
kveðst fólk vera búið að gefast upp og
hyggist flytja úr landi.“
VIÐSKIPTI GE Capital, dótturfélag
General Electric, hefur tekið
yfir einkaþotu sem var í eigu
dótturfélags Baugs en fyrir-
tækið átti veð í vélinni. Vélin er
metin á um tvo og hálfan millj-
arð íslenskra króna. Þetta kom
fram í fréttum Stöðvar 2 í gær.
Vélin, sem hefur gengið undir
nafninu 101, er hin glæsilegasta
og af gerðinni Dassault Falcon.
Hún er tæplega tveggja ára
gömul og tekur átta farþega
en svefnpláss er í vélinni fyrir
fjóra til fimm. Hún kemst í 45
þúsund feta hæð en til saman-
burðar fara Boeing 757-vélar
Icelandair hæst í 42 þúsund
feta hæð. Í vélinni eru öll helstu
þægindi, svo sem gervihnatta-
sími, geislaspilari og DVD-
spilari.
Vélin var í eigu dótturfélags
Baugs, BG Aviation, og hefur
aðallega verið notuð af Jóni
Ásgeiri Jóhannessyni.
GE Capital með kröfu á Baug:
Einkaþota Baugs
var tekin yfir
ATVINNUMÁL Öllum starfsmönnum
hjá mötuneyti starfsmanna
Landspítala-Háskólasjúkra-
húss, tæplega þrjátíu talsins,
hefur verið sagt upp störfum.
Uppsagnirnar eru liður í
hagræðingaráformum.
Auglýst hefur verið eftir til-
boðum til að taka við rekstri
mötuneytisins og fimm fyrir-
tæki hafa gert tilboð. Af hálfu
Landspítalans er sett það skil-
yrði að ný rekstraraðili ráði til
sín að minnsta kosti þriðjung
núverandi starfsmanna mötu-
neytisins. Ákvörðun um hvaða
tilboði verður tekið á að liggja
fyrir 1. október og á nýi aðilinn
að taka við 1. desember. - gar
Landspítalinn hagræðir:
Þrjátíu sagt upp
í mötuneytinu
HONG KONG, AP Fimm verkamenn
létu lífið í Hong Kong um helg-
ina. Mennirnir voru að störf-
um í húsi sem verið er að byggja
þegar vinnupallur hrundi undan
þeim, með þeim afleiðingum að
þeir hröpuðu niður um tuttugu
hæðir. Einn maður til viðbótar
slasaðist.
Eigendur byggingarinnar hafa
fallist á að greiða fjölskyldum
mannanna skaðabætur vegna
málsins.
Byggingin á að verða sú hæsta
í Hong Kong þegar hún verður
tilbúin á næsta ári. Hún verður
jafnframt meðal hæstu bygginga
heimsins. - þeb
Fimm menn í Hong Kong:
Hröpuðu niður
tuttugu hæðir
REYKJAVÍKURBORG Gjaldfrjáls-
um bílastæðum fyrir starfsfólk
Reykjavíkurborgar verður fækk-
að á næstu misserum. Ráðhúsið og
skrifstofa borgarinnar í Borgartúni
eru dæmi um mannmarga vinnu-
staði borgarinnar sem líklegt er að
finni fyrir því.
Breytingarnar eru hluti af
„grænni samgöngustefnu“ sem
Reykjavíkurborg hefur tekið upp og
miðar að því að hvetja starfsmenn
borgarinnar til að fara um með
umhverfisvænni hætti. Ekki hefur
verið tekin ákvörðun um hversu
mörgum stæðum verður fækkað,
að sögn Gísla Marteins Baldurs-
sonar, formanns umhverfis- og
samgönguráðs Reykjavíkurborg-
ar. Stefnan verði útfærð á hverjum
vinnustað borgarinnar fyrir sig.
„Við munum hvetja okkar starfs-
menn til að koma til vinnu öðruvísi
en á bíl. Hluti af því er að fækka
ókeypis bílastæðum við vinnustað-
ina en reyna á móti að styrkja þá
sem vilja koma með öðrum hætti
til vinnu.“
Gísli telur að starfsmenn borg-
arinnar muni ekki líta á fækkun
gjaldfrjálsra bílastæða sem kjara-
skerðingu. „Það er ekki markmið-
ið að skerða kjör heldur einmitt að
bjóða möguleika sem koma betur út
fyrir starfsmanninn fjárhagslega.
Allir sem vinna í miðbænum búa
við gjaldtöku og það er almenn sátt
í samfélaginu að svo sé. Er endilega
eðlilegt að annað gildi um starfs-
menn borgarinnar?“ spyr Gísli.
- hhs
Starfsmenn Reykjavíkur hvattir til að taka upp grænni samgöngumáta:
Ókeypis bílastæðum fækkað
GÍSLI MARTEINN BALDURSSON
Reykjavíkurborg hefur tekið upp græna
samgöngustefnu sem felur meðal ann-
ars í sér að færri starfsmenn borgarinnar
fá ókeypis bílastæði.
FRÉTTABLAÐIÐ/VILHELM
EFNAHAGSMÁL Hagsmunasamtök
heimilanna boða til borgarafund-
ar á fimmtudaginn kemur, 17.
september, í Iðnó. Efni fundarins
verður skuldastaða heimilanna
og fyrirhugað greiðsluverkfall
sem samtökin hafa boðað 1. til 15.
október.
Í pallborði verða meðal ann-
ars Ólafur Arnarson og Björn
Þorri Viktorsson . Ráðherrunum
Steingrími J. Sigfússyni og Gylfa
Magnússyni hefur verið boðið en
þeir hafa að svo stöddu hvorki
staðfest né afboðað komu sína,
að því er segir í tilkynningu frá
Hagsmunasamtökunum.
Fundurinn hefst klukkan 20.00.
- kh
Hagsmunasamtök heimila:
Fundað um
skuldastöðu
BJÖRGUNARSVEITIR Alþjóðabjörg-
unarsveit Slysavarnafélagsins
Landsbjargar fékk um helgina
vottun sem fullgild alþjóðleg
rústabjörgunarsveit.
Tíu manns frá ISARAG, sam-
tökum alþjóðlegra rústabjörgun-
arsveita undir hatti Sameinuðu
þjóðanna, voru viðstaddir æfing-
ar sveitarinnar. Var það hlutverk
þeirra að meta getu sveitarinn-
ar og í framhaldi að veita henni
vottun sem fullgild alþjóðleg
björgunarsveit. - hhs
Íslensk alþjóðabjörgunarsveit:
Orðin sérhæfð
í rústabjörgun
ÆFING Meðlimir Íslensku alþjóða-
björgunarsveitarinnar við æfingar á
Gufuskálum. MYND/LANDSBJÖRG
STJÓRNMÁL Benjamin Netanyahu,
forsætisráðherra Ísraels, fund-
aði með Hosni Mubarak, forseta
Egyptalands, í Kaíró í gær. Ræddu
þeir um mögulega lausn á deilum
um landtöku Ísraela á hernumdu
svæðunum, bæði á Vesturbakkan-
um og austurhluta Jerúsalem.
AFP-fréttastofan greinir frá því
á fundinum hafi Mubarak hvatt
Ísraelsríki til að hætta umsvifa-
laust öllum framkvæmdum á land-
nemabyggðum sínum.
Fyrir fundinn sagði Netanya-
hu að mikil vinna væri enn fyrir
höndum áður en ríki hans geti á ný
hafið friðarviðræður við Palestínu-
menn. Hann segist þó vongóður um
að samkomulag náist á endanum,
og friðarviðræður geti hafist.
George Mitchell, erindreki
Bandaríkjastjórnar gagnvart Mið-
Austurlöndum, er staddur í Ísra-
el til að ræða við ráðamenn. Hann
fundaði með utanríkisráðherran-
um Avigdor Lieberman og Shimon
Peres, forseta Ísrael, í gær. Mitchell
sagði fundinn ekki hafa skilað sam-
komulagi í veigamiklum atriðum.
Unnið væri að því að ná slíku sam-
komulagi. Peres segir mikilvægt að
viðræður við Palestínumenn hefjist
á ný fyrir lok mánaðarins.
Mitchell mun funda með Netan-
yahu í dag. Vonast er til leiðtogar
Ísrael og Palestínu geti fundað
meðan á Allsherjarþingi Samein-
uðu þjóðanna í New York stendur
síðar í mánuðinum. - kg
Netanjahú fundaði með forseta Egyptalands í Kaíró í gær:
Fundað um landtöku Ísraela
VIÐRÆÐUR George Mitchell og Shimon
Peres á fundi þeirra í júlí. FRÉTTABLAÐIÐ/AP
SPURNING DAGSINS