Tímarit iðnaðarmanna - 01.12.1967, Blaðsíða 57

félagsmenn þeirra séu jafnframt í viðkomandi iðnaðar-
mannafélagi.
Loks er gert ráð fyrri, að iðnfyrirtæki og sambönd
þeirra geti eins og áður verið aðilar að Landssam-
bandi iðnaðarmanna.
Þá er gert ráð fyrir, að iðnráðin verði áfram aðilar
að iðnþingum eins og verið hefur frá upphafi, en reynt
verði að gera þátttöku formanna þeirra á iðnþingum
meiri en verið hefur, iðnráðunum sjálfum til uppbygg-
ingar og eflingar. Iðnþingin verði jafnframt lands-
fundur iðnráðanna, og er því mikilvægt, að formenn-
irnir fjölmenni til Iðnþings. Landssambandið þarf að
hlutast til um, að þeir haldi á þingtíma sérstakan fund,
þeir sem ræði um störf iðnráðanna og samræmi starfs-
hætti sína, enda er mikilvægt, að fullt samræmi sé í
störfum þeirra. Vel gæti komið til greina að einn af
stjórnarmönnum Landssambandsins, t. d. varaforseti,
hefði forystu á slíkurn fundi. Ætti það að auðvelda
samstarf Landssambandsins og iðnráðanna. Lands-
sambandið hafi áfram milligöngu milli iðnráðanna og
opinberra aðila að því er varðar umsagnir um réttinda-
umsóknir, eins og verið hefur frá upphafi, en athug-
andi væri, hvort ekki væri rétt að leita eftir samstarfi
um þau mál við heildarsamtök iðnsveina eftir því sem
henta þykir.
Iðnskólarnir hafa hver um sig haft rétt til þess að
senda fulltrúa á iðnþing. Er það frá þeim tíma, er þeir
voru reknir af iðnaðarmannafélögunum og því hluti af
samtökunum. En eftir að ríki og sveitafélög hafa tekið
við skólunum virðist ekki sama ástæða til að þeir hafi
sömu áhrif á gang mála á iðnþingum og áður. Gerir
því nefndin ráð fyrir, að beinni aðild að hálfu iðn-
skólanna verði hætt, en formaður sambands iðnskól-
anna verði sjálfkjörinn á iðnþing með sama rétti og
formaður iðnfræðsluráðs o. fl. hafa haft.
Á Norðurlöndum eru iðnsamböndin að mestu skip-
uð meisturum og iðnfyrirtækjum en ekki sveinum.
Nefndin telur ekki tímabært að skilja þar á milli hér á
landi, enda þótt mörg sveitafélög hafi sagt skilið við
Landssambandið og séu nú tengd öðrum heildarsam-
tökum.
Með hliðsjón af framansögðu hefur nefndin endur-
skoðað lög Landssambandsins í heild og leyfir sér hér
með að leggja fyrir iðnþingið meðfylgjandi tillögur að
nýjum lögum fyrir Landssamband iðnaðarmanna.
Reykjavík, 15. september 1967.
Vigfús Sigurðsson, form. Gissur Sigurðsson
(sign.) (sign.)
Haraldur Þórðarson Sigursveinn Hersveinsson
(sign.) (sign.)
Tillaga um
LÖG FYRIR
LANDSSAMBAND IÐNAÐARMANNA
1. gr.
Sambandið heitir „Landssamband iðnaðarmanna".
2. gr.
Hcimili þess og varnarþing er í Reykjavík.
3- gr-
Tilgangur Landssambandsins er: að efla íslenzkan
iðnað, vera sameiginlegur málsvari fyrir stéttarhags-
muni iðnaðarins ,að gæta faglegra, efnahagslegra og
félagslegra hagsmuna iðngreinanna og sambandsfélag-
anna, vinna að framgangi hagsmunamála þeirra í at-
vinnulífi og þjóðfélaginu, vinna að samheldni og skiln-
ingi milli sambandsfélaga, vinna að persónulegum
dugnaði, samheldni, áreiðanleik, félagslegu samstarfi
og góðum viðskiptavenjum til verndar háum faglegum
kröfum.
4- gr-
Þessum tilgangi vill Landssambandið ná m. a. með
því að:
a) Efla samvinnu meðal iðnaðarmanna.
b) Greiða fyrir félagssamtökum meðal iðnaðar-
manna og hlutast til um að öll slík samtök séu í L. i.
c) Leita samvinnu við öll þau fyrirtæki eða samtök,
sem vinna að eflingu iðnaðarins í landinu.
d) Styðja tæknilega, efnahagslega, félags- og menn-
ingarlega þróun iðnaðarins.
e) Vinna að því að iðnlöggjöfin sé sem fullkomnust
og ávallt í sem nánustu samræmi við kröfur og þróun
tímans.
f) Koma fram fyrir hönd iðnaðarins gagnvart opin-
berum aðilum og öðrum sem samskipti þurfa að hafa
við iðnaðinn.
g) Tryggja eftir mætti, að réttur iðnaðarmanna og
iðnfyrirtækja sé ekki fyrir borð borinn, hvorki af lög-
gjafarþingi þjóðarinnar, ríkisvaldi né öðrum, svo og að
fylgjast með framkvæmd allra laga, er snerta iðnað og
sjá um að eftir þeim sé farið.
h) Að vinna að sýningum á íslenzkri iðnaðarfram-
leiðslu og styðja að sölu hennar á allan hátt.
i) Vinna að því, að sem fullkomnastri iðnfræðslu sé
haldið uppi í landinu og styðja að framhaldsmenntun
iðnaðarmanna.
j) Gefa út blöð, bækur og ritlinga um iðnaðarmál og
annað, sem iðnaðarmenn varða.
k) Halda uppi félagslegri fræðslustarfsemi meðal
iðnaðarmanna með erindrekstri, fræðandi fyrirlestrum
og leiðbeiningum um félags- og skipulagsmál þeirra.
161
TÍMARIT IÐNAÐARMANNA