Fálkinn - 01.10.1938, Blaðsíða 7
F Á L K I N N
7
Bandaríkjamenn hafa aldrei vígbúist
af jafn miklu kappi og þeir gera nú,
bæði á landi, í,lofti og á sjó. Eru það
ægilegar fjárhæðir sem ríkið veitir
iil vígbúnaðar um þessar mundir,
ekki síst til flughers og sjóhers. Og
ennfremur smíða þeir í stórum stíl
brynreiðar af alveg nýrri gerð og eru
þær útbúnar með loftskeytum og má
jafnvel stýra þeim með loftskeytum,
áin þess að nokkur maður sje í bryn-
reiðinni. Þær hafa ekki aðeins venju-
legar fallbyssur heldur einnig sjerstak-
ar byssur til þess að granda öðrum
brynreiðum og flugvjelum. Iijer á
myndinn til hægri sjást þessi mann-
dráps-ferlíki.
Bernhard drotningarmaður í Iíollandi
hefir i sumar verið í kynnisförum
víða erlendis, til þess að sýna sig og
sjá aðra. 1 vor sem leið fór hann með-
al annars til Rómaborgar og er mynd-
in að neðan tekin af honum í því
ferðalagi.
Ófriðurinn i Kína er enn í algleym-
ingi og er alls ekki sjeð hver úrslit
hans verða. Því hefir verið spáð, að
ef Kínverjar stæðu af sjer fyrstu
hríðirnar mundu þeir ekki ólík-
legir til þess að geta boðið Japön-
um byrginn. Nú hefir ófriðurinn
staðið meira en ár og að vísu eru
ýmsar helstu borgir Kína á valdi
Japana. — Hjer á myndinni að of-
an sjást japanskir hermenn á inn-
rás í Shantunghjerað.
Miklu meiri mannfjöldi ferðast
daglega um London neðanjarðar
en ofan, því að undir eins og um
leið er að ræða sem nokkru nemur,
kemst maður miklu fljótar með
neðanjarðarbrautunum en með bif-
reiðum og sporvögnum. Sjaldan
verða slys á neðanjarðarbrautun-
um þrátt fyrir mikla umferð en þó
ber það við. Þannig först fjöldi
manns við neðanjarðarárekstur í
vor. Myndin sýnir hvar venð er að
bera særða menn af slysstaðnum.