Fálkinn - 15.02.1961, Blaðsíða 29
fiAtré Aktifat
FRÁ SJÓNARHÓLI STJÖRNUSPEKINNAR
Hvenær giftist ég, veíkindi.
Vinsamlegast lesið út úr
þessu fyrir mig. Ég er fædd
19. febrúar 1924; á tólfta tím-
anum að kvöldi dags í Múla-
sýslu. Ég er ógift. Var komin
yfir tvítugt þegar ég fór úr
foreldrahúsum og hefi síðan
mest unnið á saumastofum. Ég
hef verið frekar heilsulítil, en
þó ekki svo að ég hef alltaf
unnið, þar til síðastliðið vor,
að ég veiktist og hef verið frá
vinnu síðan, en er nú á bata-
vegi. Ég lifi mjög reglusömu
lífi. Ég er lengi að kynnast
fólki og á því fáa kunningja.
Ég var hrifin af manni um
tíma, en ég vissi að það var
rangt af mér, en svo kynntist
ég öðrum manni fyrir rúmu
ári síðan og varð mjög hrifin
af honum, en hann virðist hafa
misst áhugann fyrir mér, þar
sem hann lætur ekkert til sín
heyra. Með fyrirfram þökk.
Móna.
Kæra Móna.
Það er ekki að undra, þótt
líf þitt hafi verið einmana
hingað til, þar eð fyrrihluti
lífs þíns ber með sér styrk-
leysi. Ástæðan til þess er sú,
að pláneturnar eru flestallar
eingöngu í síðari'hluta fæðing-
arkorts þíns, sem vill segja,
að síðari hluti ævinnar verð-
ur mikið sterkari og ánægju-
ríkari heldur en sá fyrri. Að
vissu leyti ber kortið einnig
með sér, að þú hefur orðið fyr-
ir miklum blekkingum í sam-
bandi við ástarmálin allt til
þessa. Á þrítugsasta og átt-
unda aldursári þínu myndast
fyrst aðstöður fyrir þig til að
giftast, því að þá renna Sólin
og Venus í samstöðu, það er
að segja, að Sólin, sem er tákn
mannsins í ævisjá konunnar,
þá sjöundu gráðu Hrútsmerk-
isins, en þar var Venus stadd-
ur í fæðingarkorti þínu. Þess
vegna eru allar líkur til, að
þú munir giftast á þessum
tíma. Undarlegt er þó, að Mán-
inn er í þvers afstöðu við
þessar tvær fyrrnefndu afstöð-
ur einmitt á þessum tíma. —
Máninn er að vissu leyti tákn
móður þinnar. Ef til vill er
einnig ein ástæða til einlífis
þíns sú, að þú hefur lagt mik-
ið á þig til að eignast sem
flest og kortið þitt sýnir einn-
ig að svo muni vera. Þú hefur
einnig eignazt ýmislegt án
þess að þurfa sérstaklega að
vinna fyrir því með erfiði
þínu. Þú hefur því eignazt ým-
islegt fyrir það sem kallað er
heppni eina saman. Ráðandi
pláneta þín er Venus og það
gerir þig lipra í umgengni og
þýða. Þetta veldur því einnig,
að þú hefur gaman af tónum
og litum. Satúrn í Sporðdreka-
merkinu veldur því, að þú
hefur lent í erfiðleikum í
ástarmálunum. Mér hefði þótt
hentugra þegar þú sendir bréf-
ið ef þú hefðir getað gefið mér
fæðingardag og ár mannanna
þannig, að ég hefði getað sagt
þér um möguleika fyrir sam-
búð við þá. Þær upplýsingar,
sem þú hefðir gefið mér um
þá hefðu ekki verið birtir í
blaðinu, ef þú hefðir óskað
þess. Mér virðist á flestu, að
þú sért fædd sem næst 11.20
að kvöldi. Tímaspursmálið er
mjög mikilvægt í ævisjánni.
Annað spursmálið sem kom
þarna fyrir var varðandi
heilsufarið. Ástæðan til heilsu.
leysisins núna síðastliðið ár er
tvenns konar. — í fyrsta lagi
slæm afstaða milli Sólar og
Mána og gagnafstaða milli
Venusar og Júpiters. Það vill
segja, að slíkum afstöðum
fylgja ávallt minnkandi lífs-
orka, sem kemur fram sem
heilsuleysi í einni eða annarri
mynd. Þessar afstöður leysast
upp smám saman, sú síðar-
nefnda er að leysast upp, en
áhrifa hinnar gætir enn í
nokkra mánuði. Þú nefnir að
þú hafir flutt að 'heiman upp
úr tvítugu. Þetta kemur fram
í kortinu þína þegar Sólin yf-
irgefur fjórða húsið, en það
er einmitt um það leyti. —
Fjórða húsið er tákn heimilis-
ins meðal annars.
★
★ Ef lesendur langar til aö vita, hvað stjörnurnar
segja um örlög peirra og vandamal, pá er auövelt aö
veröa viö peirri ósk: ASTRÓ spáir í stjörnurnar fyrir
lesendur FÁLKANS. í undanförnum premur blööum
hafa birzt bréf pýdd úr erlendum stjörnufrœöiritum. Nú
liggur pegar fyrir álitlegur bunki af bréfum frá lesend-
um FálkanSj og hér birtist hiö fyrsta.
er Rauðdalsskörð heita en hafa ýmist
verið kölluð Reiðskörð eða Rauðuskörð.
Við stórflæði fellur sjór allt upp undir
skörðin. Sjávarmegin framaní háum
kletti má sjá glufu eina ef farið er að
framanverðu við klettinn um fjöru.
í glufu þessari tíðkuðu Barðstrend-
ingar að heingja glæpamenn. Og vorið
lfc'48 var Sveinn skotti færður í Rauðs
dalsskörð.
Prestur skyldi telja um fyrir Sveini
einsog lög gerðu ráð fyrir. Til þess vald-
ist Ögmundur prestur, er sat að Læk,
Torfason frá Leirá, Ögmundssonar. —
Mælt er að Sveini hafi sæmilega kippt
í föðurkyn á aftökustaðnum og borið
sig með hörku og óbilgirni einsog venja
hans var um ævina. Og er prestur hóf
fortölur sínar, bað Sveinn um að fá að
kyssa hann áðuren hann yrði festur í
gálgann.
Sami er kærleikurinn þó við kyssumst
ekki, svaraði prestur.
Þess var getið til að Sveinn hafi ætl-
að að bíta prest á barkann. Slíkt var
viðhorf manna til þessa alræmda stiga-
manns.
Þeir sem bera ábyrgð á sögunni um
galdratilsögn Jóns Sýjusonar við Svein,
hafa talið sér skylt að standa við hana;
enda var sagt að snaran slitnaði hvað
eftir annað þegar Sveinn var festur upp.
Hrafnar margir sátu þar í klettunum
umhverfis og görguðu mikinn. — Þetta
eru vinir mínir, sagði Sveinn; þartil
mönnum heyrðist þeir krúnka: tág, tág!
Þá mælti Sveinn: Nú ætla þeir að svíkja
mig. Var þá náð í viðartágar, — og í
þeim heingdist Sveinn að lokum.
Nokkur tími leið áðuren Sveinn var
tekinn úr gálganum. Er þess þá getið
að Barbara Björnsdóttir hafi komið að
og skorið bróður sinn ofan. Sumir segja
þó að líkami Sveins hafi hángið unz
hann úldnaði og dytti að lokum niður;
hafi búkurinn verið dysjaður, en sjór
hafi tekið höfuð hans. — Glufan í
Rauðsdalsskörðum var eftir þetta köll-
uð Skottagjá, enda mun Skotti frægast-
ur þeirra, er í henni létu líf sitt.
Reimt var í Skörðunum, að því er
sögur herma. Ollu því mest þjófar tveir;
annar þeirra hét Hellu-Bjarni og hafði
skömmu áður verið heingdur í glufunni,
FÁLKINN 29