Vikan - 19.05.1960, Blaðsíða 17

KO
OOO
REGNFATATÍZKAN í VOR.
Fyrst er skýluklútur, svo er regnhattinum troðið þar ofan
á. Hingað til hefur annað hvort verið látið duga, en nú
verður að nota hvort tveggja til þess að tolia í tizkunni.
Hattarnir eru með kúptum ltolli og uppbrettum börðum og
úr sama efni og kápan. llöfuðklúturinn, hanzkarnir og regn-
hlífin eru úr sama efni, ýmist doppóttu eða síinynztruðu.
Kápurnar eru með víðum ermum, hálflöngum. Vasarnir eru
mjög stórir og utanásettir. Hnapparnir eru yfirleitt stórir
líka. Iíragarnir eru með ýmsu móti, allt frá meðalstórum
frönskum krögum upp i feiknamikla „matrósa“-kraga.
Tau-
myndir
Evu langaði til að eignast nýja mynd á vegginn hjá sér, en þar sem hún hafði
gleymzt, þegar guðirnir úthlutuðu málaratalentunni, gat hún auðvitað ekki búið til
málverk. Þá datt henni það snjallræði í hug að klippa út tauafganga, líma þá á ein-
litan grunn og hengja síðan upp á vegg. Þar sem hún var ekkert sérlega lagin að klippa
út, þá varð myndin auðvitað „abstrakt“. Þvílík heppni! Þetta er ananrs ágæt aðferð,
því að búa má til alls konar myndir, því að þær þurfa ekki endilega að vera abstrakt.
Tilvalið er að hengja þær upp eins og sýnt er hér á myndinni. En það er þannig, að
á tauið er gerður breiður faldur, sem spýta eða bambusrör er síðan dregið gegnum.
Með þessu móti liggur myndin slétt á veggnum.
VIKAN
17