Vikan - 18.02.1960, Blaðsíða 15

ÞÚ KAUPiR FOKHELT
— Þá er það verðið. Hvert er það,
og hvað er innifalið í þvi?
— 245 þúsund, herra minn. Mjög
gott verð, get ég sagt yður. Innifalið
í því verði er allur frágangur utan
húss, múrverk og málning, útidyr,
svaladyr, kjallarinn múrhúðaður og
stigagangurinn, einnig ásamt hand-
riði. Þá fylgir tvöfalt gler i glugg-
um og miðstöð með allri hitalögn.
— Já, sér er nú hvað, segir þú,
yfir þig hrifinn. En spyrðu betur,
kunningi sæll. Það er liitt og þetta,
sem er ekki komið upp á yfirborðið.
— Er þakið málað og fylgja niður-
fallsrör?
— Niðurfallsrörin l'ylgja örugglega,
en ég veit nú bara ekki um málning-
una á þakinu.
— Auðvitað er það allt innifalið. —
— Lika dúkurinn á stiganum?
— Ja, það er nú svo lítið atriði.
— Er harðviður í útihurðunum og
plast á handriðinu í ganginum?
— Það hlýtur að vera góður viður
i hurðunum. — Ég veit satt að segja
ekki, hvernig það er með plástið á
handriðin. Það munar nú ekki svo
miklu.
— Er gott rými í kjallaranum, eða
hefur húsbyggjandinn kannski holað
þar niður íbúð?
— Plássið er mjög gott, en að visu
byggði hann þar litla ibúð.
— Hverfigluggar?
— Ég hef nú gleymt að spyrja að
því. Annars held ég ekki.
— Bilskúrsréttindi?
— Það er eiginlega óákveðið. Lik-
lega eru þau ekki með.
— Fasteignasalinn getur náttúr-
lega sagt mér, hvaða arkítekt teikn-
aði húsið?
— Ja, það stóð nú bara ekkert
nafn á teikningunni. (Við getum sem
sagt gengið út frá þvi, að arkitektinn
hefur ekki verið neitt „stórt númer“,
og kannski hefur það verið be-zt fyrir
hann að sleppa undirskriftinni).
ÆJA, karlinn, nú sérðu, að sitt-
hvað er óákveðið, og þú getur
alveg sagt þér það sjálfur, hver
borgar þá reikninga. Þú skalt ekki
víla fyrir þér að telja upp smáatriðin
og hafa allt skýrt og ákveðið. Og þú
skalt skrifa það niður við samnings-
gerðina. Þér verður að vísu fenginn
fjölritaður samningur, og þú þarft
aðeins að skrifa nafnið þitt undir. En
seljandinn lætur kaupin áreiðanlega
ekki ganga til baka, þótt þú bætir
við nokkrum atriðum. Svo áttu eftir
að spyrja um greiðsluskilmála.
— Þetta á að borga úl — eða hvað?
— Aðeins 195 þúsund út eða því
sem næst. Að vísu lét hann sér nægja
að fá 50 þúsund út í byrjun, en íbúð-
irnar hafa selzt svo vel, að ég býst
við því, að hann vilji fá þessi 195
þúsund á mánuðunum til vorsins.
f 4 Afganginn, 50 þúsund, lánar hann til
"r'i 5 ára ineð 7% vöxtum. — Svo kæmi
það ef til vill til greina að múra
fyrir yður ibúðina. Með því inóti
kostar hún 285 þúsund. Já, hann tek-
ur 40 þúsund fyrir einangrun og
múrverk.
— Þér gætuð kannski frætt mig um
það, livað ibúðin mundi þá kosta
fullbúin, ef ég keypti hana múraða
á 285 þúsund? —
— Það fer auðvitað eftir þvi, hvað
mikið yrði lagt i hana. En miðað Við
venjulegan frágang yrði hún fullbúin
á svona 350—370 þúsund. Það er mjög
lítið verð fyrir 100 fermetra ibúð.
(Nú nefnir hann ekki fjögur her-
bergin meira).
— 350—370 þúsund. Það fer hita-
bylgja um þig. Það er hreint ekki
mikið verð. Ekki nema 100 þúsund
fram yfir það, sem þú færð fyrir
kjallaraibúðina. Þú flýtir þér heim
og sýnir konunni þinni allar þessar
áætlanir. Eftir að gengið hefur verið
frá samningum og hið gullna tæki-
færi hefur verið hreppt, sofnið þið
sæl eins Og börn. — og hvílik bless-
uð börn.
Framhald á bls. 31.
Lögfræðingurinn segir:
i
GUÐJÓN HÓLM, lög-
fræðingur, hefur lát-
ið Vikunni í té fjög-
ur lögfræðileg atriði,
scni hann taldi væn-
leg sáluhjálparatriði
að hafa vitneskju um
fyrir þann, sem ætl-
ar að kaupa fokhelt.
1) Mikilvægt er, að kaupandinn athugi, að gengið
hafi verið frá lóðarsamningi við bæjaryfirvöldin.
Astæðurnar fyrir því eru tvær:
a) Sé lóðarsamningur ekki fullnægjandi, fæst hvergi
lán í opinberri lánastofnun né sjóði. fbúðin er þá
ekki virt sem fasteign, heldur sem lausafé, eins
og til dæmis bíll.
b) Ef viðkomandi ætlar sér að selja íbúðina síðar,
þá skortir hann fullkomna eignarheimild, sé lóð-
arsamningur ekki í lagi.
2) Kaupandi þarf að láta þinglýsa kaupsamningn-
um og seinna afsalinu. Venjulega er trassað að þing-
lýsa kaupsamningnum, en slíkt hefur engan auka-
kostnað í för með sér, því að þá þarf ekki að borga
stimpilgjald af afsalinu á eftir. Með þessu hefur kaup-
andinn tryggt réttindi sín gagnvart seljanda, og sam-
kvæmt lögum um stimpilgjöld er ólöglegt að þing-
lýsa ekki kaupsamningunt.
3) Kaupanda skal bent á að taka alls ekki þátt (
skattsvikum í sambandi við kaup á fokheldri íbúð.
Seljandinn kann að fara fram á það við kaupandann
að láta svo sem 30—50 þúsund af kaupverðinu
„hverfa“, — það er að segja, að á framtalinu er íbúð-
in talin hafa verið keypt fyrir þetta miklu Iægri upp-
hæð en raunverulega var. Þetta kann kaupandanum
að virðast, að geti komið sér vel fyrir hann líka, en
ef upp kemst, — og það gerir það oft, — þá verður
þessi upphæð tvöfölduð og síðan bætt við tekjur
hans. Þegar menn standa í byggingu, kenuir sér illa
að þurfa að borga skatta af 60—100 þúsund hærri
upphæð en árslaunin voru.
4) Menn athugi það, að eigin vinna þeirra er skatt-
lögð fyrir þann hluta íbúðarinnar, sem þeir nota
ekki sjálfir. Aukavinna telst það því aðeins, að ekki
fari fram úr 1200 tímuni á ári eða því sem næst 4
tímum á dag í 25 daga á mánuði að jafnaði. Sé talin
fram meiri eigin vinna, er Htið svo á, að húsbyggj-
andinn hafi verið f vinnu hjá sjálfum sér, og þá er
hann skattlagður fyrir þá tíma, sem eru fram yfir
1200, og honum reiknaðir um 25 krónur á tímann.
V IK A N
j