Fréttablaðið - 18.09.2009, Page 24

4 föstudagur 18. september
Þegar Hildur Björns-
dóttir, formaður Stúd-
entaráðs, var lítil ætlaði
hún að verða forsætis-
ráðherra, Ungfrú Ísland
og fimm barna móðir
þegar hún yrði stór.
Með aldrinum breyttust
plönin, öll nema eitt, en
Hildur gengur nú með
sitt fyrsta barn.
Viðtal: Hólmfríður H. Sigurðardóttir
Ljósmyndir: Anton Brink
É
g á að eiga 2. janúar.
Auðvitað veit maður
aldrei hvernig barn
maður fær en ef ég
verð heppin ætla ég
bara að halda áfram í skólanum
strax eftir áramótin,“ segir Hildur
Björnsdóttir, formaður Stúdenta-
ráðs, sem er gengin rúmlega fimm
mánuði á leið með fyrsta barn sitt
og unnustans, Jóhanns Más. Það
er metnaðarfull áætlun að vera í
meistaranámi samhliða því að sjá
um hvítvoðung. En það er Hildar
háttur að lifa tvöföldu lífi. Þegar
hefur hún lokið tveimur háskóla-
gráðum, í lögfræði og stjórnmála-
fræði, þótt hún sé ekki eldri en
23 ára. Undanfarna mánuði hefur
hún haft í nógu að snúast sem
formaður Stúdentaráðs en hún
leggur jafnframt stund á meist-
aranám í lögfræði. „Ég er hálf-
gerður brjálæðingur og þarf allt-
af að hafa nóg að gera. En reynd-
ar hafði ég hugsað mér að slaka á
einu sinni og vera bara í námi eftir
að starfi mínu sem formaður lyki.
En þá varð ég ólétt.“
FIMM BARNA MÓÐIR
Barnið í maganum var því óvænt-
ur útúrdúr í lífi Hildar, sem hefur
hingað til kappkostað að halda
þétt um stjórnartauma lífs síns.
„Ég hef planað líf mitt í þaula frá
því ég var lítil og hef alltaf vitað
hvert ég var að fara. En það var
ekki á dagskránni að eignast barn
strax. Mér leið meira að segja hálf-
partinn eins og þetta yrði hneyksl-
ismál því mér fannst ég svo ung.
En svo var það auðvitað ekki og
við erum mjög ánægð. Þegar ég
var lítil ætlaði ég að verða fimm
barna móðir, forsætisráðherra og
Ungfrú Ísland. Ef ég ætla að ná að
eignast þessi fimm börn þá er eins
gott að byrja strax.“ Hin plönin
hafa gufað upp með tímanum. „Ég
gagnrýni ekki stelpur sem ákveða
að fara í fegurðarsamkeppni, það
er bara ekki fyrir mig. Og pólitíkin
heillar ekki, að minnsta kosti ekki
eins og er. Hún snýst allt of mikið
um nornaveiðar og grimmd. Mér
finnst þetta ekki virka mjög gef-
andi og ég finn til með fjölskyld-
um þeirra stjórnmálamanna sem
eru í þessu stríði.“
VIRÐING FYRIR HÚSMÆÐR-
UM
Það er ekki skrýtið að Hildi langi
til að eignast mörg börn. Sjálf
kemur hún úr stórri og náinni fjöl-
skyldu. „Við erum sex systkinin,
þrír strákar og þrjár stelpur. Það
voru mikil forréttindi að alast upp
í svona stórum systkinahópi.“
Pabbi Hildar, Björn Ingi Sveins-
son, er framkvæmdastjóri Kleos
og mamma hennar, Katrín Gísla-
dóttir, er listfræðinemi og hús-
móðir, enda nóg að gera á svo
stóru heimili. „Ég ber mikla virð-
ingu fyrir húsmóðurstarfinu. Við
systkinin græddum mjög mikið á
því að fá að hafa mömmu heima
og hún hjálpaði okkur mikið. Við
vorum til dæmis öll snemma
búin að læra að reikna og lesa.“
Hún stefnir þó ekki sjálf á að vera
heima, að minnsta kosti ekki fyrst
um sinn. „Ég held það sé frábært
að vera heima með börnunum
sínum og upplifa þau upp á hvern
einasta dag. En mamma hefur allt-
af alið okkur systurnar upp í því
að það sé mikilvægt að við mennt-
um okkur svo við getum séð fyrir
börnunum okkar ef við missum
maka okkar eða lendum í skilnaði.
Svo ég ætla mér að vinna. Ég hef
stundum verið að grínast með að
ég þyrfti að eignast mann sem er
til í að vera húsfaðir. En það er víst
ekki á dagskránni hjá mínum.“
Hildi þykir margt á nútímakon-
una lagt. „Við eigum að mennta
okkur og vinna, af því nú getum
við það. En við eigum líka að vera
svakalega góðar húsmæður og
æðislegar mæður. Stundum hugsa
ég með mér að ég vildi að ég hefði
fæðst á nítjándu öld. Þá gæti ég
slakað aðeins á og verið ánægð
með að vera „bara“ húsmóðir.“
KJÁNALEGUR FYLKINGAR-
ÍGUR
Hildur situr í Stúdentaráði í
nafni Vöku, sem hefur löngum
verið tengt Sjálfstæðisflokkn-
um. Því liggur beint við að spyrja
hvort hugurinn hneigist til hægri.
„Tenging Vöku við Sjálfstæðis-
flokkinn er ævaforn og á alls ekki
við í dag. Ég hef þó aldrei bundið
mig við neinn stjórnmálaflokk og
ég segi ekki frá því hvað ég kýs.
Ég er mjög leyndardómsfull hvað
þetta varðar. En ég er í stúdenta-
pólitíkinni fyrst og fremst af því
ég hef áhuga á hagsmunabaráttu
stúdenta.“
Vaka var samt augljós kostur
í hennar huga þegar kom að því
að velja fyrir hvaða félag skyldi
vinna. „Ég skoðaði bæði félögin
vel og mér leist betur á Vöku en
Röskvu. Aðallega vegna þess að ég
er andvíg kynjakvótum og fléttu-
listum. Ég kæri mig ekki um for-
skot byggt á því að ég sé kona. Ég
vil vera metin eftir hæfni og verð-
leikum. En mér finnst fylkinga-
rígur í hagsmunabaráttu stúd-
enta kjánalegur. Við erum yfirleitt
að berjast fyrir sömu hlutunum og
ef við myndum bara taka höndum
saman værum við miklu sterk-
ari. Samstarfið við Röskvu hefur
samt verið ágætt, þótt auðvitað
séu alltaf einhver átök. Til dæmis
þrætur um það hver á heiðurinn
að umbótum, í stað þess að gleðj-
ast þegar góðir hlutir nást í gegn.
En ég reyni að taka ekki þátt í því.
LIFIR TVÖFÖLDU LÍFI
Erfingi á leiðinni Hildur gæti vel eignast fyrsta barn ársins 2010 en settur dagur er 2. janúar. Hún lætur þó ekki meðgönguna hægja á sér og stundar meistaranám í lögfræði
samhliða starfi sínu sem formaður Stúdentaráðs.
✽
ba
k v
ið
tjö
ldi
n
„Mér finnst fylkingarígur í hagsmunabaráttu stúdenta
kjánalegur. Við erum yfirleitt að berjast fyrir sömu hlutun-
um og ef við myndum bara taka höndum saman værum við
miklu sterkari.“
Draumadagur í hnotskurn:
Í fjarlægu landi með hagstæðu
gengi og fallegum verslunum
– símalaus, netlaus og
áhyggjulaus.
Skemmtilegast
að gera:
Baka kökur,
kaupa skó
og ferðast
með uppá-
haldsfólkinu
mínu.
Leiðinlegast að gera:
Horfa á fótbolta og vera
veik. Þyrfti ég að gera bæði
í einu yrði ég líklega öll!
Besti maturinn:
Ítalskur. Nema nammi sé matur?
Uppáhaldsdrykkurinn:
Klakavatn með sítrónu.
Besta bíómyndin:
Fellowship of the Ring, Pulp Fict-
ion og Forrest Gump. Allar best-
ar.
Fyrirmyndin í lífinu:
Foreldrar mínir.
Uppáhaldsstaðurinn:
Oddagata 15 á Akureyri, fyrrum
heimili ömmu og afa. Þaðan á ég
margar af mínum bestu æskuminn-
ingum.