Fréttablaðið - 14.09.2009, Blaðsíða 10

10 14. september 2009 MÁNUDAGUR
• Þægindin endast. Viðhalda raka augnanna og þægindin endast allan daginn. Minni hætta á þurrki í augum.
• UV geislavörn: Hjálpa til við að vernda augun fyrir UV-A og UV-B útfjólubláum geislum. UV vörn fyrir augun*
• Hentugleiki/Þægindi: Á hverjum degi er notað nýtt og ferskt linsupar, sem gerir linsunotkunina einfalda og þægilega.
*UV verndandi augnlinsur koma ekki í staðinn fyrir sólgleraugu þar sem þær hylja ekki allt augnsvæðið.
ACUVUE® og MOIST® er skrásett vörumerki Johnson & Johnson Vision Care, JJVC 2009.
1 • DAY ACUVUE® MOIST®
Viðhalda raka augnanna og veita
þægindi sem endast allan daginn.
AFGANISTAN, AP Tugir talíbana,
auk þriggja bandarískra og sjö
afganskra hermanna, eru látnir
eftir átök í vesturhluta Afganistan
á laugardag.
Átökin urðu í Farah-héraði,
á yfirráðasvæði talíbana. Her-
mennirnir létust eftir árás talí-
bana, sem höfðu komið tveimur
sprengjum fyrir við vegkant auk
þess sem þeir skutu á herliðið og
köstuðu handsprengjum.
Í framhaldinu urðu hörð átök
á milli hermanna og talíbana
sem vörðu í átta klukkustund-
ir, að sögn talskonu í bandaríska
hernum.
Flugvélar á vegum NATO vörp-
uðu sprengjum á talíbanana, en
ekki er enn vitað hversu margir
létust við það.
Alls er talið að um fimmtíu talí-
banar hafi látist í átökunum. Kona
og unglingsstúlka létust einnig í
átökunum eftir að eldflaug frá
talíbönum hæfði hús sem þær
voru í.
Yfirvöld í Afganistan greindu
einnig frá því á laugardag að
fimmtíu manns, meðal annars
óbreyttir borgarar, hefðu látið
lífið í nokkrum öðrum árásum
uppreisnarmanna.
- þeb
Talíbanar og bandarískir hermenn féllu í átökum í vesturhluta Afganistans á laugardaginn var:
Mannskæð átök urðu í Afganistan
AFGANISTAN Tíu hermenn létust í árásum talíbana í Farah-héraði. Árásinni var svarað
með loftárásum og um fimmtíu talíbanar létu lífið í þeim. FRÉTTABLAÐIÐ/AP
ÍSRAEL, AP Forseti Ísraels, Shimon
Peres, missti meðvitund á sviði í
Tel Aviv á laugardag. Hann var
fluttur á spítala til
athugunar en var
útskrifaður í gær.
Peres hélt ræðu
um leiðtogahæfi-
leika á ráðstefnu
og var að svara
spurningum þegar
hann missti með-
vitund. Hann
rankaði þó við
sér nokkrum sek-
úndum síðar. Talsmenn hans hafa
kennt miklu álagi og miklum hita
um yfirliðið.
Forsetinn hvíldist að mestu í
gær en hélt þó fund með George
Mitchell, sérstökum sáttasemjara
um málefni Ísraels og Palestínu.
- þeb
Forseti Ísraels féll í yfirlið:
Peres útskrifað-
ur af spítala
SHIMON PERES
STUND MILLI STRÍÐA Þessi selur
nýtti tækifærið og hvíldi höfuðið á
körfubolta á milli sýninga í dýragarði í
Ungverjalandi um helgina.
FRÉTTABLAÐIÐ/AP
ATVINNUMÁL „Þessa dagana erum við að ýta á
vinnumálayfirvöld í Manitoba til að fá fregn-
ir af því hvað verður af þeim umsóknum sem
við sendum út. Við viljum fá að sjá að verk-
efnið sé eitthvað að rúlla áfram. Það vantar
allt upplýsingaflæði,“ segir Gissur Péturs-
son, forstjóri Vinnumálastofnunar. Ísland
og Manitoba-fylki í Kanada gerðu í byrjun
mars með sér samkomulag sem miðaði að
því að skapa atvinnumöguleika fyrir Íslend-
inga í fylkinu til eins árs. Í kjölfarið hefur
Vinnumálastofnun sent um fjörutíu umsókn-
ir Íslendinga til Kanada, en samkvæmt Giss-
uri hefur lítið sem ekkert spurst af afdrifum
þeirra umsókna.
Samkomulagið frá því í mars miðaði að því
að atvinnuleyfisferlið yrði styttra og sveigj-
anlegra en vant er í þessum heimshluta. „Ég
hugsa að ferlin varðandi þessi tímabundnu
atvinnuleyfi, sem ætlunin var að gefa út,
hafi ekki gengið eins hratt fyrir sig og vonir
stóðu til,“ segir Gissur.
„Þetta er þungur ferill, og Manitoba-fylki
getur ekki sett reglur sem stangast á við
alríkisreglur í Kanada. Þarna hefur mynd-
ast ákveðin spenna á milli. Fylkið vill gera
ferilinn sveigjanlegri en
þeim er heimilt, lagalega
séð. Menn eru að rekast
á ýmsar skrifræðislegar
hindranir með þetta,“ segir
Gissur.
Samkvæmt Gissuri þarf
þó ekki að vera að engar
ráðningar hafi átt sér stað
í kjölfar sendra umsókna.
„Slíkar ráðningar eru
ekki beinlínis skráðar hjá
okkur. Því búum við ekki
yfir tölfræði varðandi þær. Við höfum ekki
heyrt af nema tveimur endanlegum ráðning-
um, en auðvitað er líka fólk að fara þangað út
upp á eigin spýtur, en ekki í gegnum okkur,“
segir Gissur Pétursson. - kg
Lítið spurst af um fjörutíu atvinnuumsóknum Íslendinga sem Vinnumálastofnun hefur sent til Kanada:
Ekkert upplýsingaflæði frá Manitoba
SAMKOMULAG Fjöldi manns sótti kynningarfund um
atvinnutækifæri í Kanada sem haldinn var í mars.
FRÉTTABLAÐIÐ/GVA
GISSUR PÉTURSSON