Fálkinn - 23.05.1966, Blaðsíða 25

Hann er ekki síður flatvax-
inn og rennilegur en tveggja
sæta sportbíllinn var, en í þess-
um nýja Jagúar E rúmast
fjögurra manna fjölskylda og
venjulegur farangur sem henni
fylgir.
Eiginlega liggur það í hlut-
arins eðli, að tveggja sæta
sportbíll er ekki rökrétt fyrir-
brigði. í fyrsta lagi verður mað-
urinn sem honum ekur aldrei
lengi einsamall, og í öðru lagi
hljóta tvö í svona sportbíl að
vera svo lífsglöð, að þau verði
ekki lengi ein. Og barnunginn
verður þá að láta sér nægja
barnavagninn...
Enn hvílir mikil leynd yfir
þessum nýja Jagúar, og blaða-
manninum sem tók sér ferð á
hendur til Coventry ætlaði að
ganga illa að fá nokkra vitn-
eskju um gripinn. Hann kom
í bílaverksmiðjuna í Coventry,
þar sem smíðaðir eru renni-
legir Jagúarar og gamalenskir
Daimlerar, og þar var honum
boðið að skoða allt mögulegt
— nema nýju gerðina af Jagú-
arsportbílnum. En blaðamaður-
inn var þrár. Honum voru
sýndir bílar í smíðum, og hon-
um var sýndur einn gamaldags
á fjórum hjólum, hár, svartur
og kassalaga. Það var reyndar
nýjasta gerðin af Daimler og
kostar yfir 300.000,00 kr. (sjálf-
sagt gott betur ef hann væri
fluttur^til íslands). En hann
hefur sínu hlutverki að gegna,
með því að hann er lífsgæða-
tákn ríka mannsins, sem er
ekki alveg nógu ríkur til að
eiga Rolls-Royce.
Blaðamaðurinn sýndi enga
hrifningu. Forsvarsmenn verk-
smiðjanna sýndu honum loft-
fjaðraða strætisvagna, en blaða-
maðurinn sagði, að loftfjaðrað-
ir strætisvagnar væru svo mikl-
ir skröltarar að þeir hristu
sundur allar götur og sprungur
kæmu í húsveggi í nágrenninu.
Þeir sáu þá að það dugði
ekkert minna en sá nýi fjög-
urra sæta til þess að hafa áhrif
á hann. Þeir settust á tveggja
tíma ráðstefnu, en að henni
lokinni opnuðu þeir dyr að
stórum sal, buðu blaðamann-
inum að ganga í bæinn, og þar
stóð Jagúar E sportbíll, rauður
að lit. Verksmiðjumennirnir
voru ákaflega hátíðlegir og
töluðu í hálfum hljóðum. En
blaðamanninum fannst hann
eins og blaðra sem stungið hef-
ur verið gat á, því að hann
sá ekki betur en þetta væri
venjulegi tveggja sæta sport-
bíllinn. Hann áttaði sig ekki
fyrr en einum af eldri gerðinni
var ekið upp að hlið þess nýja,
því að þetta var sá nýi. Mis-
munurinn lá eingöngu í lengd-
inni. Þeim gamla hafði verið
skipt í tvennt og 23 sm bætt
inn í miðjuna. Útkoman er sú,
að nýi Jagúarinn verður rúm-
betri án þess að missa nokkuð
af glæsilegum rennileik sínum.
Blaðamaðurinn ætlaði að reyna
hvernig aftursætið væri, en
komst að raun um, að með sitt
umfang yrði hann að halda sig
að framsætunum. En það getur
farið ágætlega um tvö stálpuð
börn aftur í. Og þó að ekki
virðist geta verið mikið afgangs
rými fyrir farangur, eftir lög-
un bílsins að dæma, þá gefur
að líta stærðar töskugeymslu,
þegar opnað er að aftan. Sem
-sagt, fjölskyldan getur farið
saman í ferðalag og farið hratt
yfir, allt að 240—245 km á
klukkustund. Hitt er svo annað
mál, hversu æskilegt það er,
Framhald á bls. 43.
Þessi bíll er svo nýr að hann er enn ekki kominn á markaðinn. Jagúarsportbíll, þriggja dyra með fjórum sætum.
FÁLKINN 25