Tímarit iðnaðarmanna - 01.12.1967, Side 17

Gissur Sigurðsson, Reykjavík, Guðni Magnússon, Keflavík, Garðar Björnsson, Hellu,
forseti Iðnþingsins. fyrsti varaforseti. annar varaforseti.
og skýrði einstaka liði. Reikningunum hafði einnig
verið dreift fjölrituðum til þingfulltrúa. Engar fyrir-
spurnir komu fram um reikningana og var þeim vísað
til fjármálanefndar.
Þá var tekið fyrir 3. mál á málaskránni, fjárhagsáætl-
un Landssambandsins fyrir árið 1968, og las Otto
Schopka upp áætlunina og skýrði einstaka liði. Fjár-
hagsáætlunin gerði ráð fyrir 255 þús. kr. greiðsluhalla
á árinu. Engar fyrirspurnir voru gerðar og áætluninni
vísað til fjármálanefndar.
Vigfús Sigurðsson, forseti Landssambandsins, hafði
framsögu fyrir 4. málinu á málaskránni, inntöku nýrra
félaga. Aðeins eitt félag hafði sótt um inngöngu í
Landssambandið á síðastliðnu starfsári, Meistarafélag
útvarpsvirkja ,og mælti stjórn Landssambandsins með
því, að það yrði tekið í Landssambandið, enda væri
ekkert því til fyrirstöðu skv. lögum félagsins eða
Landssambandsins. Málinu var vísað til skipulags-
nefndar. Siguroddur Magnússon, rafv.m., bar fram
fyrirspurn um aðild útvarpsvirkja að Landssamband-
inu og Otto Schopka svaraði.
Ingólfur Finnbogason hafði framsögu um innflutn-
ing og tollamál iðnaðarins, 9. mál á málaskrá iðn-
þingsins. Hann ræddi um þá erfiðleika, sem margar
iðngreinar ættu við að etja vegna mikils innflutnings
erlends iðnvarnings og misræmis í tollum á hráefnum
og fullunninni vöru. Hann benti á, að taka yrði tillit
til hagkvæmni þess frá þjóðhagslegu sjónarmiði, að
framleiða vörurnar hér innanlands og því yrði að gera
innlendum iðnaði kleyft að keppa við innflutninginn.
Þá skýrði hann frá ýmsum kröfum, sem fulltrúar
Landssambandsins hefðu lagt fyrir iðnaðarmálaráð-
herra til eflingar íslenzkum iðnaði og yrði að vinna að
lausn þeirra mála.
Að lokinni ræðu Ingólfs, laust eftir kl. 17.00, sleit
forseti fundi.
Borgarstjórinn í Reykjavík, Geir Hallgrímsson,
hafði móttöku fyrir iðnþingsfulltrúa í fundar- og mót-
tökusal borgarráðs í Pósthússtræti 7 milli 17.30 og
19.30. Borgarstjórinn flutti við það tækifæri ávarp og
Gissur Sigurðsson, forseti iðnþingsins, þakkaði fyrir
móttökurnar af hálfu iðnþingsfulltrúa.
Fimmtudaginn 28. sept. kl. 10 f. h. var annar fundur
iðnþingsins settur og tekið fyrir fyrsta málið á mála-
skrá þingsins, skýrsla stjórnar Landssambands iðnað-
armanna til iðnþingsins. Framkvæmdastjóri Lands-
sambandsins, Otto Schopka, flutti skýrsluna, en sú
nýbreytni hafði verið tekin upp, að skýrslan var sér-
prentuð og hafði áður verið dreift til iðnþingsfulltrúa.
Fyrst í skýrslunni er gerð grein fyrir ástandi og horfum
í iðnaðinum almennt og síðan skýrt frá aðstöðu stærstu
iðngreinanna. Síðan var gerð grein fyrir einstökum
málaflokkum, sem að hefur verið unnið á síðasta starfs-
tímabili. Skýrsla stjórnarinnar er birt hér á öðrum stað
í tímaritinu og vísast til hennar.
Bjarni Einarsson kvað það ánægjulega nýbreytni, að
gerð væri grein fyrir stöðu iðnaðarins í skýrslunni og
þannig fengizt góð heildaryfirsýn yfir málin. Hann
sagðist álíta, að í framtíðinni þyrfti hver starfsgrein
að kanna stöðu sína og vinna síðan að því að fá við-
unandi starfsgrundvöll.
Ekki tóku fleiri til máls um skýrslu stjórnarinnar.
Þá var tekið fyrir 5. málið á málaskrá þingsins,
breytingar á lögum Landssambands iðnaðarmanna.
TÍMARIT IÐNAÐARMANNA
121