Vikan - 03.09.1959, Blaðsíða 13

Sigvaldi Thordarson, arkitekt
Einbýlishús við Selvogsgrunn
betta svipfagra einbýlishús blasir við augum vegfarandans, þegar
farið er um Selvogsgrunn — það er að segja ekki fiskimiðunum suður
af Selvogi, heldur samnefndri götu í Reykjavík. Það sem einkennir ytra
útlit þessa húss, eru hreinar línur og skýrt afmarkaðir fletir. í fyrstu,
finnst manni, að hér muni vera um að ræða venjulegt tveggja hæða hús,
en þegar inn úr dyrunum kemur, verður það ljóst, að svo er ekki. Og
hér erum við komin að því, sem einkennir húsið hvað mest: Það er byggt á fimm
misháum gólfuni eins og gluggarnir á gaflinum gefa hugmynd um, ef við athugum
þá nánar. Forstofa, eldhús og borðstofa eru á sömu hæð. Nokkrum þrepum ofhr
er stofan, en síðan er gengið niður nokkur þrep í skrifstofu húsbóndans, sem er
yfir bílskúrnum. Svefnherbergin eru á jarðhæð og gengið niður i þau úr forstof-
unni og áfram nokkur þrep niður í kjallara (neðstu gluggarnir til hægri á gaflin-
um). Hér hefur hugmyndaríkur arkitekt fengið að láta gamminn geysa og útkoman
er mjög skemmtileg. Innréttingar eru víða gerðar á nokkuð sérstakan hátt. Til
dæmis hallar loftinu í stofunni eins og þakið sýnir og neðan á það hefur verið)
klætt með plötum úr hertri járnkvoðu. Húsið er úr steinsteypu og eigandi þess,
Eiríkur Ásgeirsson, gat þess, að mótauppslátturinn hefði verið margbrotinn, en
hann kvaðst annars mjög ánægður með húsið og samstarfið við arkitektinn.
Séð úr skrifstofu húsbóndans upp í stofuna.
aD™a DDDD