Veðrið - 01.09.1972, Blaðsíða 10

þegar mest liggur við. En vonandi verður bráðlega hægt að gera þessar spár strax
að haustinu.
Sumarið og haustið 1972 var það hlýjasta, sem hefur komið á Jan Mayen síðan
fyrir kuldaskeiðið, sem byrjaði þar 1964, en 1965 hér á landi. Það lofaði góðu
um h'tinn ís liér viff iand veturinn og vorið 1973. Þegar þetta er ritað, 24. febrúar,
hefur enn enginn ís sézt við land, og sjór er fremur ntildur fyrir norðan land,
samkvæmt rannsóknum Svends Malmbergs. Nú fer vorhiti tvímælalaust talsvert
eftir því, hvort ís er við land eða ekki. Og vorhitinn ræður aftur miklu um, hvort
kalið lætur til sín taka. Eins og stendur er því allgóð von um íslítið vor og gott
grasár 1973. P. B.
ADDA BÁliA SIGFÚSDÓTTIR og FLOSI HliAFN SIGURÐSSON:
Greinargerð um mesta
vindhraða, sem vænta má á Islandi
Vindmælar eru á tiltölulega fáunt veðurstöðvum á Islandi, og tímabil mæl-
inganna er ekki langt. Þess vegna er að svo stöddu ekki gerlegt að reikna út há-
marksgildi vindhraða fyrir mjög langt tímabil, t. d. 50 ár.
Skráðar vindhraðamælingar eru yfirleitt mælingar á meðalgildi fyrir 10 mín-
útur, en um styttri tima mun þó stundum vera að ræða. Reglubundnar mæling-
ar á snöggum vindhviðum eru hins vegar af mjög skornum skammti. I Reykjavík
eru slíkar mælingar skráðar öðru hverju frá 1942 og fram yfir 1954. Á Hvera-
völlum, Keflavíkurflugvelli og á Stórhöfða í Vestmannaeyjum eru hins vegar til
nokkrar mælingar frá síðustu árum, og á Hjarðarnesi í Hvalfirði voru nýlega
gerðar mælingar um eins árs skeið.
Hæstu gildi, sem skráð hafa verið á vindhraða í snöggum hviðum, eru:
109 hnútar í Reykjavík í jan. 1942
107 hnútar á Stórhöfða í des. 1970
107 hnútar á Hjarðarnesi í okt. 1969
106 hnútar á Hjarðarnesi í febr. 1970
105 hnútar á Hjarðarnesi í jan. 1970
104 hnútar á Hjarðarnesi í maí 1970
104 hnútar á Stórhöfða í nóv. 1970.
Á Stórhöfða eru til meðalgildi fyrir 10 mín., sem eru jafnhá eða liærri en ofan-
greindar hviðumælingar, en ekki var þá viinlmælir, sem gat mælt snöggar hviður.
46 — VEÐRIÐ