Fálkinn - 09.05.1931, Page 9

F Á L K I N N
Saga konungsdæmisins á Spáni er nú á enda kljáð og konungur flúinn úr landi. En með afnámi konungsdæmisins bregtast
mjög kjör hinnar frægu spönslcu aðalsmannastjettar, sem fram að þessu hefir verið voldug í Spáni. Má búast við því, að
það verði eitt af fyrstu verkum stjórnarinnar að afnema ýms forrjettindi þeirra. Hjér á myndinni sjest hópur af spönskum
Aðalsmönnum í skartbúningum sínum. Berast spanskir aðalsmenn afar mikið á í klæðnaði, eins og á myndinni má sjá og
svipar í mörgu til þess, sem var á miðöldum þegar Ijensmannavéldið var sem mest í Evrópu.
Nýlega eignuðust japönsku keisarahjónin dóttur og var þetta
að japönskum sið lilkynt almenningi með með því að blása í
þokulúðra í öllum borgum. Hjer á myndinni sjást börn, sem
hafa safnast saman fyrir utan turn, til þess að hlusta á lúðra-
blásturinn. Sjást lúðrarnir uppi á turnþakinu.
Sumt fólk hefir gaman af að láta taka eftir sjer og grípur
stundum til furðulegustu bragða til þess að vekja umtal. Sum-
ir láta gifta sig á flugi, eða í útvarpi, en aðrir taka upp á ein-
hverju álíka fáránlegu. Myndin hjer að ofan sýnir giftingu,
sem nýlega fór fram í Lido. Brúðhjónin og gestirnir söfnuð-
ust öll saman í sundlaug einni og stóðu í vatni upp fyrir mitti,
meðan presturinn gaf brúðhjónin saman.