Eintak - 01.04.1969, Blaðsíða 6

Eintak - 01.04.1969, Blaðsíða 6
SEK Það er varla viö því að búast að almenningur beri gott skynbragð á myndlist á meðan fjölmiðlunartækin gera það ekki. Kröfurnar eru ekki miklar. Hvaða hálfviti sem er getur fengið sér liti og pensla, sýnt tómstundadunur sitt og veskú - sjónvarpsmenn koma á staðinn með pomp og pragt. Næsta kvöld birtist svo óskapnaðurinn á sjón- varpsskermum í flestum stássstofum landsins. Sjónvarpið afsakar sig með því að enginn sé fær um að dæma hvað sé slæm myndlist og því sé rétt að sýna allt. Vitanlega getur eng- inn dæmt með óskeikulli fullvissu um hvað sé hæft til að birtast í sjónvarpi og hvað ekki, en það afsakar ekki alla platmálarana, sem öðru hvoru glotta til manns í fréttum sjónvarpsins. Hræddur er ég um að tónlistarunnendur yrðu brúnaþungir ef allir þeir, sem gutlað geta Gamla Nóa með einum putta fengju að halda konsert í sjónvarpssal. Dagblöðin geta tæplega talist neinir myndlistarunnendur. Tíminn eyðir forsíðum sínum í viðtöl við gerfimálara. Alþýðublaðið hafði fyrir skömmu viðtal við tvo unga myndlistarmenn og var það viðtal áreiðanlega engum til sóma. Þjóðviljinn er eiginilega hættur að minnast á myndlist, en fyrir nokkrum árum var hann mjög lifandi blað í garð myndlistar. Vísir og Morgunblaðið eru einu blöðin, sem halda uppi fastri myndlistargagnrýni - þökk sé þeim fyrir það. En því miður, Morgunblaðið sýnir myndlist hroðalega óvirðingu með sýningarglugga sínum í Aðalstræti. Forráðamenn gluggans eru ótirá- lega snjallir að þefa uppi mestu pensilfúskara, sem til eru á land- inu, og sýna verk þeirra. Morgunblaðsglugginn getur gert mynd- list í landinu meira illt en menn gera sér grein fyrir. Morgun- blaðið er stærsta dagblað landsins og málgagn stærsta stjórnmála- flokksins. Það er þvf ekki ólíklegt að hrekklausar sálir, sem leið eiga um miðborgina, taki alvarlega ófögnuðinn, sem Morgunblaðs- glugginn hefur upp á að bjóða og getur hann þannig stox'skátSaS lista- smekk þjóðarinnar. Sýningarsalir borgarinnar eru því miður að meira leyti reknir af gróðasjónarmiði en menningarsjónarmiði að undanteknu Unuhúsi. sem oftast er með ágætissýningar. Hliðskjálf er heldur ekki sem verst, þræðir einhvern milliveg.

x

Eintak

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Eintak
https://timarit.is/publication/355

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.