Spegillinn - 01.06.1968, Blaðsíða 3

SPEGILLINN
3
SPEGILLINN
Ritstjóri: Ási í Bæ. Útlitsteiknari: Ragnar Lár.
Aðrir teiknarar: Haraldur Guðbergsson, Pétur
Bjarnason og Bjarni Þórarinsson.
Útgefandi: Bóka- og blaðaútgáfa Spegilsins.
Afgreiðsla: Baldursgötu 8, sími 20865, box 594
Verð í lausasölu kr. 40. Áskrift kr. 350 á ári.
Setning og prentun: Prentsmiðja Þjóðviljans
Prentun kápu: Ofsettmyndir s/f.
Myndamót: Prentmyndagerðin h/f.
i
!
!
!
LEIÐARI
Allur almenningur hefur með fögnuði og bjartsýni meðtekið efnahagsráðstafanir okkar vin-
mörgu stjórnar og sannast enn sem fyrr aðlögunarhæfni hins víðfræga konungakyns og við-
urkennist einnig sú staðreynd staðreynda að þeir sem stólana sitja hafa allt rétt gjört en
mislyndir vindar og óþægar fiskigöngur veitt okkur þrautatíð nokkra.
Þó er enn í landi hópur illþýðis sem ennþá vefengir óskeikulleika valdhafanna og hefur
uppi hvimleið vein og mótmæli hvenær sem færi gefast. Það skyldi nú ekki vera að dusil-
menni þessi séu afkomendur þræla þeirra sem væringjar forfeður okkar höfðu heim með sér
af Garðaríki. Leggjum við til að forsprakkar þessa hóps verði safnað saman og þeir settir
í girðingu inní Árbæ eins og hvert annað aflóga dót, svo og líka til aðvörunar æskunni og
skemmtunar ferðamönnum. Mætti það vera nokkur skemmtan að sjá Guðmund Jaka dunda
við að jafnhatta nafna sinn Hjartarson milli þess sem þeir köstuðu teningum um það hvað
bófaflokkurinn ætti að heita við næstu skírn.
Jú það er mikil náð sem þjóðinni hefur hlotnazt með því að losna við fyrroefnda berserki úr
áhrifastöðum Alþýðusambandsins og þá ekki minni gæfa að sjá Hannibal enn einusinni breiða
úr sínum víðfeðma manndómi og taka kosningu og sýnast engin takmörk fyrir því hvað sumir
megna að fórna fyrir alþýðuna. Það var líka sannkölluð hugfylling ánægjunnar að heyra verka-
lýðsleiðtogann og forsvarsmann L.Í.Ú. Guðmund H. Garðarsson lýsa því fyrir alþjóð hvílík ham-
ingja hefði nú fallið launþegum i skaut með því að fá enn einu sinni yfir sig þennan gjörvulega
forseta, enda hafði Balli lýst sig bæði vin Nato og Fríverzlunarbandalagsins. (Það væri verðugt
rannsóknarefni fyrir sálfræðinga okkar hvað gerist innra með þeim mönnum sem á snöggu
augabragði verða að dýrlingum sama dag og þeir sleppa undan díalektískum járngreipum
kommúnista). En meginmáli skiptir auðvitað að við stjórnvöl A.S.Í. standi kempur sem hafa
geðþekka afstöðu til margslunginna vandamála þjóðfélagsins.
En það sem okkur þykir þó stórfenglegast við læknisaðgerðir stjórnarinnar er aðferðin sjálf,
gengisfellingin. Það er engin vandi að finna nýjar leiðir og flana út í þær af hagfræðilegri
rökvísi; en að taka upp sömu gömlu aðferðina það er orginalt. Mönnum hættir nefnilega við
að þreytast á að fara alltaf sama gamla veginn og segja sem svo: hann er orðinn svo troðinn
að við getum bara ekki verið þekktir fyrir að aka hann enn einusinni; en það stórbrotna er
einmitt að hafa hugdirfð og þrek til að halda sínu striki hvað sem hver segir því einhvern-
tíma kemur að því að vitahringurinn lokast og endarnir ná saman.
Því tökum við undir með álborgaranum og segjum: Guði sé lof að enn ólgar ið goðkynjaða
konungablóð í brjóstum þjóðarinnar.