Fálkinn - 20.06.1962, Síða 31

honum úr jafnvægi — hann stóð á fæt-
ur og gekk inn í eldhúsið.
— Frú Edwards, byrjaði hann. Síðan
ræskti hann sig og sagði: — Mary, viltu
giftast mér?
Frú Edwards sneri sér frá vaskinum,
þar sem hún stóð og var að þvo upp.
Blóðið hljóp í kinnar henni, og hún
virtist yngjast upp — það fannst Task-
ett að minnsta kosti.
— Já það vil ég, sagði hún og brosti,
eins og þetta væri ósköp venjuleg spurn-
ing. Og úr því þú ert nú kominn, máttu
þurrka af glösunum fyrir mig. Taktu
þurrkuna þarna og þurrkaðu af glös-
unum, þangað til þau ljóma öll.
— Já, elskan mín, sagði Taskett
hamingjusamur og teygði sig eftir
þurrkunni.
Þriðiiidagsgcsturiim
Frh. af bls. 11
— Það liggur við að mér finnist þetta
vera karlfíf-1, anzaði ég.
— Hárrétt, já. skoðanir yðar á ^nann-
gildi annarra eru ævinlega mjög skarp-
vitrar og hnitmiðaðar.
Ég leit til hans efablandinn, en hon-
um sýndist hafa verið rammasta alvara.
En svo brá fyrir glampa í augum hans
og hann bætti við:
— Það er að segja, þegar ekki er um
unga konu að ræða!
Ég gaut til hans kuldalegu horn-
auga.
ÞEGAR við komum til búgarðsins,
lauk roskin stofumey upp fyrir okkur.
Afhenti Poirot henni nafnspjald sitt,
ásamt bréfi frá tryggingafélaginu til
frú Maltravers. Konan vísaði okkur
inn í litla dagstofu og fór því næst til
að segja frúnni frá komu okkar. Það
liðu svo sem tíu mínútur, þar til hurð-
in opnaðist og íturvaxin kona í sorgar-
klæðum birtist í dyragættinni.
— Herra Poirot? mælti hún skjálf-
andi röddu.
— Frú, ég á ekki orð til að lýsa því,
hversu leitt mér þykir, að verða að
gera yður ónæði! En hvernig á ég að
fara að? Kaupsýsla og viðskiptamál
þekkja ekki náð eða miskunnsemi!
Frú Maltravers leyfði honum að
leiða sig til sætis. Hún var rauðeygð
af gráti, en þó fékk engum dulizt, að
hún var óvenju fögur kona. Hún leit
út fyrir að vera tuttugu og sjö eða
átta ára gömul, var mjög ljós yfirlit-
um með stór og blá augu og fagran
munnsvip, ofurlítið þunglyndislegan.
— Þetta er eitthvað út af lífsábyrgð
mannsins míns, er ekki svo? spurði hún.
En þarf endilega að ónáða mig með
þesskonar núna undir eins?
— Þér verðið að herða upp hugann,
kæra frú, svaraði Poirot föðurlega.
Sjáið þér til, maðurinn yðar sálugi
hafði tryggt líf sitt fyrir mjög hárri
fjárhæð, og þegar svo stendur á, verða
tryggingafélögin ævinlega að afla sér
nokkurra upplýsinga. Mér hefir verið
gefið umboð til að sjá um þá hlið máls-
ins nú, fyrir þeirra hönd. Þér getið ver-
ið vissar um, að ég skal gera allt sem
í mannlegu valdi stendur til þess, að
yður verði þetta ekki þungbærara en
ítrasta nauðsyn ber til. Viljið þér nú
gera svo vel að segja mér í stuttu máli
frá því, sem gerðist á miðvikudaginn
var?
— Ég var að skipta um föt fyrir síð-
degiste, þegar stofustúlkan mín kom
og sagði að einn af garðyrkjumönnun-
um hefði komið hlaupandi .... hann
hafði fundið.....Rödd hennar brast.
Poirot þrýsti hönd hennar með hlut-
tekningu.
—■ Já, ég skil. Þér þurfið ekki að
segja meira! Voruð þér nýlega búnar
að tala við manninn yðar?
— Ekki síðan við morgunverð. Ég
fór niður í þorpið til að kaupa frímerki
og þá held ég að hann hafi verið kom-
inn út í garðinn.
Kæri Astró.
Mig hefur lengi langað til
að skrifa þér til að vita hvaða
framtíð ég á fyrir höndum.
Ég er fædd kl. 1.7 að
morgni á Akureyri. Ég hef
lítið gengið menntaveginn og
hef unnið fyrir mér síðan ég
var unglingur. Ég er ógift og
ótrúlofuð. Hvað sérð þú um
ástamálin? Hvenær giftist ég
og hvernig fer hjónabandið?
Mig langar mikið til að vita
þetta ásamt öðru um framtíð
mína og bíð með óþreyju
eftir svari.
Með fyrirfram þakklæti.
Ein taugaóstyrk.
Svar til Einnar tauga-
óstyrkrar.
Þegar þú fæddist var Sól
8° í merki Vatnsberans, sem
bendir til, að þú sért félags-
lynd og leitir sérstaklega eft-
ir félagsskap annarra. Þú hef-
ur einnig ánægju af vísinda-
legum hugleiðingum og mun
það aukast eftir því sem á
ævina líður. Einu vildi ég vara
þig ,við í sambandi við Sól-
merki þitt og það er að þú
ættir að varast að hafa um of
áhrif á aðra, því öðrum hætt-
ir til að taka mikið tillit til
orða þinna, og Vatnsbera-
merkisfólks yfirleitt. Ef þú
einbeitir þér að þátttöku í fé-
lagsstarfsemi væri þér vís
frami, því að þú býrð yfir
mjög aðlaðandi persónuleika.
í korti þínu er sérstaklega á-
berandi staða flestra plánet-
anna í fyrsta og öðru húsi
stjörnukorts þíns. Þetta bend-
ir til að þú leitist ávallt við
að ráða öðrum og stjórna og
ég er á því að mannaforráð
færu þér vel úr hendi. Þú
þyrftir að afla þér einhverrar
menntunar, sem gefur þér
tækifæri til að stjórna og
rækta leiðtogahæfileika þína.
Á þann hátt álít ég, að þú get-
ir búið við bezt efni.
En svo við snúum okkur
nú að þeirri spurningu, sem
þér lá þyngst á hjarta, þetta
með giftingu og hjónaband,
þá er það sannast sagna að
horfur í þeim málum eru ekki
góðar Ég álít að það, sem þú
þarft að átta þig á til að geta
verið góð eiginkona er að þú
ert ekki ein í heiminum og
það eru fleiri Sólir, sem vilja
láta pláneturnar snúast um-
hverfis sig. Þess vegna þarftu
að rækta tillitssemi hjá þér
og samúð. Það þarf ávallt tvo
til að rífast og þó að sam-
band þitt og barnsföður þíns
hafi leystst upp, þá var það
alls ekki honum allt að kenna,
heldur voru þættir í sjálfri
þér, sem spornuðu gegn þessu
sambandi og þá sögu kanntu
bezt sjálf. Ef ég ætti hins
vegar að benda þér á hvar
heppilegast væri makaval fyr-
ir þig meðal stjörnumerkja
dýrahringsins, þá er t. d. Tví-
buramerkið ágætt, en það eru
þeir, sem fæddir eru á tíma-
bilinu 21. maí til 21. júní, svo
og þeir, sem fæddir eru undir
merki Ljónsins eða þeir, sem
fæddir eru á tímabilinu 21.
júlí til 21. ágúst. Bæði þessi
merki mundu lynda vel við
þig, svo fremi að aðrir þættir
stjörnusjárinnar séu hagstæð-
ir. Bogamannsmerkið er einn-
ig nokkuð gott fyrir þig og
það eru þeir, sem fæddir eru
á tímabilinu frá 21. nóv. til
21. des. Þannig hefurðu tals-
vert mannval og þú þarft sér-
staklega að giftast fíngerðum
manni en varast grófgerðar
persónur, því hætt er við að
menn með óræktaða sómatil-
finningu muni aldrei reynast
þér vel.
Þér mun bjóðast nokkuð
gott tækifæri til hjónabands
árið 1966, með eldri manni,
sem virðist hafa þó nokkur
fjárráð. Ég hygg að þú gerðir
rétt í því að giftast honum,
því þér er full þörf á skiln-
ingsgóðum manni.
☆ ★ ☆
FÁLKINN